12/04/2021 - 08:18

ល្ខោន​យូរ​កេរ​គង់​វង់​ជា​និច្ច​

ឆ្លង​កាត់​ ១០០ ឆ្នាំ​កកើត​និង​អភិវឌ្ឍន៍ សិល្បៈ​ ល្ខោន​យូរ​កេរ​ (ឬ​ហៅ​ថា​ល្ខោន​បា​សាក់​) ជា​សិល្បៈ​ប្រ​ពៃណី​របស់​ជន​រួម​ជាតិ​ខ្មែរ​ណាម​បូ​ ត្រូវ​បាន​ជន​រួម​ជាតិ​ខ្មែរ​បន្ត​វេន​អភិរក្ស​ និង​អភិវឌ្ឍន៍​​ជា​ច្រើន​ជំ​នាន់​។​  ពិសេស​ ឆ្នាំ​ ២០១៤ សិល្បៈ​ល្ខោន​យូរ​កេរ​បាន​ទទួល​ស្គាល់​ជា​បេតិ​កភណ្ឌ​វប្បធម៌​អរូបី​ជាតិ​។​

ឈុត​សម្តែង​ក្នុង​រឿង​ “នរណា​ជាព្រះ​រាជ​បុត្រា​” របស់​ក្រុម​សិល្បៈ​មហា​ជន​ប្រា​សាទ​គង់​។​

តាម​ប្រ​សាសន៍​អនុបណ្ឌិត​ សិល្ប​ករ​ឆ្នើម​សើុង​លឿង​ អនុប្រ​ធាន​សមាគម​សិល្បៈ​អក្សរ​សិល្ប៍​ខេត្ត​សុក​ត្រាំង​  សិល្បៈ​ល្ខោន​យូរ​កេរ​របស់​ជន​រួម​ជាតិ​ខ្មែរ​ណាម​បូ​ បាន​បង្ក​បង្កើត​ មាន​ឈ្មោះ​បោះ​សំ​ឡេង​ក្នុង​ជីវ​ភាព​សិល្បៈ​ប្រ​ពៃណី​វៀត​ណាម។​ ផ្តើម​ពី​រោង​ល្ខោន​ “ឯក​ជន​” បាន​បង្ហាញ​មុខ​ដំ​បូង​បង្អស់​ក្នុង​ឱកាស​បុណ្យ​ចូល​ឆ្នាំ​ថ្មី​ប្រ​ពៃ​ណី​វៀត​ណាម តឹង​យ៉ូវ ឆ្នាំ​១៩២១ នៅ​ភូមិ​វ៉ាន់​ត្រាច់ (ឥឡូវ​ជា​ឃុំ​អាង​ហ៊ីប ស្រុក​មីទូ) អា​ស្រ័យ​លោក​ឆាគ្រួន បាន​បង្កើត​ឡើង​មក​ដល់​ពេល​នេះ​ ល្ខោន​យូរ​កេរ​កាន់​តែ​អភិវឌ្ឍ​ ពី​មួយ​ថ្ងៃ​ទៅ​មួយ​ថ្ងៃ​។​ លោ្ខន​យូរ​កេរ​ បាន​ចាត់​ទុក​ជា​ “រតន​សម្បត្តិ​” វប្បធម៌​ជាតិ​ ហើយ​តែង​មាន​វត្ត​មាន​នៅ​ក្នុង​ពិធី​ជួប​ជុំ​បុណ្យ​ទាន​ របស់​ជន​រួម​ជាតិ​ខ្មែរ​។​

