ព្រឹត្តិការណ៍ - នយោបាយ ព្រឹត្តិការណ៍

12/11/2019 - 13:54

សកម្មភាពនៃពិធីបុណ្យអកអំបុក-ប្រណាំងទូក-ង ខេត្តសុកត្រាំងលើក IV

ស្របឱកាសពិធីបុណ្យអកអំបុក - ប្រណាំងទូក-ង ខេត្តសុកត្រាំងលើកទីIV តំបន់វាលរាបទន្លេគឺវឡុងឆ្នាំ២០១៩ ខេត្តសុកត្រាំង បានសហការជាមួយនឹងនាយកដ្ឋាន តម្កល់ឯកសារជាតិ រៀបចំតាំងពិព័រណ៍"ឯកសាររូបភាពសុកត្រាំង-សម័យដើមនិងនាបច្ចុប្បន្ន"។

ក្រុមទូក-ង ប្រមូលផ្តុំនៅមុខវេទិកាដើម្បីត្រៀមធ្វើការប្រណាំង។

គណៈកម្មការចាត់តាំងកាត់ខ្សែបូ បើកពិព័រណ៍ "ឯកសាររូបភាពសុកត្រាំង-សម័យដើម

និងបច្ចុប្បន្នភាព"។

គណៈកម្មការចាត់តាំងបានជ្រើសរើស ឧទ្ទេសនាមដល់មហាជននូវឯកសារផែនទី រូបភាពចំនួន២៥០ច្បាប់ពីឃ្លាំងតម្កល់ឯកសារជាតិនិងរូបភាព អាស្រ័យសារមន្ទីរសុកត្រាំង ជាងថតរូប និងអ្នកសារព័ត៌មាននៅសុកត្រាំងផ្តល់ជូន។ ខ្លឹមសារបានឆ្លុះបញ្ចាំងពីដំណាក់កាលប្រវត្តិសាស្រ្តនៃការកកើតនិងអភិវឌ្ឍតំបន់បាថាក់-បាស្វៀង-សុកត្រាំង ចាប់តាំងសតវត្សរ៍ទី១៧ រហូតមកទល់នឹងបច្ចុប្បន្ន ត្រូវបានបង្ហាញតាមរយៈបធានបទ "សុកត្រាំង-ទឹកដីនិងមនុស្ស" ។ល។

តាំងពិព័រណ៍ឯកសាររូបភាពសុកត្រាំង-សម័យដើមនិងនាបច្ចុប្បន្ន ប្រព្រឹត្តឡើងនៅរមណីយដ្ឋានបាត់ឌាំង ក្រុងសុកត្រាំង ដាក់បង្ហាញបម្រើជូនភ្ញៀវទស្សនារហូតដល់ចប់ពិធីបុណ្យនៅថ្ងៃទី១១ ខែវិច្ឆិកា ឆ្នាំ២០១៩។

*ពិធីបុណ្យអកអំបុក-ប្រណាំងទូក-ង ខេត្តសុកត្រាំងលើកទីIV តំបន់វាលរាបទន្លេគឺវឡុង ឆ្នាំ ២០១៩ ប្រព្រឹត្តទៅចាប់ពីថ្ងៃទី៥ដល់ថ្ងៃទី១១ ខែវិច្ឆិកា ឆ្នាំ ២០១៩។ ពិធីបុណ្យនេះ ត្រូវបានរៀបចំឡើង២ឆ្នាំម្តង។ កម្មវិធីបុណ្យប្រព្រឹត្តឡើងដោយមានសកម្មភាពជាច្រើន ដូច៖ ផ្សារណាត់ តាំងពិព័រណ៍កសិកម្ម ពាណិជ្ជកម្ម សេវាកម្ម និងចងសម្ព័ន្ធប្រើប្រាស់ផលិតផល OCOP នៅមណ្ឌលវប្បធម៌ ហូណឿកង៉ក ដោយមានការចូលរួមដាក់តាំងពិព័រណ៍ជាង៥០០ល្វែង សម្តែងបង្ហាញពីពិធីសំពះព្រះខែនៅរាត្រីថ្ងៃទី៩ ខែវិច្ឆិកា នៅរមណីយដ្ឋាន៣០មេសា ប្រឡងបណ្តែតប្រទីប និងស្តារឡើងវិញទូកគែហ៊ៅរបស់ជនរួមជាតិខ្មែរប្រព្រឹត្តឡើងនៅថ្ងៃទី៩ ខែ វិច្ឆិកា លើដងព្រែក Maspero មហោស្រពសិល្បៈមហាជន និងសម្តែងបង្ហាញម៉ូដសម្លៀកបំពាក់ខ្មែរនៅទីលានបាត់ឌាំង។ ជាពិសេស ពិធីប្រណាំងទូក-ងដណ្តើមពានរង្វាន់ស្រាបៀរសៃហ្គងប្រព្រឹត្តឡើងនៅវេទិកាប្រណាំងទូក-ង លើដងព្រែក Maspero ក្រុងសុកត្រាំង នៅថ្ងៃទី ១០និងថ្ងៃទី១១ ខែវិច្ឆិកា ដោយមានទូក-ងចូលរួមចំនួន៥៩គ្រឿង (ក្នុងនោះ មានទូក-ងបុរសចំនួន៤៧ ទូក-ងនារីចំនួន១២) នៅក្នុងនិងក្រៅខេត្តចូលរួមប្រកួតប្រណាំង៕

លីធាន-មុនី

ចែករំលែកអត្ថបទ

ពាក្យគន្លឹះ