ព្រឹត្តិការណ៍ - នយោបាយ ព្រឹត្តិការណ៍

16/12/2019 - 17:25

សម័យប្រជុំលើកទី ១៤ ក្រុមប្រឹក្សាប្រជាជនក្រុងកឹងធើ អាណត្តិកាល ២០១៦-២០២១

អនុម័តសេចក្តីសម្រេចសំខាន់ៗចំនួន ១៥

ក្រោយពី៣ថ្ងៃធ្វើការជាមួយនឹងស្មារតី ដ៏មមាញឹក ប្រជាធិបតេយ្យ និងការទទួលខុសត្រូវខ្ពស់ សម័យប្រជុំលើកទី១៤ ក្រុមប្រឹក្សាប្រជាជនក្រុង អាណត្តិកាល ២០១៦-២០២១ បានសម្រេចជាស្ថាពរនូវកម្មវិធីដាក់ចេញ និងបិទសម័យប្រជុំនៅរសៀលថ្ងៃទី ៦ ខែធ្នូ។ សម័យប្រជុំលើកនេះ សមាជិកក្រុមប្រឹក្សាប្រជាជនក្រុង បានអនុម័តលើសេចក្តីសម្រេចសំខាន់ៗ ចំនួន ១៥។

សមាជិកក្រុមប្រឹក្សាប្រជាជនក្រុង អនុម័តលើសេចក្តីសម្រេចសម័យប្រជុំរបស់ក្រុមប្រឹក្សាប្រជាជនក្រុង។ រូបថត៖ អាញ់យុង

ជាក់ស្តែងរួមមាន៖ សេចក្តីសម្រេចស្តីពីលទ្ធផលអនុវត្តសេចក្តីសម្រេចរបស់ក្រុមប្រឹក្សាប្រជាជនក្រុង អំពីសេដ្ឋកិច្ច-សង្គម ការពារប្រទេស សន្តិសុខឆ្នាំ ២០១៩ និងទិសដៅភារកិច្ច ឆ្នាំ ២០២០។ ដូច្នេះ សេចក្តីសម្រេចបំពេញបន្ថែមលើបញ្ជីគោលការណ៍វិនិយោគគម្រោង ក្រុមB ដែលវិនិយោគតាមរយៈប្រភពដើមទុនដែលក្រុងគ្រប់គ្រង និងបញ្ជីគម្រោងក្រុម B ស្នើមជ្ឈិមជំនួយវិនិយោគលើប្រភពដើមទុនដែលគ្រប់គ្រងដោយមជ្ឈិម។ សេចក្តីសម្រេចកែតម្រូវបំពេញបន្ថែមលើផែនការដើមទុនវិនិយោគសាធារណៈកម្រិតមធ្យម ដំណាក់កាល២០១៦-២០២០។ សេចក្តីសម្រេចផ្តល់សច្ចានុម័តលើគណនេយ្យកម្មថវិកាក្រុងឆ្នាំ២០១៨។ សេចក្តីសម្រេចគម្រោងប្រមូលថវិការដ្ឋលើភូមិសាស្រ្ត ចំណាយចំណូលថវិកាភូមិភាគឆ្នាំ ២០២០។ សេចក្តីសម្រេចបែងចែកថវិការដ្ឋឆ្នាំ ២០២០។ សេចក្តីសម្រេចលើការកំណត់កម្រិតចំណាយសម្រាប់ការងារបណ្តុះបណ្តាល បំប៉នក្នុងប្រទេសចំពោះកម្មាភិបាល អ្នករដ្ឋការ បុគ្គលិករបស់ក្រុង។ សេចក្តីសម្រេចប្រគល់ ក្របខណ្ឌអ្នករដ្ឋការក្នុងស្ថាប័ន អង្គការរដ្ឋបាល ឆ្នាំ២០២០។ សេចក្តីសម្រេចផ្តល់សច្ចានុម័តចំនួនអ្នកធ្វើការក្នុងអង្គភាពស្ថាប័នរដ្ឋ និងសមាគមដែលមានលក្ខណៈពិសេសក្នុងក្រុងឆ្នាំ ២០២០។ សេចក្តីសម្រេចកំណត់ចំនួនមុខ តំណែងរបបគោលនយោបាយ ចំពោះអ្នកដែលសកម្មភាពមិនមានប្រចាំទទួលបន្ទុកនៅឃុំ សង្កាត់ ទីប្រជុំជន ឬមណ្ឌល។ សេចក្តីសម្រេចអនុម័តលើបញ្ជីគម្រោងដែលត្រូវដកហូតដីមកវិញ និងគម្រោងផ្ទេរកម្មសិទ្ធិប្រើប្រាស់ដីផលិតស្រូវ (ក្រោម១០ហិកតា) ក្នុងឆ្នាំ២០២០។

