ព្រឹត្តិការណ៍ - នយោបាយ ព្រឹត្តិការណ៍

10/08/2020 - 16:48

ត្រៀមលក្ខណៈយ៉ាងហ្មត់ចត់សម្រាប់មហាសន្និបាតតំណាងទូទាំងប្រទេសបណ្តាជនជាតិភាគតិចវៀតណាម លើកទី II ឆ្នាំ២០២០

កាលពីថ្ងៃ ២៨ ខែកក្កដា នៅទីស្ដីការរដ្ឋាភិបាលបានរៀបចំកិច្ចប្រជុំគណៈចង្អុលការមហាសន្និបាត តំណាងទូទាំងប្រទេសបណ្តាជនជាតិភាគតិចវៀតណាម លើកទី II ឆ្នាំ២០២០ ។

ឧបនាយករដ្ឋមន្រ្តីប្រចាំការនៃរដ្ឋាភិបាល ត្រឿងហ្វាប៊ិញ ថ្លែងការណ៍សរុបសេចក្តីក្នុងអង្គសន្និបាត។

មហាសន្និបាតក្រោមបធានបទ៖ “ស្ថិតក្រោមទង់ជាតិដ៏ត្រចះត្រចង់របស់បក្ស បណ្តាជនជាតិ សមភាព សាមគ្គីភាព យោគយល់គ្នា ជួយគ្នាទៅវិញទៅមក ពង្រីកកម្លាំងផ្ទៃក្នុងរួមគ្នាអភិវឌ្ឍជាមួយប្រទេសជាតិ” ។ល។ តាមការគ្រោងទុក មហាសន្និបាតនឹងប្រព្រឹត្តទៅនៅខែ ១១ ឆ្នាំ ២០២០ ក្នុងរយៈពេល ៣ ថ្ងៃ នៅមជ្ឈមណ្ឌលសន្និសីទជាតិមីឌិញ រដ្ឋធានីហាណូយ។ ក្នុងរយៈពេល ៣ ថ្ងៃប្រព្រឹត្តឡើង មហាសន្និបាតនឹងមានសកម្មភាពខាងក្រៅជាច្រើនអមជាមួយ ដូចជា៖ គណៈប្រតិភូអញ្ជើញទៅអុជធូបនៅវិហារក្សត្រហ៊ុង (ភូ-ថ); គណៈប្រតិភូអញ្ជើញទៅគោរពវិញ្ញាណក្ខន្ធលោកប្រធាន ហូជីមិញ នៅវិមានតម្កល់សពអ៊ំហូ និងអញ្ជើញទៅគោរពវីរយុទ្ធជនពលី នៅស្តូបវីរយុទ្ធជនពលី ក្រុងហាណូយ; ថ្នាក់ដឹកនាំបក្ស រដ្ឋ បានជួបសំណេះសំណាលជាមួយអ្នកតំណាងគំរូ ។ល។ តាមការគ្រោងទុក នឹងមានអ្នកតំណាងជាផ្លូវការ ចូលរួមមហាសន្និបាតចំនួន ១.៦០០រូប ដោយមានសមាសភាពចូលរួមទាំង ៥៤ ជនជាតិ។ល។

អញ្ជើញចូលរួមនិងមានប្រសាសន៍ក្នុងកិច្ចប្រជុំ អនុប្រធានប្រចាំការរដ្ឋសភា តុងធីផុង បានវាយតម្លៃខ្ពស់ចំពោះការងារត្រៀមលក្ខណៈរៀបចំមហាសន្និបាត ដោយគូសបញ្ជាក់៖ មហាសន្និបាតគប្បីសម្តែងត្រូវតាមស្មារតីថាជាទិវា មហាសាមគ្គីបណ្តាជនជាតិ; សម្តែងពីការសាមគ្គីរួមកម្លាំង រួមចិត្តគំនិតរបស់ជនរួមជាតិបណ្តាជនជាតិភាគតិច ក្នុងបុព្វហេតុកសាងប្រទេសវៀតណាមសម្បូរសប្បាយ និងរុងរឿង។ អនុប្រធានប្រចាំការរដ្ឋសភា តុងធីផុង សង្កត់ធ្ងន់៖ គណៈចង្អុលការមហាសន្និបាត គប្បីធ្វើការពិនិត្យដោយគោរពអញ្ជើញអគ្គលេខា ប្រធានរដ្ឋ ង្វៀនភូត្រុង នាយករដ្ឋមន្រ្តីនៃរដ្ឋាភិបាល ង្វៀនស្វឹងភុក ថ្លែងការណ៍ក្នុងមហាសន្និបាត។ ម្យ៉ាងទៀត រាល់ការធ្វើបទបង្ហាញក្នុងមហាសន្និបាត គប្បីតំណាងឱ្យសមស្របជាលក្ខណៈនៃភូមិភាគ និងតំបន់ ម្ល៉ោះហើយគប្បីពិនិត្យបន្ថែមទៅលើសេចក្ដីថ្លែងការណ៍របស់ក្រសួង ផ្នែកមួយចំនួនផង។ ជាពិសេសកម្មវិធីសិល្បៈ គប្បីប្រកបដោយអត្តសញ្ញាណវប្បធម៌ជនជាតិ ដោយបង្ហាញពីភាពសម្បូរបែបនៃឧបករណ៍ភ្លេងជនជាតិ លំនាំបទប្រជាប្រិយ និងរបាំប្រជាប្រិយរបស់ជនជាតិនីមួយៗ។ ការងារផ្សព្វផ្សាយ ត្រូវប្រកបដោយលក្ខណៈពិសេស យូរអង្វែង បង្កើនការលើកទឹកចិត្តគំរូជឿនលឿន ជំរុញមាំព័ត៌មានកិច្ចការបរទេស និងលើកតម្កើងអត្តសញ្ញាណវប្បធម៌ជនជាតិ។ល។

