វប្បធម៌-សិល្បៈ សិល្បៈ

18/11/2019 - 15:57

បិទឆាកមហោស្រពឈុតល្ខោនបាសាក់និងរបាំរឿង

មហោស្រពឈុតល្ខោនបាសាក់និងរបាំរឿង តំបន់វាលរាបទន្លេគឺវឡុងលើកទីI ឆ្នាំ២០១៩ ត្រូវបានបញ្ចប់។ ពិធីមហោស្រពនេះ ត្រូវបានស្ថានីយផ្សាយសំឡេងនិងទូរទស្សន៍សុកត្រាំងសហការជាមួយនាយកដ្ឋានទូរទស្សន៍ភាសាជនជាតិ VTV5 នៃស្ថានីយទូរទស្សន៍វៀតណាម រៀបចំឡើង។

ឈុតរបាំដកស្រង់ពីរឿង“ព្រះជិនវង្ស”សម្តែងដោយក្រុមរបាំបឹងចុង។

គណៈចាត់តាំងជូនរង្វាន់លេខ១ ដល់ក្រុមសិល្បៈមហាជនខ្មែរ រ៉ងរ៉ង។

គណៈចាត់តាំងជូនរង្វាន់លេខ២ ដល់ក្លឹបសិល្បៈឃុំដូងចូវ ស្រុកយ្វៀងហាយ ខេត្តត្រាវិញ។

គណៈចាត់តាំងជូនរង្វាន់លើកទឹកចិត្តចំនួន៥ដល់ឈុតសម្ដែងល្អៗ។

មហោស្រពបានទាក់ទាញសិល្បករ-ការិនី តន្រ្តីករជំនាញនិងមិនមែនអាជីពជាង២០០លើកនាក់មកពីអង្គភាពចំនួន៧នៃខេត្តសុកត្រាំង ត្រាវិញ និងកាម៉ាវ ចូលរួមប្រឡងចំនួន៩ឈុត ក្នុងនោះ មានឈុតល្ខោនបាសាក់ចំនួន៦និងឈុតរបាំរឿងចំនួន៣។ ខ្លឹមសារបធានបទអំពីប្រវត្តិសាស្រ្ត ស្ងើចសរសើរប្រវេណីដ៏ត្រចះត្រចង់របស់ប្រជាជាតិ ស្នេហាមាតុភូមិ អប់រំអំពីប្រវត្តិសាស្រ្ត វប្បធម៌ជាតិ បំផុសក្តីមោទនភាពជាតិដល់មហាជន។ល។ តាមការវាយតម្លៃពីគណៈកម្មការមេប្រយោគ ឈុតសម្ដែងដែលចូលរួមប្រឡងត្រូវបានរៀបចំហ្មត់ចត់ សម្បូរបែបខាងប្រធានបទនិងរូបភាព ច្បាមខ្ជាប់នូវលក្ខណៈពិសេសនៃសិល្បៈ ប្រពៃណីរបស់ជន ជាតិ។ មានឈុតស្តែងជាច្រើនបានបង្ហាញ់ពីភាពទម្លុះទម្លាយនៃគំនិតច្នៃប្រតិដ្ឋនូវតម្លៃវប្បធម៌សិល្បៈរបស់ជនរួមជាតិខ្មែរណាមបូក៏ដូចជាការប៉ិនប្រសប់ក្នុងការលើកយកលំនាំរឿងបុរាណ ដើម្បីឆ្លុះបញ្ចាំងពីដំណើរជីវិតសព្វថ្ងៃ។ល។

ក្រោយពី៣ថ្ងៃប្រឡង គណៈចាត់តាំងបានជូនរង្វាន់លេខ១ ដល់ឈុតល្ខោនបាសាក់ក្នុងរឿង “ណារិន្ទផល្លា-នាងជម្ពូពណ៌” សម្តែងដោយក្រុមសិល្បៈមហាជនខ្មែររ៉ងរ៉ង។ រង្វាន់លេខ២ ឈុតល្ខោនបាសាក់ក្នុងរឿង “សុវណ្ណសាម” សម្តែងដោយក្លឹបសិល្បៈ ឃុំដូងចូវ ស្រុកយ្វៀងហាយ ខេត្តត្រាវិញ។ ក្រៅពីនេះ គណៈចាត់តាំងក៏បានជូនរង្វាន់លេខ៣ចំនួន២រង្វាន់ និងរង្វាន់លើកទឹកចិត្តចំនួន៥ដល់ឈុតសម្ដែងល្អៗ៕

លីធាន-លីសៀ

ចែករំលែកអត្ថបទ

ពាក្យគន្លឹះ