17/08/2020 - 16:46

សម័យ​ប្រ​ឡង​សញ្ញា​បត្រ​មធ្យម​សិក្សា​ចំ​ណេះ​ទូទៅ​ ឆ្នាំ​២០២០ ប្រ​ព្រឹត្ត​ឡើង​យ៉ាង​ហ្មត់​ចត់​ សុវត្ថិ​ភាព​

ទន្ទឹម​នឹង​បេ​ក្ខជន​ទូទាំង​ប្រ​ទេ​ស​ប្រ​មាណ​ ៩០០.០០០ នាក់ នៅ​ក្រុង​កឹង​ធើមាន​បេ​ក្ខជន​ជាង​ ១០.០០០​ នាក់ ខេត្ត​សុក​ត្រាំង​ជាង​ ៨.៣០០ នាក់ និង​ខេត្ត​ត្រា​វិញ​ ៧.៩០០ នាក់ សម័យ​ប្រ​ឡង​សញ្ញា​បត្រ​មធ្យម​សិក្សា​ចំ​ណេះ​ទូទៅ​ឆ្នាំ​ ២០២០ ត្រូវ​បាន​ បញ្ចប់​ជាស្ថាពរ​។​

សមណ​សិស្ស​សាលា​មធ្យម​សិក្សា​បំ​ពេញ​វិជ្ជា​បាលី​ណាម​បូ​សុក​ត្រាំង​ ចូល​រួម​សម័យ​ប្រ​ឡង​សញ្ញា​បត្រ​មធ្យម​សិក្សា​ចំ​ណេះ​ទូទៅ​ថ្នាក់​ជាតិ​ ឆ្នាំ​២០២០។​

បេ​ក្ខជន​ប្រ​ឡង​នៅ​មណ្ឌល​ប្រ​ឡង​ង្វៀន​វៀត​ហុង​ ពាក់​ម៉ាស់ត្រូវ​តាម​សេច​ក្តី​កំ​ណត់​ពេល​ចូល​ប្រ​ឡង​។​ រូប​៖ ប៊ិ​ចង៉ុក​

លោក​ង្វៀន​ភុកតាំង​ នា​យក​រង​មន្ទីរ​អប់​រំនិង​បណ្តុះ​បណ្ដាល​ ប្រ​ធាន​ក្រុម​ប្រឹក្សា​ប្រ​ឡង​សញ្ញា​បត្រ​មធ្យម​សិក្សា​ចំ​ណេះ​ទូទៅ​ឆ្នាំ​ ២០២០ ក្រុង​កឹង​ធើ ឱ្យ​ដឹង​៖ សម័យ​ប្រ​ឡង​សញ្ញា​បត្រ​មធ្យម​សិក្សា​ចំ​ណេះ​ទូទៅ​ឆ្នាំ ​២០២០ នៅ​ក្រុង​កឹង​ធើ បាន​បញ្ចប់​ដោយ​សុវត្ថិ​ភាព​ ហ្មត់​ចត់​ ត្រូវ​តាម​លក្ខន្តិកៈ​ និង​ធានា​សុវត្ថិ​ភាព​សុខ​ភាព​ដល់​បេក្ខ​ជន​ប្រ​ឡង​។​ តាម​ការ​គ្រោង​ទុក​ ថ្ងៃ​ទី ២៧ ខែ​សីហា​ ក្រុង​កឹង​ធើ នឹង​បិទ​ប្រ​កាស​លទ្ធ​ផល​ប្រ​ឡង​។​ ក្នុង​សម័យ​ប្រ​ឡង​លើក​នេះ​ អត្រា​បេក្ខជន​ចូល​ប្រ​ឡង​រាល់​វិញ្ញា​សាសម្រេច​ជាង​ ៩៩,៧% ។​ វិន័យ​បន្ទប់​ប្រ​ឡង​ត្រូវ​បាន​ធានា​ ក្រុង​មាន​បេក្ខ​ជន​ស្វ័យ​រិន​ម្នាក់​ត្រូវ​បាន​បពា្ឈប់​មិន​ឱ្យ​ប្រ​ឡង​បន្ត​ ដោយ​បំ​ពាន​លក្ខន្តិកៈ​យក​ទូរ​ស័ព្ទ​ចូល​កាន់​បន្ទប់​ប្រ​ឡង​។​

បញ្ចប់​សម័យ​ប្រ​ឡង​ ទូទាំង​ខេត្ត​សុក​ត្រាំង​ មាន​បេក្ខ​ជន​អវត្ត​មាន​ចំ​នួន​ ១០១ នាក់ ដោយ​មូល​ហេតុ​ផ្សេង​ៗ​គ្នា​ ពិសេស​គឺបេក្ខ​ជន​ស្វ័យ​រិន។​ សម័យ​ប្រ​ឡង​នៅ​ខេត្ត​សុក​ត្រាំង​ប្រ​ព្រឹត្ត​ឡើង​ដោយ​សុវត្ថិ​ភាព​ គ្មាន​បេ​ក្ខជន​ណា​បំ​ពាន​លក្ខន្តិកៈ​ប្រ​ឡង​ឡើយ​។​ ដោយ​ឡែក​នៅ​ខេត្ត​ត្រា​វិញ​ មាន​បេ​ក្ខជន​ម្នាក់បំ​ពាន​លក្ខន្តិកៈ​ប្រ​ឡង​ ត្រូវ​បាន​បពា្ឈប់​មិន​ឱ្យ​ប្រ​ឡង​បន្ត​៕

​    ក្រុម​អ្នក​យក​ព័ត៌​មាន

ចែករំលែកអត្ថបទ