សុខភាព - អប់រំ អប់រំ

05/10/2020 - 16:15

លោកគ្រូតឹងឡឹក នាយកសាលាបឋមសិក្សាថាច់ធា

លោកគ្រូតឹងឡឹក នាយកសាលាបឋមសិក្សាថាច់ធា។

លោកគ្រូង្វៀនតឹងឡឹក ទទួលតំណែងជានាយកសាលាបឋមសិក្សាថាច់ធា ឃុំឡងមី ស្រុកតាមប៊ិញ ខេត្តវិញឡុង តាំងពីឆ្នាំ២០១៦ រហូតដល់សព្វថ្ងៃ។ លោកគ្រូរួមជាមួយសមូហភាពគ្រូបង្រៀនរបស់សាលាកសាងជោគជ័យសាលាបឋមសិក្សាថាច់ធាសម្រេចបទដ្ឋានជាតិ។

លោកគ្រូឡឹក រៀបរាប់៖ “ពេលឋិតក្នុងតំណែងជានាយករងសាលា បឋមសិក្សាង៉ៃតឺ B ខ្ញុំត្រូវបានថ្នាក់លើបញ្ជូនមកធ្វើនាយកសាលាបឋមសិក្សាថាច់ធា។ សាលានេះមានសិស្សជនជាតិខ្មែរច្រើនបំផុតរបស់ស្រុក ម្យ៉ាងទៀតសាលាកំពុងឋិតក្នុងដំណាក់ការកសាងមូលដ្ឋានសម្ភារៈថ្មី។ ឃើញថាពិបាកច្រើន តែដោយការស្រឡាញ់អាជីព ទើបខ្ញុំយល់ព្រមប្តូរមកឃុំឡងមី”។

សាលាបឋមសិក្សាថាច់ធា មានទីតាំងនៅមជ្ឈមណ្ឌលឃុំ។ សាលាមានសាខា២កន្លែង ដាក់នៅ ២ ភូមិដែលមានជនរួមជាតិខ្មែររស់នៅកុះករ គឺភូមិកឹងសុកនិងដាយ-ថ។ សាលាមាន សិស្ស៦១៦ នាក់ ក្នុងនោះមានសិស្សខ្មែរចំនួន ៤៧៤ នាក់។ សិស្សខ្មែរភាគច្រើននិយាយភាសាខ្មែរបានរលូន ប៉ុន្តែមិនចេះអក្សរ។ ហេតុនោះ លោកគ្រូឡឹក បានស្នើសុំផ្នែកអប់រំបញ្ជូនគ្រូបង្រៀនអក្សរខ្មែរមកបង្រៀននៅសាលា។ នៅពេលរងចាំផ្នែកអប់រំបញ្ជូនគ្រូបង្រៀនមក លោកគ្រូឡឹក បានចលនាគ្រូបង្រៀនអក្សរខ្មែរជួយបង្ហាត់ប្អូនៗ ជាបណ្តោះអាសន្ន។ លោកគ្រូថាច់វុឌ្ឍី គ្រូបង្រៀនសាលាបឋមសិក្សាថាច់ធា ចែករំលែក៖ “ឆ្នាំ២០១៦ លោកគ្រូឡឹក ចលនាខ្ញុំចូលបង្រៀនអក្សរខ្មែរដើម្បីអភិរក្សអក្សរសាស្រ្តខ្មែរ ខ្ញុំនិងគ្រូបង្រៀនមួយរូបទៀតរបស់សាលាបានបញ្ជូនទៅហ្វឹកហាត់ បង្រៀនអក្សរខ្មែរ។ អាស្រ័យនោះ ទើបសិស្សជនជាតិខ្មែរបានរៀនអក្សរខ្មែរតាមកម្មវិធីវគ្គសិក្សា។ ពេលសាលាបានផ្នែកអប់រំបញ្ជូនគ្រូបង្រៀន ២ រូបមកបង្រៀន ខ្ញុំវិលទៅបង្រៀនថ្នាក់ទី ៣ វិញ”។

លោកឡេទ្រីយុង អនុប្រធានគណៈកម្មាធិការប្រជាជនឃុំឡងមី បញ្ជាក់៖ “ចាប់តាំងពីពេលលោកគ្រូឡឹក មកទទួលបន្ទុកនៅសាលាបឋមសិក្សាថាច់ធា លោកគ្រូបានកសាងសមូហភាពគ្រូបង្រៀនសាមគ្គី សកម្មរៀនសូត្រនិងលត់ដំលើកកម្ពស់គុណបង្ហាត់បង្រៀន ម៉្លោះហើយ បន្ទាប់ពីមូលដ្ឋានសម្ភារៈសាលាត្រូវបានកសាងថ្មី សាលាគ្រប់លក្ខណៈទទួលស្គាល់សម្រេចបទដ្ឋានជាតិ។ សិស្សបានរៀនក្នុងបរិស្ថានអប់រំគ្រប់សម្បទា ដូច្នេះគុណភាពសិក្សាកាន់តែមានភាពល្អប្រសើរ”៕

ហាថាញ់-មុនី

ចែករំលែកអត្ថបទ

ពាក្យគន្លឹះ