ព្រឹត្តិការណ៍ - នយោបាយ ព្រឹត្តិការណ៍

13/07/2020 - 15:52

ប្រកាសលទ្ធផលត្រួតពិនិត្យប្រមូលព័ត៌មានអំពីសភាពជាក់ស្ដែងនៃសេដ្ឋកិច្ច-សង្គម របស់ជនរួមជាតិភាគតិចទាំង ៥៣ ឆ្នាំ ២០១៩

គណៈកម្មាធិការជនជាតិ និងនាយកដ្ឋានស្ថិតិ ទើបសហការរៀបចំអង្គសន្និសីទប្រកាសលទ្ធផល ត្រួតពិនិត្យប្រមូលព័ត៌មានអំពីសភាពជាក់ស្ដែងនៃសេដ្ឋកិច្ច-សង្គមរបស់ជនជាតិភាគតិច ទាំង ៥៣ ឆ្នាំ ២០១៩ ។

រដ្ឋមន្រ្តី ប្រធានគណៈកម្មាធិការជនជាតិ ឌោ វ៉ាន់ចៀង ថ្លែងយោបល់ក្នុងអង្គសន្និសីទ។

យោងតាមលទ្ធផលនៃការត្រួតពិនិត្យ ៖ ទូទាំងប្រទេសមានឃុំតំបន់ជនជាតិភាគតិចនិងតំបន់ភ្នំចំនួន ៥.៤៦៨ ស្រូបអត្រា ៤៩% នៃឃុំសរុបទូទាំងប្រទេស។ បណ្តាឃុំជនជាតិភាគតិច គឺនៅរាយប៉ាយតាមតំបន់ជនបទ (៨៧,៣%) ឋិតក្រោមការគ្រប់គ្រងរបស់ស្រុក ទីរួមខេត្ត ក្រុងចំណុះខេត្តចំនួន៥០៣/៧១៣ នៅខេត្ត ក្រុងចំណុះមជ្ឈិមចំនួន ៥៤/៦៣។ ឆ្នាំ២០១៩ ចំនួនភូមិ ចំណុះឃុំជនជាតិភាគតិចមានអគ្គិសនីប្រើប្រាស់ ស្រូបអត្រា៩៨,៦%។ ក្នុងនោះ ភូមិមានអគ្គិសនីជាតិប្រើប្រាស់ ស្រូបអត្រា ៩៧,២% កើន៤,២ ពិន្ទុភាគរយបើប្រៀបនឹងឆ្នាំ ២០១៥ ។ ភូមិចំណុះតំបន់ជនជាតិភាគតិច មានផ្លូវគមនាគមន៍រឹងមាំ ទៅដល់មជ្ឈមណ្ឌលឃុំជិត ៩០% ខ្ពស់ជិត ១៧ ពិន្ទុភាគរយបើប្រៀបនឹងឆ្នាំ ២០១៥។ បណ្តាឃុំនៅតំបន់ជនជាតិភាគតិច សុទ្ធតែមានដំណាក់សុខាភិបាល ស្រូបអត្រា ៩៩,៥% ប្រហែលនឹងលទ្ធផលត្រួតពិនិត្យឆ្នាំ ២០១៥ ។ អត្រាសិស្សជនជាតិភាគតិចចូលសាលារួមកម្រិតបឋមសិក្សា គឺ ១០០,៥% អនុវិទ្យាល័យ ៨៥,៨% និងវិទ្យាល័យ ៥០,៧% ។ បើប្រៀបនឹងឆ្នាំ ២០១៥ កម្រិតនៃការទទួលបានការអប់រំទូទៅរបស់ជនជាតិភាគតិច បានកែលម្អគួរឱ្យកត់សម្គាល់ ជាពិសេសគឺកម្រិតវិទ្យាល័យ អត្រាសិស្សចូលសាលារួមនៅកម្រិតនេះកើន ៨,៩ ពិន្ទុភាគរយ ។ល។ អត្រាគ្រួសារក្រីក្រ និងជិតក្រនៃជនជាតិនៅតំបន់ជនជាតិភាគតិចគឺ ៣៥,៥% ថយចុះ ១,២ ពិន្ទុភាគរយ បើប្រៀបនឹងឆ្នាំ ២០១៥ ។ ខ្ពស់ជាង៣,៥ ដង នៃអត្រារួមក្នុងទូទាំងប្រទេស (១០,២%) ។

គិតមកទល់នឹងថ្ងៃទី ១ ខែមេសា ឆ្នាំ២០១៩ ចំនួនប្រជាជននៃជនជាតិភាគតិចទាំង ៥៣ គឺ ១៤,១ លាននាក់ ស្រូបអត្រា១៤,៧% នៃប្រជាជន សរុបទូទាំងប្រទេស។ អាយុកាលមធ្យមរបស់ជនជាតិភាគតិចទាំង ៥៣ ជនជាតិគឺ ៧០,៧ ឆ្នាំ ទាបជាងមធ្យមភាគរួម (៧៣,៦ឆ្នាំ) ។ គ្រួសារជនជាតិភាគតិចស្ទើរតែទាំងអស់សុទ្ធតែមានផ្ទះ (សម្រេច៩៩,២%) ។ ទូទាំងប្រទេសនៅប្រមាណ ២០,៨% គ្រួសារជនជាតិភាគតិចរស់នៅក្នុងផ្ទះបណ្តោះអាសន្ន ។ ទូរទស្សន៍បានក្លាយជាឧបករណ៍ទូទៅក្នុងគ្រួសារជនជាតិភាគតិច ដោយមានគ្រួសារជនជាតិភាគតិចប្រើប្រាស់ចំនួន៨១,៥%។ អត្រាគ្រួសារជនជាតិភាគតិចប្រើទូរស័ព្ទខ្សែ ទូរស័ព្ទចល័ត កុំព្យូទ័របន្ទះ ប្រមាណ ៩២,៥% កើន១៧,១ ពិន្ទុភាគរយ បើប្រៀបនឹងឆ្នាំ ២០១៥ ។ អត្រាគ្រួសារជនជាតិភាគតិចប្រើកុំព្យូទ័រ (កុំព្យូទ័រលើតុ កុំព្យូទ័រយួរដៃ) គឺ ១០,៣% កើន ២,៦ ពិន្ទុភាគរយបើប្រៀបនឹងឆ្នាំ ២០១៥ …៕

យោងតាមគេហទំព័រ http://cema.gov.vn

ចែករំលែកអត្ថបទ

ពាក្យគន្លឹះ