ព្រឹត្តិការណ៍ - នយោបាយ ព្រឹត្តិការណ៍

06/08/2019 - 08:42

គណៈកម្មការសាសនានៃរដ្ឋាភិបាល ធ្វើការជាមួយខេត្តសុកត្រាំង

កាលពីថ្ងៃទី២២ ខែកក្កដា ឆ្នាំ២០១៩ គណៈប្រតិភូអធិការកិច្ចគណៈកម្មការសាសនានៃរដ្ឋាភិបាល ដឹកនាំដោយសមមិត្តប៊ូយថាញ់ហា អនុប្រធានគណៈកម្មការសាសនានៃរដ្ឋាភិបាល បានធ្វើការជាមួយខេត្តសុកត្រាំងអំពីការអនុវត្តសេចក្តីកំណត់របស់ច្បាប់ស្តីពីជំនឿសាសនាលើភូមិសាស្រ្តខេត្ត។

ទិដ្ឋភាពនៃអង្គប្រជុំ។

បច្ចុប្បន្ន ខេត្តសុកត្រាំងមានសាសនាចំនួន៩ បានរដ្ឋទទួលស្គាល់ជានីតិបុគ្គល រួមមាន៖ ពុទ្ធសាសនា សាសនាកាតូលិក សាសនាប្រូតេស្តង់ សាសនាកាវដាយ សាសនាហ្វាហាវ និកាយធៀនឌោ តឺអឹងហីវង៉ៀបឺវ សើុងគីហឿង និង Baha'i។ ទន្ទឹមនោះ មានមូលដ្ឋានជំនឿសាសនាចំនួន៧១៩ អ្នកមុខអ្នកការសាសនាចំនួន៦១៦អង្គនិងរូប អ្នកបួសមានចំនួន១.៨៦៨អង្គ គណៈកម្មការ អាចារ្យវត្តចំនួន៣.៨៨៧រូប។

សាសនាភាគច្រើន សុទ្ធតែមានមូលដ្ឋានគោរពបូជានៅតាមឃុំ សង្កាត់ ទីប្រជុំជន។ រយៈពេលកន្លង ការងារសាសនាតែងទទួលបានការយកចិត្តទុកដាក់ដឹកនាំ ចង្អុលការរបស់គណៈកម្មាធិការបក្សនិងរដ្ឋអំណាចគ្រប់លំដាប់ថ្នាក់ ការសហការរបស់ស្ថាប័នសមត្ថកិច្ចដើម្បីដំណើរការត្រឹមត្រូវតាមសេចក្តីកំណត់របស់ច្បាប់។ ពិសេស សិទ្ធិសេរីជំនឿសាសនា សាសនិកជន តែងបានធានា បង្កលក្ខណៈឱ្យសាសនាអនុវត្តទំនាក់ទំនងការបរទេស សមស្របនឹងគោលការណ៍របស់បក្សនិងច្បាប់របស់រដ្ឋ។ល។

ថ្លែងយោបល់ក្នុងកិច្ចប្រជុំ សមមិត្តប៊ូយថាញ់ហា ឱ្យដឹង៖ ខេត្តសុកត្រាំងអនុវត្តល្អសេចក្តីកំណត់របស់ច្បាប់អំពីជំនឿសាសនា ដោះស្រាយករណីដែលកើតមានឡើងបានយ៉ាងល្អ មិនទុកឱ្យកើតមានចំណុចក្តៅ។ ទន្ទឹមនឹងនោះ ក៏លើកឡើងនូវបញ្ហាមួយចំនួននៅឱនថយ បំផុតគឺការងារគ្រប់គ្រងនៅថ្នាក់មូលដ្ឋាន។ គណៈប្រតិភូក៏ទទួលយកសំណើ បញ្ហាប្រឈមដែលជាប់ពាក់ព័ន្ធក្នុងការគ្រប់គ្រងរដ្ឋអំពីសាសនារបស់ខេត្ត ធ្វើសេនាធិការជូនរដ្ឋាភិបាល ដើម្បីមានវិធានការដោះស្រាយនៅពេលខាងមុខ៕

 យ្វីអាញ់-មុនី

ចែករំលែកអត្ថបទ

ពាក្យគន្លឹះ