ព្រឹត្តិការណ៍ - នយោបាយ ព្រឹត្តិការណ៍

24/08/2020 - 16:39

រៀបចំសកម្មភាពអំណរអនុស្សាវរីយ៍៧៥ ឆ្នាំ ទិវាបដិវត្តន៍ខែសីហា និងបុណ្យជាតិ ២ កញ្ញា

*បុណ្យជាតិឆ្នាំ ២០២០ កម្មករនិយោជិតបានឈប់សម្រាក១ថ្ងៃ

យោងតាមផែនការ ការរៀបចំសកម្មភាពផ្សព្វផ្សាយអនុស្សាវរីយ៍ ៧៥ ឆ្នាំ ទិវាបដិវត្តន៍ ខែសីហា ទទួលបានជោគជ័យ (១៩/៨/១៩៤៥-១៩/៨/២០២០) និងទិវាបុណ្យជាតិសាធារណរដ្ឋសង្គមនិយមវៀតណាម (២/៩/១៩៤៥-២/៩/២០២០) ទើបបានគណៈកម្មការរៀបចំទិវាបុណ្យ និងអនុស្សាវរីយ៍ក្រុងកឹងធើចេញសេចក្តីប្រកាស ក្រុងនឹងរៀបចំសកម្មភាពជាច្រើនអំណរព្រឹត្តិការណ៍នេះ។

តាមរយៈនោះ ព្រឹកថ្ងៃ ៣១ ខែសីហា ក្រុងនឹងរៀបចំគណៈប្រតិភូទៅអុជធូប និងដាក់កម្រងផ្កានៅបូជនីយដ្ឋានយុទ្ធជនពលី បូជនីយដ្ឋានស្តូបអ៊ំហូ នៅកំពង់ផែនិញកេវ និងប្រារព្ធពិធីអនុស្សាវរីយ៍៧៥ ឆ្នាំ ទិវាបដិវត្តន៍ខែសីហាទទួលបានជោគជ័យ (១៩/៨/១៩៤៥-១៩/៨/ ២០២០) និងទិវាបុណ្យជាតិសាធារណរដ្ឋសង្គមនិយមវៀតណាម (២/៩/ ១៩៤៥ -២/៩/ ២០២០) នៅសាលប្រជុំគណៈកម្មាធិការបក្សក្រុង។ កម្មវិធីត្រូវបានផ្សាយបន្តផ្ទាល់តាមវិទ្យុនិងទូរទស្សន៍ក្រុងកឹងធើ។ សកម្មភាពវប្បធម៌ កីឡានិងទេសចរណ៍ ដើម្បីអំណរអនុស្សាវរីយ៍ ក៏បានភូមិភាគនានារៀបចំគ្រប់កន្លែងលើភូមិសាស្រ្តក្រុង។ តួយ៉ាងដូច៖ តាំងពិព័រណ៍ក្រោមបធានបទ “វប្បធម៌បណ្តាជនជាតិភាគតិចដុងណាមបូ” និងកម្រងរូបភាព “មាតុភូមិសម្លឹងពីសមុទ្រ” ប្រព្រឹត្តទៅចាប់ពីថ្ងៃទី ៤ ខែសីហា ដល់ថ្ងៃ ១៥ ខែធ្នូនៅសារមន្ទីរក្រុងកឹងធើ។ ទិវាអេកូទេសចរណ៍ផុងដៀង ឆ្នាំ ២០២០ ប្រព្រឹត្តទៅចាប់ពីថ្ងៃ ២៤ ខែសីហា ដល់ថ្ងៃ ២៧ ខែកញ្ញា នៅទីលានស្រុកផុងដៀង។ ទិវាទេសចរណ៍ “រាត្រីបណ្តែតប្រទីបនិញកេវ” លើកទី ៤ ឆ្នាំ២០២០ ប្រព្រឹត្តទៅចាប់ពីថ្ងៃ ១៤ ដល់ថ្ងៃ ១៦ ខែវិច្ឆិកា នៅរមណីយដ្ឋានកំពង់ផែនិញកេវ ស្ពានថ្មើរជើងនិញកេវ ព្រែកខាយលួង។ល។

