វប្បធម៌-សិល្បៈ វប្បធម៌

20/01/2020 - 07:54

បុណ្យចូលឆ្នាំថ្មីកាន់តែសប្បាយរីករាយនៅកឹងធើ

ប៉ុន្មានឆ្នាំជិតមកនេះ មជ្ឈដ្ឋានយុវវ័យតែងជ្រើសរើសដំណើរកម្សាន្តទៅទីឆ្ងាយៗក្នុងកំឡុងថ្ងៃបុណ្យចូលឆ្នាំថ្មីវៀតណាម ដើម្បីមានពេលឈប់សម្រាកក្រោយពីមួយឆ្នាំធ្វើការនឿយហត់។ ប៉ុន្តែអ្នកខ្លះមានបំណងចង់រក្សានូវទំនៀមទម្លាប់ប្រពៃណី បានជួបជុំគ្រួសារ ថែមទាំងមានឱកាសដើរកម្សាន្តក្នុងថ្ងៃបុណ្យចូលឆ្នាំថ្មី។

អ្នកសរសេរអក្ខរាវិចិត្រ "សម្រស់និទាឃៈរដូវតំបន់ស្រុកស្រែចម្ការ"។

បងស្រីលីធីហ្វៀង ត្រៀមវត្ថុធាតុដើមធ្វើនំខ្ញីប្រពៃណីរបស់ជនរួមជាតិខ្មែរ។

ដងផ្លូវគំនូរ ជាលក្ខណៈប្រពៃណីពីបុរាណត្រូវបានគូរបង្ហាញឡើងវិញ។

សកម្មភាពមុនពេលបុណ្យចូលឆ្នាំថ្មីវៀតណាម លើភូមិសាស្រ្តក្រុងកឹងធើ បានប្រព្រឹត្តទៅមានភាពផុសផុល ទាក់ទាញអារម្មណ៍ ដូច៖ សម្រស់និទាឃៈរដូវតំបន់ស្រុកស្រែចម្ការ មហោស្រពចម្រៀង ឈុតសម្តែងពីនិទាឃៈរដូវ និងពិធីតាំងផ្កានិទាឃៈរដូវ។ល។ រីឯក្នុងឱកាសបុណ្យចូលឆ្នាំថ្មីវៀតណាម ក្រុងកឹងធើក៏មានគោលដៅទេសចរណ៍ច្រើនកន្លែង ដើម្បីមនុស្សម្នាដើរកម្សាន្តក្នុងថ្ងៃបុណ្យផងដែរ។ នោះគឺវិថីភ្លើងលម្អក្រោមបធានបទ “កឹងធើ-និទាឃៈរដូវភ្លឺចិញ្ចែង” ចាប់ពីដងវិថីប្រសព្វគ្នា៣០មេសា និងវិថីក្វាងទ្រុង រហូតដល់ទីស្តីការគណៈកម្មាធិការប្រជាជនក្រុង ដងផ្លូវគំនូរ “កឹងធើពីអតីតនិងបច្ចុប្បន្ន” ដោយមានប្រវែងប្រមាណ៨០០ម៉ែត្រ នៅវិថីត្រឹងក្វឹកត្វង សង្កាត់តឹងអាង (ខណ្ឌនិញកេវ) ដោយមានគំនូររូបភាពជាច្រើនបង្ហាញឡើងវិញពីលក្ខណៈពិសេសនៃវប្បធម៌ និងទំនៀមទម្លាប់របស់ប្រជាជនកឹងធើនិយាយដោយឡែក និងនៅតំបន់វាលរាបទន្លេគឺវឡុងនិយាយរួម ដូច៖ រូបភាពរទេះរឺម៉ក រទេះកង់បី ផ្សារបុរាណកឹងធើ ផ្សារអណ្តែតកៃរាំង ស្ពានថ្មើរជើង គឺជាកន្លែងទេសចរណ៍ដ៏ពិសេសនៃក្រុងតំបន់ព្រែកទន្លេ ក៏ត្រូវបានវិចិត្រករគូរយ៉ាងរស់រវើក។ល។ កន្លែងគួរជាទីពេញចិត្តមិនអាចរំលងបានក្នុងឱកាសបុណ្យចូលឆ្នាំនៅកឹងធើ នោះគឺវិថីផ្កាកឹងធើ។ ឆ្នាំនេះ វិថីផ្កាបុណ្យចូលឆ្នាំជូត២០២០ នឹងបើកទ្វារបម្រើភ្ញៀវទស្សនាកម្សាន្តនៅរាត្រីថ្ងៃ២៧ ខែ១២ (ចន្ទគតិវៀតណាម) ដោយបានរចនាចម្រុះពណ៌ទំនើប គួរជាទីមនោរម្យ។ល។ នៅត្រង់ចំណុចផ្លូវទន្ទឹមគ្នាង្វៀនថាយហុក-វ៉វ៉ាន់តឹង (ខណ្ឌនិញកេវ)។ បធានបទ“និទាឃៈរដូវផ្ដល់ក្តីសង្ឃឹម-និទាឃៈរដូវអំណរបក្ស៩០ឆ្នាំ” បង្ហាញពីភាពស្រស់បំព្រងនៃមាតុភូមិ ប្រទេសជាតិ សំណង់នានា គោលដៅទេសចរពេញនិយមនៃមាតុភូមិវៀតណាម និងក្រុងកឹងធើជាទីស្រឡាញ់។ល។

បើមិនចូលចិត្តនឹងភាពអ៊ូអរ នៅចម្ងាយពីមជ្ឈមណ្ឌលក្រុងកឹងធើប្រមាណ១០គ.ម គឺមានមណ្ឌលអេកូទេសចរណ៍នៅស្រុកផុងដៀង ដូច៖ មណ្ឌលទេសចរណ៍អ៊ុងដេ មណ្ឌលទេសចរណ៍មីខាញ់ ចម្ការជីនហុង និងមណ្ឌលទេសចរណ៍វ៉ាមសាង។ល។ បើចង់ភ្លក់រសជាតិផលិតផលពិសេស ភ្ញៀវទេសចរអាចនឹងធ្វើដំណើររាប់សិបគីឡូម៉ែត្រទៀត ដើម្បីទៅទទួលទានបាញ់ហយUt Dzach។ ម្យ៉ាងទៀត ភ្ញៀវទេសចរអាចនឹងផ្សងលាភសំណាង បួងសួងសុំសេចក្តីសុខ នៅមណ្ឌលសមាធិទ្រុកឡឹមភឿងណាម ដែលចម្ងាយពីមណ្ឌលទេសចរណ៍មីខាញ់ពីរបីរយជំហានប៉ុណ្ណោះ។ល។

ហាថាញ់-លីសៀ

ចែករំលែកអត្ថបទ

ពាក្យគន្លឹះ