សុខភាព - អប់រំ សុខភាព

08/06/2020 - 14:14

អនុវត្តល្អការងារថែទាំសុខភាពប្រជាជន

រយៈពេលកន្លង ដំណាក់សុខាភិបាលឃុំអាងនិញ ស្រុកចូវថាញ់ ខេត្តសុកត្រាំង បានផ្តោតការយកចិត្តទុកដាក់វិនិយោគបំពាក់បរិក្ខារពេទ្យទំនើបៗ និងកងជួរបុគ្គលិកមានបទពិសោធន៍ អស់ពីចិត្តចំពោះអ្នកជំងឺ។ ផ្តើមពីនោះ ការងារពិនិត្យព្យាបាលជំងឺតែងបានអនុវត្តល្អ ផ្ដល់ទំនុកចិត្តដល់អ្នកជំងឺ។

គ្រូពេទ្យដំណាក់សុខាភិបាលឃុំអាងនិញ ពិនិត្យជំងឺជូនប្រជាជន។

ប៉ុន្មានឆ្នាំមកនេះ ដំណាក់សុខាភិបាលឃុំអាងនិញ បានបង្កើនធនធានមនុស្សបន្ថែម និងវិនិយោគមូលដ្ឋានសម្ភារៈ គ្រឿងបរិក្ខារពេទ្យបានគ្រប់គ្រាន់ ដើម្បីបម្រើដល់ការធ្វើតេស្តជីវគីមី ស្ទង់ចង្វាក់បេះដូង និងឆ្លុះអេកូ។ល។ ផ្តើមពីនោះ ផ្ដល់ទំនុកចិត្តដល់អ្នកជំងឺ និងអ្នកទៅពិនិត្យជំងឺកាន់តែច្រើនឡើង។ បច្ចុប្បន្ន មធ្យមភាគក្នុងមួយថ្ងៃដំណាក់សុខាភិបាលទទួលពិនិត្យជំងឺ និងផ្តល់ថ្នាំជាង៨០លើកនាក់។ បងស្រីត្រឹងធីម៉ី នៅភូមិសាឡាង ឃុំអាងនិញ ឱ្យដឹង៖ “ដំណាក់សុខាភិបាលមានម៉ាស៊ីនស្ទង់ចង្វាក់បេះដូង ឆ្លុះអេកូ និងមានវេជ្ជបណ្ឌិតពិនិត្យព្យាបាល ម្ល៉ោះហើយពេលឈឺថ្កាត់ខ្ញុំទៅដំណាក់សុខាភិបាលពិនិត្យជំងឺ។ ពិនិត្យរួចរាល់ វេជ្ជបណ្ឌិតផ្តល់ថ្នាំភ្លាមអ្នកជំងឺមិនបាច់រង់ចាំយូរទេ។ ពិនិត្យដឹងថាខ្ញុំមានជំងឺសម្ពាធឈាមខ្ពស់ ហេតុនោះវេជ្ជបណ្ឌិតពិនិត្យជំងឺនិយាយស្តីរាក់ទាក់រួសរាយ ណែនាំពីរបៀបបង្ការជំងឺយ៉ាងហ្មត់ចត់; ពេលខ្លះមកពិនិត្យជំងឺ ដឹងថាខ្ញុំសម្ពាធឈាមខ្ពស់ សុខភាពខុសប្រក្រតី វេជ្ជបណ្ឌិតធ្វើលិខិតបញ្ជូនទៅមន្ទីរពេទ្យភ្លាម បានជាខ្ញុំស្ងប់ចិត្តពេលទៅពិនិត្យជំងឺនៅដំណាក់សុខាភិបាល”។

បច្ចុប្បន្ន ដំណាក់សុខាភិបាលមានកម្មាភិបាល១២រូប ក្នុងនោះ វេជ្ជបណ្ឌិត១រូប គ្រូពេទ្យពហុព្យាបាល៤រូប ពេទ្យសម្ភព៣រូប ឱសថការី២រូប អ្នកបច្ចេកទេសធ្វើតេស្ត១រូប គិលានុបដ្ឋាយិកា១ រូប។ ក្រៅពីអនុវត្តល្អការងារពិនិត្យព្យាបាល ដំណាក់សុខាភិបាលថែមទាំងសហការជាមួយអង្គការមហាជននានា កងជួរសហការី ភូមិផ្តុំកម្លាំងអនុវត្តនូវកម្មវិធីសុខាភិបាលជាតិទៀតផង។ ពិសេសគឺរាល់ការអនុវត្តយុទ្ធនាការបង្ការ ប្រឆាំងជំងឺគ្រុនឈាម និងជំងឺពងដៃ ជើង មាត់ ។ល។ គ្រូពេទ្យង្វៀងថាញ់ផុង ប្រធានដំណាក់សុខាភិបាលឃុំអាងនិញ ឱ្យដឹង៖ “ដើមខែឧសភានេះ យើងខ្ញុំបានអនុវត្តជាស្រេចនូវយុទ្ធនាការកម្ចាត់ដង្កូវទឹកលើកទី១ ធ្វើយ៉ាងណាកុំឱ្យកើតមានជំងឺគ្រុនឈាម។ ចំពោះកងជួរគ្រូពេទ្យ ដែលកំពុងបម្រើការនៅដំណាក់សុខាភិបាល តែងធានាអនុវត្តល្អការងារពិនិត្យព្យាបាលជំងឺផង និងអនុវត្តល្អការងារបង្ការប្រឆាំងរោគឆ្លង រាលដាលផង។ យើងខ្ញុំប្តេជ្ញាចិត្តទប់ស្កាត់នឹងមិនឱ្យកើតមានជំងឺគ្រុនឈាមជាដាច់ខាត។ អាស្រ័យមានផែនការនិងការបែងចែក រៀបចំបុគ្គលិកពេទ្យអនុវត្តភារកិច្ចសមស្របនឹងមុខជំនាញ ម្ល៉ោះហើយជាច្រើនឆ្នាំមកនេះ ដំណាក់សុខាភិបាលឃុំអាងនិញ តែងអនុវត្តសម្រេចក្រមលក្ខឋានជាតិស្ដីពីសុខាភិបាលឃុំ”៕

លីធាន-លីសៀ

ចែករំលែកអត្ថបទ

ពាក្យគន្លឹះ