ព្រឹត្តិការណ៍ - នយោបាយ ព្រឹត្តិការណ៍

21/06/2019 - 15:50

អនុស្សាវរីយ៍៩៤ឆ្នាំ ទិវាសារព័ត៌មានបដិវត្តន៍វៀតណាម (២១/៦/១៩២៥ –២១/៦/២០១៩)

ថ្នាក់ដឹកនាំក្រុងកឹងធើ អញ្ជើញទៅសួរសុខទុក្ខនិងអបអរ ទីភ្នាក់ងារសារព័ត៌មាននៅស្ថាប័ននានាលើភូមិសាស្ត្រក្រុង

ស្របឱកាសអនុស្សាវរីយ៍៩៤ឆ្នាំ ទិវាសារព័ត៌មានបដិវត្តន៍វៀតណាម ២១/៦/១៩២៥ – ២១/៦/២០១៩) នៅថ្ងៃទី២០ ខែមិថុនា ថ្នាក់ដឹកនាំក្រុងកឹងធើ ដឹកនាំដោយសមមិត្ត ផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង អញ្ជើញទៅសួរសុខទុក្ខនិងអបអរស្ថាប័នសារព័ត៌មាននានា នៅលើភូមិសាស្រ្តក្រុងកឹងធើ។

សមមិត្ត ផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជាក្រុង ជូនកម្រងផ្កាអបអរសារព័ត៌មានកឹងធើ ស្របក្នុងឱកាសអនុស្សាវរីយ៍៩៤ឆ្នាំ ទិវាសារព័ត៌មានបដិវត្តន៍វៀតណាម។

ក្រុមគណៈប្រតិភូ បានអញ្ជើញទៅកាន់សមាគមអ្នកកាសែតក្រុងកឹងធើ វិទ្យុសំឡេងវៀតណាម - ស្ថាប័នប្រចាំការនៅតំបន់វាលរាបទន្លេគឺវឡុង មជ្ឈមណ្ឌលទូរទស្សន៍វៀតណាម នៅក្រុងកឹងធើ ការិយាល័យតំណាងសារព័ត៌មានញ៉ឹនហ្សិននៅក្រុងកឹងធើ សារព័ត៌មានកឹងធើ ស្ថានីយវិទ្យុនិងទូរទស្សន៍ទីក្រុងកឹងធើ។

នៅកន្លែងដែលអញ្ជើញទៅ សមមិត្ត ផាមវ៉ាន់ហេវ បានផ្ញើនូវវាចាយ៉ាងកក់ក្តៅដល់សមមិត្ត ជាថ្នាក់ដឹកនាំ អ្នកកែសម្រួល អ្នកយកព័ត៌មាន បុគ្គលិកនិងគ្រួសារនៃអ្នកសារព័ត៌មាននានា។ ទទួលស្គាល់នូវការរួមចំណែកជាវិជ្ជមានរបស់ស្ថាប័នសារព័ត៌មានក្នុងការឃោសនា ផ្សព្វផ្សាយ និងឆ្លុះបញ្ចាំងបានទាន់ពេល អំពីសមិទ្ធផលសេដ្ឋកិច្ច–សង្គម វប្បធម៌ ការពារប្រទេស សន្តិសុខរបស់ក្រុង ទាំងតំបន់វាលរាបទន្លេគឺវឡុង។

នាពេលខាងមុខ សមមិត្ត អនុលេខាប្រចាំការនៃគណៈកម្មាធិការបក្ស មានគោលបំណងចង់ឲ្យស្ថាប័នសារព័ត៌មាននានា បន្តជម្រុញការឃោសនាអំពីគោលការណ៍ គោលម៌ាគារបស់បក្សនិងគោលនយោបាយ ក្រឹត្យច្បាប់របស់រដ្ឋ។ សរសេរអត្ថបទឲ្យបានច្រើន លើកសរសើរ ការចលនាប្រណាំងស្នេហាជាតិ លើកឡើងពីគំរូល្អការងារល្អ។ល។ ចំពោះសារព័ត៌មានកឹងធើ-សម្លេងរបស់បក្ខភាគ រដ្ឋអំណាច និងប្រជាជនក្រុងកឹងធើ ទន្ទឹមនឹងការពង្រីកលទ្ធផល ដែលសម្រេចបាន សមមិត្តអនុលេខា ក៏មានបំណងចង់បានសារព័ត៌មានកឹងធើ សរសេរអត្ថបទមានភាពស៊ីជម្រៅជាច្រើន ដើម្បីកំណត់ទិសមតិសាធារណៈ។ ប្រឆាំងនឹងការឃោសនា មួលបង្កាច់របស់អានុភាពអមិត្ត បំផុតគឺនៅលើបណ្តាញសង្គម។ ទន្ទឹមនឹងនោះ គប្បីសិក្សាស្រាវជ្រាវ អភិវឌ្ឍន៍ផលិតផលសារព័ត៌មាន ឆ្លើយតបតម្រូវការរបស់មិត្តអ្នកអានមួយថ្ងៃកាន់តែល្អ ដើម្បី សកម្មភាពសារព័ត៌មានរបស់អង្គភាពកាន់តែប្រសើរឡើង៕

ថាញ់ឡុង

ចែករំលែកអត្ថបទ

ពាក្យគន្លឹះ