 ឆ្នាំ​២០១៦ ខេត្ត​សុក​ត្រាំង​បាន​ប្រ​កាស​សេច​ក្តី​សម្រេច​លេខ​២២៥០/QĐ-UBND ស្តីពី​អភិរក្ស​និង​ពង្រីក​តម្លៃ​វប្បធម៌​អរូបី​សិល្បៈ​ ល្ខោន​យូរ​កេរ​ រួម​មាន​ខ្លឹម​សារ​៖ លើក​កម្ពស់​ស្មារតី​យល់​ដឹង​ក្នុង​សង្គម​ចំ​ពោះ​ល្ខោន​យូរ​កេរ​ បណ្តុះ​បណ្តាល​ស្នង​បន្ត​ សិក្សា​ស្រាវ​ជ្រាវ​វិទ្យា​សាស្រ្ត​ ចាត់​តាំង​សមោសរ​ សម្ដែង​សិល្បៈ​ល្ខោន​យូរ​កេរ​។​ល។​ ឆ្លង​តាម​រយៈ​នោះ​ ខេត្ត​បាន​ចាត់​តាំង​សិក្ខា​សាលា​មហោ​ស្រព​ សិក្សា​ស្រាជ្រាវ​ឧបត្ថម្ភ​និពន្ធ​ចង​ក្រង​សាច់រឿង​។​ល។​ អំ​ពី​ល្ខោន​យូរ​កេរ​។​ មក​ដល់​ពេល​នេះ​ ខេត្ត​បណ្តុះ​បណ្តាល​សិល្ប​ករ​-ការិនី តន្ត្រី​ករ​របស់​ក្រុម​សិល្បៈ​មហា​ជន​ បាន​ជាង​ ៦០ នាក់។​ អា​ស្រ័យ​ហេតុ​នោះ​ ក្រុម​សិល្បៈ​មហា​ជន​ទាំង​ ៣ ក្រុម​និង​ក្រុម​ជំ​នាញ​របស់​ខេត្ត​១​ក្រុម​ នៅ​តែ​រក្សា​សកម្ម​ភាព​រហូត​ដល់​សព្វ​ថ្ងៃ​។​ លោក​ត្រឹង​ថាញ​លីម អនុប្រ​ធាន​មន្ទីរ​វប្ប​ធម៌​ កីឡា​និង​ទេស​ចរណ៍​ខេត្ត​សុក​ត្រាំង​ ឱ្យ​ដឹង​៖ “បច្ចុប្បន្ន​ ក្រៅ​ពី​ទៅ​សម្តែង​ក្នុង​ពិធី​ជួប​ជុំ​ បុណ្យ​ទាន​របស់​ជន​ជាតិ​ ល្ខោន​យូរ​កេរ​នៅ​ទាំង​បាន​ចាក់​ផ្សាយ​តាម​ស្ថានីយ​វិទ្យុ​វៀត​ណាម ស្ថានី​យទូរ​ទស្សន៍​វៀត​ណាម​ និង​ស្ថានីយ​ទូរ​ទស្សន៍​សុក​ត្រាំង​ទៀត​ផង​ បង្កើត​បាន​ថាម​ពល​ដ៏​ខ្លាំង​ក្លា​ក្នុង​សហ​គមន៍។​ ល្ខោន​យូរ​កេរ​គឺជា​ទម្រង់​សិល្បៈ​ពិសេស​ មាន​លក្ខណៈ​ពិសេស​ដោយ​ឡែក​របស់​ជន​រួម​ជាតិ​ខ្មែរ​ កំ​ពុង​បាន​អភិរក្ស​និង​ពង្រីក​”។​

ព្រះ​តេជ​ព្រះ​គុណ​ឡឹម​សឿង ព្រះ​ចៅ​អធិ​ការ​វត្ត​អំ​ពូយា ឃុំ​ថាញ់​ភូ មាន​ថេរដី​កា​៖ “តាំង​ពី​ដើម​មក​ទល់​ពេល​នេះ​ ល្ខោន​យូរ​ កេរ​តែង​មាន​វត្ត​មាន​នៅ​ក្នុង​ពិធី​ជួប​ជុំ​បុណ្យ​ទាន​ផ្សេង​ៗ​របស់​ជន​រួម​ជាតិ​ខ្មែរ​ និង​បាន​មាមីង​ខ្មែរ​ស្រ​ឡាញ់​ពេញ​ចិត្ត​បំ​ផុត​។​ រៀង​រាល់​ឆ្នាំ​ ឱ្យ​តែ​ដល់​បុណ្យ​ចូល​ឆ្នាំ​ថ្មី​ប្រ​ពៃ​ណី​ជាតិ​ វត្ត​តែង​ជួល​ល្ខោន​មក​សម្តែង​ដើម្បី​បម្រើ​ជូន​មាមីង​ពុទ្ធ​បរិស័ទ​មើល​កម្សាន្ត​។​ ប្រ​ការ​ដែល​ល្អ​របស់​ល្ខោន​យូរ​កេរ​គឺខ្លឹម​សារ​សាច់​រឿង​ បាន​ពាំ​នា​ំនូវ​អត្ថ​ន័យ​អប់​រំខ្ពស់​ក្នុង​សង្គម​។​     ក្នុង​រឿង​មាន​តួល្អ​និង​អា​ក្រក់​ ឆ្លុះ​បញ្ចាំង​ពី​មនុស្ស​រស់​នៅ​ស្លូត​ត្រង់​ជួប​តែអំ​ពើ​ល្អ​ មនុស្ស​អា​ក្រក់​តែង​ទទួល​បាប​កម្ម​ ម្ល៉ោះ​ហើយ​ ជួយ​អប់​រំ​ចរិត​លក្ខណៈ​និង​ផ្នត់​រស់​នៅ​របស់​ មនុស្ស​។​ ម្យ៉ាង​ទៀត​ សាច់រឿង​តែង​បង្ហាញ​ពី​ចំ​ណង​សាម​គ្គី​រស់​នៅ​ពឹង​ពាក់​ និង​ជួយ​គ្នា​ទៅ​វិញ​ទៅ​មក​ ព្រម​ទាំង​ព្រួត​ដៃ​បណ្តេញ​ខ្មោច​ព្រាយ​បិសាច កម្ចាត់​អំ​ពើ​អា​ក្រក់​ ដើម្បី​ជីវ​ភាព​បាន​សុខ​ក្សេម​ក្សាន្ត​។​ ព្រោះ​ហេតុ​នោះ​ ពេល​ទស្សនា​សាច់​រឿង​ល្ខោន​ យូរ​កេរ​អ្នក​ណា​ក៏​យល់​ ហេតុ​នោះ​ ដូន​តា​យើង​យក​តួអង្គ​ល្អ​ និង​អា​ក្រក់​ក្នុង​សាច់​រឿង​ដើម្បី​អប់​រំកូន​ចៅ​”។​