សរុបសេចក្តីក្នុងកិច្ចប្រជុំ ឧបនាយករដ្ឋមន្រ្តីប្រចាំការនៃរដ្ឋាភិបាល ត្រឿងហ្វាប៊ិញ សម្តែងការស្វាគមន៍ក្នុងឱកាសរួមជាមួយអនុប្រធានប្រចាំការរដ្ឋសភា តុងធីផុង ធ្វើជាអធិបតីភាពក្នុងកិច្ចប្រជុំ ស្តីពីការងារត្រៀមលក្ខណៈមហាសន្និបាតតំណាងទូទាំងប្រទេស បណ្តាជនជាតិភាគតិច វៀតណាមលើកទី II ឆ្នាំ២០២០ - គឺជាព្រឹត្តិការណ៍នយោបាយដ៏សំខាន់ សម្តែងការយកចិត្តទុកដាក់ពិសេសរបស់បក្ស និងរដ្ឋ ស្តីពីការងារជនជាតិ។ល។ ឧបនាយករដ្ឋមន្រ្តី ប្រចាំការនៃរដ្ឋាភិបាល បានឯកភាពលើខ្លឹមសារ និងបធានបទនៃមហាសន្និបាត ដោយការព្រាងរបាយការណ៍នយោបាយដែលបានលើកឡើងយ៉ាងគ្រប់គ្រាន់និងលម្អិត។ ដោយបញ្ជាក់ថា មហាសន្និបាតនឹងប្រព្រឹត្តទៅក្នុងបរិយាកាសដែលប្រទេសជាតិ មានព្រឹត្តិការណ៍នយោបាយសំខាន់ៗជាច្រើន ប៉ុន្តែស្ថានភាពជំងឺ Covid-១៩ កំពុងមានការប្រែប្រួលយ៉ាងស្មុគស្មាញ បានជះឥទ្ធិពលមិនតិចសម្រាប់ការរៀបចំមហាសន្និបាត ឧបនាយករដ្ឋមន្រ្តីប្រចាំការនៃរដ្ឋាភិបាល ស្នើដល់សមាជិកគណៈចង្អុលការ គណៈកម្មការរៀបចំ និងគណៈកម្មការនៃមហាសន្និបាតត្រូវមានស្មារតី ទទួលខុសត្រូវខ្ពស់ ត្រៀមលក្ខណៈយ៉ាងហ្មត់ចត់ ធានាមហាសន្និបាតប្រព្រឹត្តទៅដោយជោគជ័យ បន្សល់ទុកនូវស្នាមអនុស្សាវរីយ៍ថ្លៃថ្នូរបវរ។

ឧបនាយករដ្ឋមន្រ្តីប្រចាំការនៃរដ្ឋាភិបាល ត្រឿងហ្វាប៊ិញ ក៏បានរំលឹកពីការងារផ្សព្វផ្សាយ ត្រូវប្រកបដោយលក្ខណៈសម្បូរបែប; កម្មវិធីសិល្បៈក្នុងមហាសន្និបាត ត្រូវប្រកបដោយអត្តសញ្ញាណជនជាតិ; រាល់វិធានការសន្តិសុខសណ្តាប់ធ្នាប់ ការបង្ការនិងពន្លត់អគ្គិភ័យ សុខាភិបាល ការជួយសង្គ្រោះត្រូវធានាហ្មត់ចត់ និងទាន់ពេលវេលា៕

យោង៖ https://baodantoc.vn ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