ការរៀបចំសកម្មភាពសំដៅទៅការផ្សព្វផ្សាយ អប់រំប្រវេណីស្នេហាជាតិ អត្ថន័យជាប្រវត្តិសាស្រ្តបដិវត្តន៍ខែសីហា ឆ្នាំ ១៩៤៥ និងទិវាលោកប្រធានហូជីមិញ អានសេចក្តីប្រកាសឯករាជ្យ បង្កើតប្រទេសវៀតណាមប្រជាធិបតេយ្យសាធារណរដ្ឋ (២-៩-១៩៤៥)។ ផ្តើមពីនោះ បំផុសស្មារតីសាមគ្គីប្រជាជាតិវៀតណាមក្នុងប្រវត្តិសាស្រ្តតស៊ូប្រយុទ្ធ កសាង និងរក្សាទឹកដី បញ្ជាក់ពីតួនាទីដឹកនាំរបស់បក្សកុម្មុយនិស្តវៀតណាម និងលោកប្រធានហូជីមិញ ក្នុងបុព្វហេតុរំដោះជាតិ កសាង និងការពារមាតុភូមិ បង្កទំនុកចិត្តក្នុងប្រជាជនលើការដឹកនាំរបស់បក្ស ។ល។ ពិសេស រាល់សកម្មភាពអំណរ ត្រូវតាមដានជានិច្ច និងធ្វើបច្ចុប្បន្នភាពពីការវិវឌ្ឍនៃជំងឺ COVID-១៩ និងសារាចរណែនាំរបស់មជ្ឈិម គណៈកម្មាធិការបក្សក្រុង និងគណៈកម្មាធិការប្រជាជនក្រុង ទាក់ទិនដល់ការងារបង្ការ ប្រឆាំងជំងឺ COVID-១៩ ដោយមិនសំអាង ធ្វេសប្រហែស ជ្រួលជ្រើម។ល។

*តាមសេចក្តីប្រកាសពីគម្រោងឈប់សម្រាកបុណ្យជាតិ ២ កញ្ញា របស់ក្រសួងការងារ-យុទ្ធជនពិការនិងសង្គមកិច្ច ឆ្នាំនេះបុណ្យជាតិត្រូវនឹងថ្ងៃពុធ ម៉្លោះហើយកម្មករនិយោជិតបានសម្រាកមួយថ្ងៃ គ្មានឈប់សង។ ប្រតិទិនសម្រាកថ្ងៃបុណ្យ ត្រូវបានអនុវត្តសម្រាប់កម្មាភិបាលអ្នករដ្ឋការ បុគ្គលិក និយោជិតក្នុងស្ថាប័នរដ្ឋបាល អាជីព អង្គការនយោបាយ-សង្គម។

នេះគឺជាឆ្នាំចុងក្រោយអនុវត្តប្រតិទិនឈប់សម្រាកបុណ្យជាតិមួយថ្ងៃ។ ចាប់ពីឆ្នាំ ២០២១ តាមក្រមច្បាប់ការងារ (វិសោធនកម្ម) ទើបបានរដ្ឋសភាអនុម័តិ កម្មករនិយោជិតបានឈប់សម្រាក ២ ថ្ងៃ គឺ ក្នុងឱកាសបុណ្យជាតិ ២ កញ្ញានិងថ្ងៃបន្ទាប់។ ការកំណត់យកថ្ងៃទី ១ ខែកញ្ញា ឬ ថ្ងៃទី ៣ ខែកញ្ញា អាស្រ័យក្រសួងការងារ-យុទ្ធជនពិការ និងសង្គមកិច្ចធ្វើសេនាធិការ ហើយរដ្ឋាភិបាលនឹងធ្វើការសម្រេចទៅតាមឆ្នាំនីមួយៗ៕

ថាញ់ឡុង-មុនី

ចែករំលែកអត្ថបទ

ពាក្យគន្លឹះ