សុខភាព - អប់រំ សុខភាព

16/03/2020 - 15:44

ផ្ដល់ទំនុកចិត្តដល់អ្នកជំងឺ

ជាច្រើនឆ្នាំមកនេះ ដោយការវិនិយោគមូលដ្ឋានសម្ភារៈ បំពាក់គ្រឿងបរិក្ខារពេទ្យរបស់ខេត្ត និងការខិតខំប្រឹងប្រែងបណ្តុះបណ្តាលកម្មាភិបាលពេទ្យកាន់តែមានវិជ្ជាឯកទេសខ្ពស់ អនុវត្តបច្ចេកទេសក្នុងការព្យាបាលជំងឺ មន្ទីរពេទ្យពហុព្យាបាលខេត្តសុកត្រាំង សង្រ្គោះអ្នកជំងឺសរសៃឈាមបេះដូងបានជាសះស្បើយរាប់រយនាក់។

បន្ទប់វះកាត់ធ្វើអន្តរាគមន៍បន្ទះសរសៃឈាមនៃមន្ទីរពេទ្យពហុព្យាបាលខេត្តសុកត្រាំង ត្រូវបានវិនិយោគបំពាក់គ្រឿងបរិក្ខារពេទ្យទំនើបៗ ដើម្បីព្យាបាលជូនអ្នកជំងឺ។

នៅខែវិច្ឆិកា ឆ្នាំ២០១៨ បន្ទប់ស្តេនធ្វើអន្តរាគមន៍សរសៃឈាមបេះដូងនៃមន្ទីរពេទ្យពហុព្យាបាលខេត្តសុកត្រាំង បានដាក់ឱ្យប្រើប្រាស់ជាផ្លូវការ សរុបទុនវិនិយោគមូលដ្ឋានសម្ភារៈ បំពាក់គ្រឿងបរិក្ខារពេទ្យដល់៤០ពាន់លានដុង។ ដោយបានការឧបត្ថម្ភពីមន្ទីរពេទ្យសកលវិទ្យាល័យ ឱសថសាស្រ្តក្រុងហូជីមិញ ក្នុងការបណ្តុះបណ្តាលកម្មាភិបាលពេទ្យ ព្រមទាំងផ្ទេរជូនការអនុវត្តបច្ចេកទេស ធ្វើអន្តរាគមន៍បន្ទះសរសៃឈាម រោគសញ្ញាសរសៃឈាម បច្ចេកទេសស្កេននិងធ្វើអន្តរាគមន៍សៀគ្វីលេខបំបាត់ស្នាមមូលដ្ឋានលើកកម្ពស់។ល។ បន្ទប់សរសៃឈាមបេះដូងនៃមន្ទីពេទ្យពហុព្យាបាលខេត្តសុកត្រាំង សង្រ្គោះអ្នកជំងឺបេះដូងធ្ងន់ធ្ងរជាសះស្បើយជាង៦០០នាក់។ តាមប្រសាសន៍វេជ្ជបណ្ឌិតត្រឿងទូត្រាច់ ប្រធានផ្នែកសរសៃឈាមបេះដូងនៃមន្ទីរពេទ្យពហុព្យាបាលខេត្តសុកត្រាំង បច្ចេកទេសធ្វើអន្តរាគមន៍បន្ទះសរសៃឈាមត្រូវបានចាត់ទុកជាបច្ចេកទេសជឿនលឿន និងទំនើបបំផុត ដើម្បីជួយអ្នកជំងឺសរសៃឈាមបេះដូង។ នេះក៏ជាមោទនភាពនិងកិត្តិយសសម្រាប់មន្ទីរពេទ្យខេត្តក្រដូចជាសុកត្រាំងផងដែរ។ វេជ្ជបណ្ឌិតត្រឿងទូត្រាច់ ឱ្យដឹង៖ "សង្រ្គោះអ្នកជំងឺផុតពីសេចក្តីស្លាប់ គឺទាំងអ្នកជំងឺនិងវេជ្ជបណ្ឌិតក៏ត្រេកអរទាំងអស់គ្នា។ ឃើញអ្នកជំងឺសប្បាយរីករាយ រឹតតែធ្វើឱ្យគ្រូពេទ្យយើងខ្ញុំមានកម្លាំងចិត្តខ្នះខ្នែងសិក្សាស្រាវជ្រាវ អនុវត្តបច្ចេកទេសទំនើបៗជាងទៀតក្នុងការព្យាបាលជំងឺ"។

វេជ្ជបណ្ឌិតនៃបន្ទប់សរសៃឈាមបេះដូង កំពុងថែទាំអ្នកជំងឺបន្ទាប់ពីវះកាត់។

លោកវ៉ូវបិញថៀក នៅឃុំត្រុងប៊ិញ ស្រុកត្រឹងដេ ទើបបានវេជ្ជបណ្ឌិតជួយព្យាបាលជាសះស្បើយដោយអនុវត្តបច្ចេកទេសធ្វើអន្តរាគមន៍បន្ទះសរសៃឈាម។ លោកថៀក ឱ្យដឹង៖ "ខ្ញុំសប្បាយចិត្តណាស់ ពីព្រោះបានវេជ្ជបណ្ឌិតសង្រ្គោះរួចផុតពីការស្លាប់។ ខ្ញុំពិបាកដង្ហើម ប៉ុន្តែអាស្រ័យបានវេជ្ជបណ្ឌិតសង្រ្គោះទាន់ពេលនិងព្យាបាលដោយអនុវត្តបច្ចេកទេសធ្វើអន្តរាគមន៍បន្ទះសរសៃឈាម ទើបខ្ញុំបានរស់ឡើងវិញ។ ឥឡូវសុខភាពធម្មតា ខ្ញុំស្ងប់ចិត្តជឿជាក់លើវិធីព្យាបាលរបស់មន្ទីពេទ្យ"។

ដោយការផ្សព្វផ្សាយអនុវត្តជោគជ័យបច្ចេកទេសខ្ពស់ក្នុងការធ្វើអន្តរាគមន៍បន្ទះសរសៃឈាម អាចជួយព្យាបាលអ្នកជំងឺបេះដូងដោយមិនបាច់បញ្ជូនទៅមន្ទីពេទ្យថ្នាក់លើ កាត់បន្ថយថវិកានិងពេលវេលាព្យាបាល។ ទន្ទឹមនឹងនោះ មន្ទីរពេទ្យពហុព្យាបាលខេត្ត ជាជំហានៗផ្ដល់ទំនុកចិត្តដល់អ្នកជំងឺ៕

យ្វីអាញ់-មុនី

ចែករំលែកអត្ថបទ

ពាក្យគន្លឹះ