ព្រឹត្តិការណ៍ - នយោបាយ ព្រឹត្តិការណ៍

14/01/2020 - 08:56

នាយកដ្ឋានអភិវឌ្ឍន៍ ក្រសួងការពារជាតិនៃកងយោធពលខេមរភូមិន្ទកម្ពុជា មកប្រសិទ្ធពរឆ្នាំថ្មីដល់ថ្នាក់ដឹកនាំក្រុងកឹងធើ

គណៈប្រតិភូនាយកដ្ឋានអភិវឌ្ឍន៍ ក្រសួងការពារជាតិនៃកងយោធពលខេមរភូមិន្ទកម្ពុជា ដឹកនាំដោយឧត្តមសេនីយ៍ទោ ណួន រ៉ន នាយករងនៃនាយកដ្ឋានអភិវឌ្ឍន៍ បានមកបំពេញទស្សនកិច្ចនិងប្រសិទ្ធពរឆ្នាំថ្មី ដល់ថ្នាក់ដឹកនាំនៃគណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជនក្រុងកឹងធើ។ លេខាគណៈកម្មាធិការបក្សក្រុងកឹងធើ សមមិត្តត្រឹងក្វឹកទ្រុង ព្រមជាមួយនឹងថ្នាក់ដឹកនាំនៃមន្ទីរ ផ្នែកនានាបានទទួលជួបគណៈប្រតិភូ។

សមមិត្ត ត្រឹងក្វឹកទ្រុង លេខាគណៈកម្មាធិការបក្សក្រុងកឹងធើ (ខាងស្តាំ) ជូនវត្ថុអនុស្សាវរីយ៍ដល់ឧត្តមសេនីយ៍ទោ ណួន រ៉ន នាយករងនៃនាយកដ្ឋានអភិវឌ្ឍន៍ ក្រសួងការពារជាតិនៃកងយោធពលខេមរភូមិន្ទកម្ពុជា។

ក្នុងឱកាសនេះដែរ ឧត្តមសេនីយ៍ទោ ណួន រ៉ន បានអានលិខិតប្រសិទ្ធពរឆ្នាំថ្មីរបស់នាយកនៃនាយកដ្ឋានអភិវឌ្ឍន៍ ក្រសួងការពារជាតិនៃកងយោធពលខេមរភូមិន្ទកម្ពុជា ផ្ញើជូនរដ្ឋអំណាចនិងប្រជាជនក្រុងកឹងធើ។ ឧត្តមសេនីយ៍ទោ ណួន រ៉ន បានថ្លែងអំណរគុណដល់ថ្នាក់ដឹកនាំក្រុងកឹងធើ បានជួយឧបត្ថម្ភជាច្រើនដល់ប្រទេសកម្ពុជាលើគ្រប់វិស័យ។ ឧត្តមសេនីយ៍ទោ ណួន រ៉ន សង្ឃឹមថាក្នុងពេលខាងមុខ ការទំនាក់ទំនងកិច្ចសហប្រតិបត្តិការ មិត្តភាពជាប្រវេណីដ៏ល្អប្រសើរនេះ កាន់តែជិតស្និទ្ធ រឹតបន្តឹងជាងទៀត។

សមមិត្តលេខាគណៈកម្មាធិការបក្សក្រុងកឹងធើ ត្រឹងក្វឹកទ្រុង បានសម្ដែងនូវក្តីរីករាយ និងសាទរចំពោះវត្តមាននៃគណៈប្រតិភូ ទន្ទឹមនឹងនោះ ក៏បានជូនព័ត៌មានសង្ខេបអំពីស្ថានភាពអភិវឌ្ឍសេដ្ឋកិច្ច-សង្គមរបស់ក្រុងនាឆ្នាំកន្លង។ សមមិត្តលេខាគណៈកម្មាធិការបក្សក្រុង គូសបញ្ជាក់ វៀតណាមនិយាយរួម ក្រុងកឹងធើនិយាយដោយឡែក និងកម្ពុជា មានទំនាក់ទំនងជាប្រវេណីជិតស្និទ្ធជាយូរមកហើយ។ ចំពោះកងយោធពលខេមរភូមិន្ទ ក្រុងកឹងធើក៏មានសកម្មភាពទំនាក់ទំនង មិត្តភាពជាច្រើន។ ជំនួសមុខរដ្ឋអំណាចនិងប្រជាជនក្រុងកឹងធើ សមមិត្តថ្លែងអំណរគុណដល់គណៈប្រតិភូដែលបានអញ្ជើញមកប្រសិទ្ធពរបុណ្យចូលឆ្នាំថ្មី និងសង្ឃឹមថា ទំនាក់ទំនងដ៏ល្អប្រសើរនេះ កាន់តែឋិតថេរនិងរីកចម្រើនទៅមុខ៕