សេចក្តីសម្រេចកំណត់លើកម្រិតតម្លៃសេវាពិនិត្យ ព្យាបាលជំងឺ ដែលមិនស្ថិតក្រោមការទូទាត់ពីមូលនិធិធានារ៉ាប់រងសុខាភិបាល ក្នុងមូលដ្ឋានសុខាភិបាលសាធារណៈរបស់ក្រុង។ សេចក្តីសម្រេចអនុម័តលើគម្រោងទទួលស្គាល់ទីប្រជុំជនកើ-ដ សម្រេចបទដ្ឋានជាក្រុងប្រភេទIV។ សេចក្តីសម្រេចអនុម័តលើផែនការរៀបចំរាល់សម័យប្រជុំសាមញ្ញឆ្នាំ២០២០នៃក្រុមប្រឹក្សាប្រជាជនក្រុង។ សេចក្តីសម្រេចពីការចោទសួរនិងឆ្លើយបំភ្លឺនៅសម័យប្រជុំលើកទី១៤នៃក្រុមប្រឹក្សាប្រជាជនក្រុង។

ដើម្បីធ្វើឱ្យសេចក្តីសម្រេចរបស់ក្រុមប្រឹក្សាប្រជាជនក្រុង ដែលទើបនឹងអនុម័ត បានស៊ីជម្រៅក្នុងជីវភាពជាក់ស្តែង ថ្លែងសុន្ទរកថាបិទសម័យប្រជុំ សមមិត្តផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង ដាក់សំណើ៖ គណៈកម្មាធិការប្រជាជនក្រុង គប្បីពន្លឿននឹងធ្វើឱ្យជាក់ស្តែងនូវរាល់សេចក្តីសម្រេចរបស់ក្រុមប្រឹក្សាប្រជាជនក្រុង ចង្អុលការដល់រដ្ឋអំណាចគ្រប់លំដាប់ថ្នាក់ ដាក់ចេញនូវដំណោះស្រាយអនុវត្តទាន់ពេល មានប្រសិទ្ធភាព។ ទន្ទឹមនឹងនោះ ស្នើដល់សមាជិកក្រុមប្រឹក្សាប្រជាជន ប្រចាំការក្រុមប្រឹក្សាប្រជាជន ព្រមទាំងគណៈកម្មការនៃក្រុមប្រឹក្សាប្រជាជនក្រុង សហការជាមួយគណៈប្រតិភូរដ្ឋសភាក្រុង ឃ្លាំមើល និងពិនិត្យតាមដានជាប្រចាំរាល់ការអនុវត្តសេចក្តីសម្រេចដែលបានប្រកាសឱ្យប្រើប្រាស់ ពង្រីកនិងបើកទូលាយចំណុចវិជ្ជមានបានទាន់ពេលកែតម្រូវ ជម្នះភាពឱនថយ ដើម្បីការអភិវឌ្ឍរួមរបស់ក្រុង៕

ក្វឹកទ្រឿង-លីសៀ

ចែករំលែកអត្ថបទ

ពាក្យគន្លឹះ