ព្រឹត្តិការណ៍ - នយោបាយ ព្រឹត្តិការណ៍

20/08/2019 - 08:48

មហាសន្និបាតតំណាងជនជាតិភាគតិចក្រុងកឹងធើ លើកទី៣ នឹងចាត់តាំងនៅចុងខែកញ្ញានេះ

អនុវត្តផែនការលេខ៤០/KH-BCĐ របស់គណៈចង្អុលការមហាសន្និបាតតំណាងជនជាតិភាគតិចក្រុងកឹងធើ លើកទី៣ ឆ្នាំ២០១៩ មកដល់ពេលនេះ ឃើញថានៅខ័ណ្ឌ ស្រុកនានាសុទ្ធតែបានចាត់តាំងមហាសន្និបាត និងសន្និបាតពិភាក្សាជ្រើសរើសអ្នកតំណាងចូលរួមមហាសន្និបាតថ្នាក់ទីក្រុងសម្រេចរួចរាល់។ យោងតាមនោះ នៅខ័ណ្ឌនិញកេវ អូរម៊ូង និងស្រុកថើយឡាយ ស្រុកកើ-ដ បានចាត់តាំងមហាសន្និបាត និងជ្រើសរើសតំណាងចូលរួមមហាសន្និបាតថ្នាក់ទីក្រុងចំនួន៩៩រូប។ រីឯនៅខ័ណ្ឌប៊ិញធ្វី កៃរុាំង ថូកណូក និងស្រុកផុងដៀង ស្រុកវិញថាញ់ ក៏បានចាត់តាំងសន្និបាតពិភាក្សាជ្រើសរើសតំណាង២១រូប ចូលរួមមហាសន្និបាតថ្នាក់ទីក្រុងផងដែរ។ តាមការវាយតម្លៃរបស់គណៈចង្អុលការមហាសន្និបាតតំណាងជនជាតិភាគតិចក្រុងកឹងធើ លើកទី៣ ឆ្នាំ២០១៩ គឺបណ្តាខ័ណ្ឌ ស្រុកសុទ្ធតែបានចាត់តាំងមហាសន្និបាត និងសន្និបាតពិភាក្សាត្រូវតាមពេលកំណត់និងការណែនាំរបស់គណៈចង្អុលការ។

មកដល់ពេលនេះ ជំហាននៃការរៀបចំសម្រាប់មហាសន្និបាតតំណាងជនជាតិភាគតិចក្រុងកឹងធើ លើកទី៣ ឆ្នាំ២០១៩ បានប្រព្រឹត្តទៅតាមផែនការរបស់គណៈចង្អុលការ។ តាមការគ្រោងទុក មហាសន្និបាតនឹងចាត់តាំងនៅចុងខែកញ្ញា ឆ្នាំ២០១៩នេះ ដោយមានតំណាងពេញសិទ្ធ១៥០អង្គនិងរូប។ តំណាងភ្ញៀវ អញ្ជើញ៥០រូប។ ក្នុងនោះ តំណាងពេញសិទ្ធអាស្រ័យខ័ណ្ឌ ស្រុកជ្រើសរើសចំនួន១២០រូប។ តំណាងស្វ័យប្រវត្តិចំនួន១០រូប។ តំណាងពេញសិទ្ធអាស្រ័យ មន្ទីរ គណៈ ផ្នែកជ្រើសរើសចំនួន២០រូប៕

ថាញធី-សុផន

ចែករំលែកអត្ថបទ

ពាក្យគន្លឹះ