ក្រុមការងារនៃប្រទេសកម្ពុជា មកបំពេញទស្សនកិច្ចនិងប្រសិទ្ធពរបុណ្យចូលឆ្នាំថ្មីវៀតណាមនៅបញ្ជាការដ្ឋានខេត្តសុកត្រាំង

ក្រុមការងារនាយកដ្ឋានអភិវឌ្ឍន៍ ក្រសួងការពារជាតិនៃកងយោធពលខេមរភូមិន្ទ មកបំពេញទស្សនកិច្ចនិងប្រសិទ្ធពរបុណ្យចូលឆ្នាំវៀតណាមនៅបញ្ជាការដ្ឋានយោធាខេត្តសុកត្រាំង។

ក្រុមការងារនាយកដ្ឋានអភិវឌ្ឍន៍ ក្រសួងការពារជាតិនៃកងយោធពលខេមរភូមិន្ទ ដឹកនាំដោយឧត្តមសេនីយ៍ទោ អ៊ុច ចន្នី នាយករងនៃនាយកដ្ឋានអភិវឌ្ឍន៍ មកបំពេញទស្សនកិច្ចនិងប្រសិទ្ធពរបុណ្យចូលឆ្នាំវៀតណាមឆ្នាំ២០២០ នៅបញ្ជាការដ្ឋានយោធាខេត្តសុកត្រាំង។

ក្នុងឱកាសនេះ ឧត្តមសេនីយ៍ទោ អ៊ុច ចន្នី បានជូនព័ត៌មានអំពីស្ថានភាពសន្តិសុខ ការពារជាតិ និងការបង្កលក្ខណៈងាយស្រួលដល់ប្រជាជនវៀតណាមដែលកំពុងរស់នៅប្រទេសកម្ពុជា ។ ទន្ទឹមនឹងនោះ សម្តែងនូវការដឹងគុណយ៉ាងជ្រាលជ្រៅចំពោះកងទ័ពប្រជាជនវៀតណាមនិយាយរួម និងខេត្តសុកត្រាំងនិយាយដោយឡែក ដែលបានឧបត្ថម្ភដល់ប្រទេសកម្ពុជាក្នុងរយៈពេលកន្លង។ ស្របក្នុងឱកាសបុណ្យចូលឆ្នាំថ្មីវៀតណាមឆ្នាំ២០២០ ឧត្តមសេនីយ៍ទោ អ៊ុច ចន្នី បានផ្ញើនូវវាចាសួរសុខទុក្ខយ៉ាងកក់ក្ដៅ និងប្រសិទ្ធពរដល់ថ្នាក់ដឹកនាំនៃគណៈកម្មាធិការបក្សខេត្ត គណៈកម្មាធិការប្រជាជនខេត្ត និងបញ្ជាការដ្ឋានយោធាខេត្តសុកត្រាំង ឆ្នាំថ្មីបវរសួស្តីមហាប្រសើរ សម្បូររុងរឿង និងសុភមង្គល។

ក្នុងឱកាសទទួលជំនួបក្រុមការងារ លោកង៉ោហុង អនុប្រធានគណៈកម្មាធិការប្រជាជនខេត្តសុកត្រាំង បានជំរាបជូនពីស្ថានភាពអភិវឌ្ឍសេដ្ឋកិច្ច-សង្គមរបស់ខេត្តក្នុងឆ្នាំ២០១៩ និងថ្លែងអំណរគុណដល់ក្រុមការងារនាយកដ្ឋានអភិវឌ្ឍន៍ក្រសួងការពារជាតិ ដែលបានចំណាយពេលវេលានិងមនោសញ្ចេតនាដ៏វិសេសវិសាលមកបំពេញទស្សនកិច្ចខេត្តសុកត្រាំង។ ទន្ទឹមនឹងនោះ សង្ឃឹមថាក្នុងពេលខាងមុខ នាយកដ្ឋានអភិវឌ្ឍន៍ក្រសួងការពារជាតិនៃកងយោធពលខេមរភូមិន្ទ នឹងបន្តបង្កលក្ខណៈសម្បត្តិងាយស្រួលដល់ប្រជាជនវៀតណាមដែលកំពុងរស់នៅប្រទេសកម្ពុជា៕

យ្វីអាញ់-វិមាន

ចែករំលែកអត្ថបទ

ពាក្យគន្លឹះ