ព្រឹត្តិការណ៍ - នយោបាយ ព្រឹត្តិការណ៍

09/12/2019 - 16:50

ទឹកប្រាក់ជាង១.១៣៩ពាន់លានដុងវិនិយោគកម្មវិធី ១៣៥ ដល់ខេត្តក្រុងនានា នៅតំបន់ភាគខាងត្បូង

នៅក្រុងកាម៉ាវ ខេត្តកាម៉ាវ គណៈកម្មាធិការជនជាតិ ទើបរៀបចំសិក្ខាសាលាវាយតម្លៃកម្មវិធី ១៣៥ដំណាក់កាល២០១៦-២០២០ កំណត់ទិសដៅ ដំណាក់កាល២០២១-២០២៥ សម្រាប់បណ្តាខេត្តនៅតំបន់ភាគខាងត្បូង។

ទិដ្ឋភាពនៃអង្គសិក្ខាសាលា។

តំបន់ណាមបូមានខេត្ត ក្រុងចំនួន ១៥ ដែលមានជនរួមជាតិភាគតិចរស់នៅកុះករ។ ក្នុងនោះ មានឃុំចំនួន ១៥២ និងភូមិលំបាកពិសេសចំនួន ៤៨៦ សរុបអត្រាប្រហាក់ប្រហែលជាលំដាប់៧,១%និង ១២,២% ក្នុងចំណោមឃុំ ភូមិលំបាកពិសេសឋិតក្នុងក្របខណ្ឌវិនិយោគរបស់កម្មវិធី ១៣៥ដំណាក់កាល ២០១៦-២០២០។ សរុបទុនវិនិយោគ អនុវត្តកម្មវិធីដំណាក់កាលកន្លងនៅណាមបូ គឺ ១.១៣៩,១៧៥ពាន់លានដុង។ ផ្តើមពីប្រភពទុននេះ ភូមិភាគនានាកសាងសំណង់ហេដ្ឋារចនាសម្ព័ន្ធបាន ១.៣៩២សំណង់ ក្នុងនោះ (សំណង់គមនាគមន៍ចំនួន ១.១២៨ ធារាសាស្រ្តចំនួន៣២ អគ្គិសនីចំនួន ១៩ អគារវប្បធម៌ចំនួន ១១០ អគារសិក្សាចំនួន ២៩ ទឹកស្អាតចំនួន ១៥។ល។) អាស្រ័យហេតុនោះ ហេដ្ឋារចនាសម្ព័ន្ធជនបទត្រូវបានកសាងសម្រេច បទដ្ឋាន ជំរុញការអភិវឌ្ឍសេដ្ឋកិច្ច-សង្គមនៅភូមិភាគ ឆ្លើយតបទៅនឹងតម្រូវការ បំណងប្រាថ្នារបស់ប្រជាជន សរុបអត្រាគ្រួសារក្រីក្ររបស់ខេត្តនានា កាត់បន្ថយពី ៣-៤%/ឆ្នាំ ចំណូលមធ្យមភាគលើមនុស្សម្នាក់កើន ១,៥-៣ដង បើប្រៀបនឹងដើមដំណាក់កាល។ល។

មានប្រសាសន៍ក្នុងសិក្ខាសាលា អនុរដ្ឋមន្រ្តី អនុប្រធានគណៈកម្មាធិការជនជាតិ អ៊ីថុង បញ្ជាក់៖ ផ្តើមពីការត្រួតពិនិត្យ វាយតម្លៃ សឱ្យឃើញ ភូមិភាគមួយចំនួនមានរបៀបធ្វើល្អៗ ប្រកបដោយគំនិតច្នៃប្រតិដ្ឋក្នុងដំណាក់ការរៀបចំអនុវត្តកម្មវិធី ១៣៥ ធានាអនុវត្តត្រូវទិសដៅ យន្តការ គោលការណ៍នៃកម្មវិធី ដូច ៖ ការងារបែងថ្នាក់ ការប្រគល់សិទ្ធិ កៀរគរនិងគួបផ្សំរាល់ប្រភពកម្លាំង។ល។ ទទួលបានការគាំទ្រពេញទំហឹងពីសំណាក់ប្រជាជន។ ផ្តើមពីនោះ កម្មវិធី ១៣៥ ក៏ពង្រីកបានប្រសិទ្ធភាព រួមចំណែកកាត់បន្ថយភាពក្រីក្រដោយចីរភាពក្នុងជនរួមជាតិភាគតិច។ អនុរដ្ឋមន្រ្តី អនុប្រធានគណៈកម្មាធិការជនជាតិក៏បានផ្តល់ព័ត៌មានអំពីគម្រោងចម្រុះអភិវឌ្ឍសេដ្ឋកិច្ច-សង្គម នៅតំបន់ជនរួមជាតិភាគតិច និងតំបន់ភ្នំដំណាក់កាល ២០២១-២០៣០ បានរដ្ឋសភាអនុម័តិរៀបចំផ្សព្វផ្សាយអនុវត្តសេចក្តីសម្រេចចិត្ត។ នេះជាដំណឹងល្អក្នុងការងារកាត់បន្ថយភាពក្រីក្រ ការងារជនជាតិ អនុវត្តគោលនយោបាយជនជាតិនឹងមានភាពងាយស្រួលនៅពេលខាងមុខ៕

លីធាន - មុនី

ចែករំលែកអត្ថបទ

ពាក្យគន្លឹះ