សន្តិសុខ - ការពារប្រទេស ការពារប្រទេស

27/05/2019 - 15:53

រួមដំណើរនឹងមាមីងតំបន់ព្រំដែន

ជាមួយនឹងភារកិច្ចការពារអធិបតេយ្យសន្តិសុខព្រំដែនប្រទេស និងជាអង្គភាព ឈរជើងនៅលើភូមិសាស្រ្ត កងទ័ពខេត្តគៀងយ៉ាង តែងមានទម្រង់ជាក់ស្តែងជាច្រើន ឧបត្ថម្ភមាមីងខ្មែរនៅតំបន់ព្រំដែន បានទាន់ពេល។

កងទ័ពការពារព្រំដែន និងសមាគមនារីខេត្តគៀងយ៉ាង ជូនកង់ដល់សិស្សក្រីក្រនៅស្រុកយ៉ាងថាញ់។

ជាអង្គភាពបោះជំរំលើភូមិសាស្រ្តតំបន់ក្រីក្រ ចំណុះឃុំភូមី ស្រុកយ៉ាងថាញ់ សង្កេតឃើញភាពក្រខ្សត់ នឿយហត់របស់មាមីងនៅទីនេះ ក្រុមសេដ្ឋកិច្ចការពារប្រទេស ៩១៥ ចំណុះបញ្ជាការដ្ឋានយោធាខេត្តគៀងយ៉ាង បានផ្សព្វផ្សាយកម្មវិធីឧបត្ថម្ភការងាររកស៊ីចិញ្ចឹមជីវិតយ៉ាងជាក់ស្តែង ក្នុងនោះ មានគម្រោងចិញ្ចឹមគោ ជួយឲ្យមាមីងចាកផុតពីភាពក្រី ក្រ លំនឹងជីវភាព។ លោកហ្វិញត្រុងឌឹក អនុប្រធានគណៈកម្មាធិការប្រជាជនស្រុកយ៉ាងថាញ់ ឲ្យដឹង៖ ច្រើនឆ្នាំកន្លង មានអង្គភាពជាច្រើនបានឧបត្ថម្ភគម្រោងចិញ្ចឹមគោនៅលើភូមិសាស្រ្តស្រុក ក្នុងនោះ មានគម្រោងចិញ្ចឹមគោរបស់ក្រុមសេដ្ឋកិច្ចការពារប្រទេស៩១៥ និងធនាគារគោរបស់សមាគមកាកបាទក្រហមខេត្ត។ គម្រោងចិញ្ចឹមគោ បានអភិវឌ្ឍយ៉ាងឆាប់រហ័ស ហើយប្រជាជនបានចាកផុតពីភាពក្រីក្រជាបណ្ដើរៗ។ ក្រៅពីគម្រោងចិញ្ចឹមគោ មាមីងនៅទាំងបានក្រុមសេដ្ឋកិច្ចការពារប្រទេស៩១៥ ឧបត្ថម្ភទម្រង់អភិវឌ្ឍសេដ្ឋកិច្ចជាច្រើនទៀត និង បង្កើតក្រុមចិញ្ចឹមសត្វបាន២០ក្រុម។ មកទល់ពេលនេះ ក្រុមសេដ្ឋកិច្ច៩១៥ បានឧបត្ថម្ភគោមេបង្កាត់ចំនួន២០០ក្បាល គោឈ្មោលពីរក្បាលដល់គ្រួសារក្រីក្រ គ្រួសារប្រកៀកបន្ទាត់ក្រចំនួន១០០គ្រួសារ ដែលនៅតាមឃុំព្រំដែនស្រុកយ៉ាងថាញ់។ ទម្រង់ទាំងនេះមានភាពជាក់ស្តែងណាស់ បានបង្ហាញពីស្មារតីសហគមន៍ខ្ពស់និងនាំមកនូវប្រាក់ចំណូលជូនមាមីង។

ទន្ទឹមនឹងគោលនយោបាយឧបត្ថម្ភការងាររកស៊ីចិញ្ចឹមជីវិត កម្មវិធីឧបត្ថម្ភលំនៅឋាន ក៏បានអង្គភាពកងទ័ពបោះជំរំនៅលើភូមិសាស្រ្តតំបន់ព្រំដែនខេត្តគៀងយ៉ាង យកចិត្តទុកដាក់យ៉ាងខ្លាំងផងដែរ។ ចាប់ពីឆ្នាំ២០០៧ មកទល់ពេលនេះ បញ្ជាការដ្ឋានកងទ័ពការពារព្រំដែនខេត្តគៀងយ៉ាង បានចលនា ឧបត្ថម្ភសង់ផ្ទះមហាសាមគ្គីរាប់រយខ្នងជូនដល់មាមីងក្រីក្រនៅតំបន់ព្រំដែន។ ក្រៅពីឧបត្ថម្ភប្រជាជននៅលើភូមិសាស្រ្តស្រុកយ៉ាងថាញ់ ប៉ុស្តិ៍ការពារព្រំដែននៃច្រកទ្វារអន្តរជាតិហាតៀងនៅទាំងឧបត្ថម្ភសិស្សកម្ពុជាដែលមានស្ថានភាពលំបាក២នាក់ ពីកម្មវិធីជួយជំរុញប្អូនៗទៅសាលារៀន ឆ្លងតាមរយៈអង្គភាពមិត្ត។ នេះគឺជាកម្មវិធីមានអត្ថន័យធំធេង រួមដំណើរជាមួយនឹងសិស្សដែលមានស្ថានភាពលំបាកខ្លាំង។ ប្អូនៗបានទទួលការឧបត្ថម្ភពីកម្មវិធីជាមួយប្រាក់៥០០.០០០ដុង/ខែ រហូតដល់រៀនចប់ថ្នាក់ទី១២។ ឆ្នាំនេះ កម្មវិធីនេះនឹងបានអង្គភាពការពារព្រំដែនទទួលឧបត្ថម្ភប្អូនៗចំនួន១១០នាក់ ក្នុងនោះ មានប្អូនៗនៃប្រទេសជាមិត្តកម្ពុជាចំនួន១០នាក់។

វរសេនីយ៍ឯក វ៉ហ្វាងក្វឹង ស្នងការនយោបាយរងនៃកងទ័ពការពារព្រំដែនខេត្តគៀងយ៉ាង ឲ្យដឹង៖ សកម្មភាពឧបត្ថម្ភមាមីងខ្មែរក្រីក្រលើភូមិសាស្រ្តតំបន់ព្រំដែនមានអត្ថន័យធំធេងខ្លាំងណាស់។ ពីព្រោះជីវភាពរបស់មាមីងភាគច្រើននៅជួបលំបាកខ្លាំង។ ឆ្លងតាមរយៈការឧបត្ថម្ភ ឃើញថាមាមីងមានសេចក្តីត្រេកអរ និងសកម្មចូលរួមសកម្មភាពសង្គមនៅភូមិភាគ ព្រួតដៃគ្នារក្សាតំបន់ព្រំដែនរបស់មាតុភូមិ៕

ឡេស៊ាង-វិមាន

ចែករំលែកអត្ថបទ

ពាក្យគន្លឹះ