ព្រឹត្តិការណ៍ - នយោបាយ ព្រឹត្តិការណ៍

29/06/2020 - 15:30

បូកសរុបការអនុវត្តជំនួយវិនិយោគចំណុះកម្មវិធី ១៣៥ តំបន់ភាគខាងត្បូង

គណៈកម្មាធិការជនជាតិ សហការជាមួយនឹងគណៈកម្មាធិកាប្រជាជនខេត្តប៊ិញភឿក រៀបចំសិក្ខាសាលាបូកសរុប វាយតម្លៃលទ្ធផលនៃការអនុវត្តជំនួយវិនិយោគកសាងហេដ្ឋារចនាសម្ព័ន្ធចំណុះកម្មវិធី ១៣៥ ដំណាក់កាល ២០១៦-២០២០ តំបន់ភាគខាងត្បូង។

ទិដ្ឋភាពនៃអង្គសិក្ខាសាលា។

តំបន់ភាគខាងត្បូង មានខេត្ត ក្រុងចំនួន ១៥ ចំណុះមជ្ឈិម មានឃុំចំនួន ១៥២ ភូមិចំនួន ៤៨៦ ចំណុះក្របខណ្ឌវិនិយោគកម្មវិធី ១៣៥ ដំណាក់កាល ២០១៦-២០២០។ ថវិកាមជ្ឈិមបែងចែកដល់តំបន់ភាគខាងត្បូងជិត ១.៥៥៨ ពាន់លានដុង ប្រភពទុនចលនាផ្ទាល់ជិត ១.៧៧២ ពាន់លានដុង ។ បានបើកដំណើរការកសាងសំណង់ហេដ្ឋារចនាសម្ព័ន្ធថ្មីចំនួន ១.៩១១ សំណង់ និងជួសជុល កែលម្អចំនួន ៩៩១ សំណង់។ អស់រយ:កាល៤ឆ្នាំ ផ្សព្វផ្សាយអនុវត្តកម្មវិធី ១៣៥ ជាសន្សឹមៗបានបង្កលក្ខណសម្បត្តិដើម្បីអ្នកក្រ ដែលជាជនជាតិភាគតិច បានទទួលសេវាកម្មសង្គមជាមូលដ្ឋាន ចូលរួមក្នុងការងារកាត់បន្ថយភាពក្រីក្រដោយចីរភាព ទប់ស្កាត់ស្ថានភាពក្រឡើងវិញ រួមចំណែកអនុវត្តន៍ទិសដៅ កំណើនសេដ្ឋកិច្ច ធានាសុខុមាលភាពសង្គម កែលម្អជីវភាព បង្កើនប្រាក់ចំណូលដល់ប្រជាជនតំបន់ដែលក្រលំបាកខ្លាំង។ មកទល់ពេលនេះ មានឃុំចំនួន ៨ និងភូមិចំនួន ១១៦ បានអនុវត្តសម្រេចទិសដៅហើយចាកចេញពីកម្មវិធី១៣៥។

ទិសដៅនៃកម្មវិធី គឺខិតខំប្រឹងប្រែងធ្វើយ៉ាងណាដើម្បីប្រាក់ចំណូលមធ្យមភាគរបស់ជនជាតិភាគតិច កើនលើស២ដង បើប្រៀបនឹងឆ្នាំ២០២០។ អត្រាគ្រួសារក្រីក្រថយចុះ ៣% ជារៀងរាល់ឆ្នាំ ហើយឃុំទាំង ១០០% មានផ្លូវកៅស៊ូ ផ្លូវបេតុងដែលឡានអាចបើកបរចុះទៅដល់មជ្ឈមណ្ឌលឃុំ។ អនុវត្តសម្រេចរួចរាល់ការងារស្ថិរវប្បកម្ម ស្ថិរនិវេសន៍ រៀបចំចាត់ចែងប្រជាជនប្រមាណ ៩០% ផ្លាស់ប្ដូរទីលំនៅក្រៅផែនការ។ កម្មករស្ថិតក្នុងកម្រិតអាយុពលកម្ម ត្រូវបានបណ្ដុះបណ្ដាលវិជ្ជាជីវៈសមស្រប ៥០%។ បណ្ដុះបណ្ដាល ពង្រីកនិងកសាងកងជួរកម្មាភិបាលជនជាតិភាគតិច។

ថ្លែងមតិក្នុងអង្គសិក្ខាសាលា អនុរដ្ឋមន្រ្តី អនុប្រធានគណ:កម្មាធិការជនជាតិ អ៊ីថុង វាយតម្លៃកម្មវិធី ១៣៥ គឺជាគំរូនៃប្រព័ន្ធគោលនយោបាយជនជាតិរបស់បក្ស និងរដ្ឋ និងជា “និមិត្តសញ្ញា” ស្ដីពីការលុបបំបាត់ភាពអត់ឃ្លាន កាត់បន្ថយភាពក្រីក្រ។ ក្រោយពី២០ ឆ្នាំផ្សព្វផ្សាយអនុវត្តផ្លូវគមនាគមន៍ជនបទ សាលារៀន និងដំណាក់សុខាភិបាល។ល។ រាប់ពាន់សំណង់ត្រូវបានវិនិយោគកសាងនៅតំបន់ជនជាតិភាគតិចនិងតំបន់ភ្នំ តំបន់សេដ្ឋកិច្ច-សង្គម លំបាកខ្លាំង។ មានទម្រង់ជំនួយអភិវឌ្ឍន៍ផលិតកម្មជាច្រើន បានផ្ដល់ឱកាសការងារ លើកស្ទួយជីវភាពរស់នៅសម្រាប់ជនរួមជាតិភាគតិច ដើម្បីជួយមាមីងឈានឡើងចាកភាពក្រីក្រ៕

ប្រភព http://cema.gov.vn ប្រែសម្រួល: ពេជ្រសឿន

ចែករំលែកអត្ថបទ

ពាក្យគន្លឹះ