បង​ថាច់​ចម្រើន​ ប្រ​ធាន​ក្រុម​សិល្បៈ​ខ្មែរ​ខេត្ត​សុក​ត្រាំង​ ឱ្យ​ដឹង​៖ “បច្ចុប្បន្ន​ ជន​រួម​ជាតិ​ខ្មែរ​នៅ​សុក​ត្រាំង​ ចូល​ចិត្ត​មើល​ល្ខោន​ខ្លាំង​ណាស់​ ទោះ​បីក្រុម​ទៅ​សម្តែង​ដល់​ទីណា​ក៏​ទាក់​ទាញ​មាមីង​មក​ទស្សនា​កក​កុញ​។​ រៀង​រាល់​ឆ្នាំ​ ក្រុម​មាន​វណ្ណ​កម្ម​ថ្មី​ៗ​ ប្រ​កប​ដោយ​លក្ខណៈ​ប្រ​ពៃណី​ផង​ និង​ឆ្លុះ​បញ្ចាំង​ពី​ជីវ​ភាព​សង្គម​ផង​”។​ ប្អូន​សើុង​ធី​យ៉េវ សិល្ប​ការិនី​ក្រុម​សិល្បៈ​មហា​ជន​រ៉ងរ៉ង ឱ្យ​ដឹង​៖ “ប្អូន​ចូល​រួម​សម្តែង​ជា​មួយ​ក្រុម​បាន​ ២ ឆ្នាំ​ ធម្ម​តា​តែង​ហាត់​សម​នៅ​ពេល​យប់​។​ ប្អូន​កាន់​តែ​ហាត់​កាន់​តែ​ចូល​ចិត្ត​ ល្ខោន​យូរ​កេរ​!រាល់​ថ្ងៃ​ ប្អូន​ជា​កម្ម​ករ​ក្រុម​ហ៊ុន​ជលផល​ ប៉ុន្តែ​ពេល​សម្តែង​នៅ​លើ​ឆាក​ ប្អូន​តែង​ដើរ​តួ​ជា​ទេព​ធីតា​រាជ​បុត្រី​។​ល។​  ល្ខោន​យូរ​កេរ​ គឺ​ជា​ទម្រង់​ល្ខោន​ច្រៀង​ផង​ ពោល​ផង​ ម្ល៉ោះ​ហើយ​ត្រូវ​តែ​មាន​ចិត្ត​ស្រ​ឡាញ់​អា​ជីព​ទើប​សម្តែង​បាន​ល្អ​។​ បាន​ដើរ​តួ​សម្ដែង​បម្រើ​ជូន​មា​មីង​គឺ​ជា​ក្តី​សប្បាយ​រីក​រាយ​ កិត្តិ​យស​ដ៏​ធំ​ក្នុង​ការ​អភិរក្ស​សម្បត្តិ​វប្បធម៌​របស់​ជន​ជាតិ​ខ្មែរ​”។​

បច្ចុប្បន្ន​ នៅ​ខេត្ត​សុក​ត្រាំង​ មាន​ក្រុម​ល្ខោន​ យូរ​កេរ​ចំ​នួន​ ៤ ក្នុង​នោះ​ ក្រុម​សិល្បៈ​មហា​ជន​ចំ​នួន​ ៣ គឺក្រុម​រ៉ងរ៉ង ក្រុម​ប្រាសាទ​គង់​ ក្រុម​ចុង​ព្រែក​ និង​ក្រុម​សិល្បៈ​ខ្មែរ​របស់​ខេត្ត​។​ ក្រុម​ទាំង​នេះ​តែង​ទៅ​សម្តែង​នៅ​រដូវ​ប្រាំង​និង​បញ្ចប់​ការ​សម្តែង​នៅ​រដូវ​ភ្លៀង​។​ ភាព​ឋិត​ថេរ​នេះ​ កាន់​តែ​អំ​ណះ​អំ​ណាងសិល្បៈ​ ល្ខោន​យូរ​កេរ​នៅ​តែ​គង់​វង់​ជា​និច្ច​ និង​កាន់​តែ​ទាក់​ទាញ​ទឹក​ចិត្ត​ប្រ​ជា​ជន​ខ្មែរ​ពី​ជំ​នាន់​មួយ​ទៅ​ជំ​នាន់​មួយ​៕

​        យ្វី​អាញ-វិមាន​

 

ចែករំលែកអត្ថបទ