24/04/2019 - 11:12

រួមចំ​ណែក​រក្សា​វប្ប​ធម៌​របស់​ជន​ជាតិ​

ស​មោ​សរ​ចម្រៀង​ រ​បាំ​ តន្ត្រី​ខ្មែរ​ណាម​បូ​ លើក​ទី​១ -​ ឆ្នាំ​២០១៩​ បាន​ប្រ​ព្រឹត្ត​ឡើង​ចាប់​ពី​ថ្ងៃ​០២​ ដល់​ថ្ងៃ​០៩​ ខែ​មេ​សា​ ឆ្នាំ​២០១៩ ទាក់​ទាញ​បាន​បេក្ខ​ជន​ជាង​៣០០​នាក់​មក​ពី​ខេត្ត​នា​នា​ ដូច​៖ ត្រា​វិញ​ គៀង​យ៉ាង​ និង​ខេត្ត​សុក​ត្រាំង​ចូល​រួម​។ រួម​មាន​១២៥​ឈុត​ចម្រៀង​ រ​បាំ​ តន្រ្តី ស្ងើច​សរ​សើរ​បក្ស​ អ៊ំ​ហូ ជា​ទី​គោ​រព ស្ងើច​សរ​សើរ​ចំ​ណង​សាម​គ្គី​ ស្នេ​ហា​យុវ​វ័យ​ ​ភូមិ​ ស្រុក​ផ្លាស់​ថ្មី ស្នេ​ហា​មាតុ​ភូមិ និង​ពិ​ធី​បុណ្យ​ប្រ​ជា​ប្រិយ​ជា​ដើម​៘ ​ដិត​ដាម​ដោយ​លក្ខណៈ​វប្ប​ធម៌​ជន​រួម​ជាតិ​ខ្មែរ​ណាម​បូ​... ។

“​រ​បាំ​ជូន​ព​រ​” របស់​ក្រុម​របាំ​វត្ត​ព្រះ​បួន​ព្រះ​ភ័ក្ត្រ​ ឃុំ​ភូ​តឹង​ ស្រុក​ចូវ​ថាញ់​។ ​

បេក្ខ​ជន​សុើង​ធី​យីវ​ ក្រុម​តូរ្យ​តន្ត្រី​វត្ត​ព្រះ​បួន​ព្រះ​ភ័ក្ត្រ​ឃុំ​ភូ​តឹង​ ស្រុក​ចូវ​ថាញ់​ ខេត្ត​សុក​ត្រាំង​ សំ​ណេះ​សំ​ណាល​៖” ស​មោ​សរ​សិល្បៈ​ប្រ​ព្រឹត្ត​ឡើង​ស្រប​នឹង​ប​រិ​យា​​កាស​ទ​​ទួល​​​អំ​​ណរ​បុណ្យ​ចូល​ឆ្នាំ​ថ្មី​ប្រ​ពៃ​ណី​របស់​ជន​រួម​ជាតិ​ខ្មែរ​ ដូច្នេះ​ ប្អូន​ក៏​សម្តែង​រ​បាំ​ “ជូន​ពរ​ឆ្នាំ​ថ្មី​ “។ ឆ្លង​តាម​រយៈ​ឈុត​សម្តែង​នេះ ​ប្អូន​ក៏​សូម​ផ្ញើ​នូវ​បិយ​វា​ចា​ជូន​ពរ​ឆ្នាំ​ថ្មី​ចំ​ពោះ​មា​មីង​ខ្មែរ​ ក៏​ដូច​ជា​បង្ហាញ​ឲ្យ​ពុក​ម៉ែ​ បង​ប្អូន​បាន​ដឹង​និង​មោទ​ន​ភាព​ពី​យុវ​វ័យ​ជំ​នាន់​ប្អូន​នៅ​តែ​ប្តេជ្ញា​ចិត្ត​រក្សា​និង​ពង្រីក​ក្បាច់​រ​បាំ បទ​ចម្រៀង​និង​ចង្វាក់​ភ្លេង​ជ​ន​ជាតិ​”។ ស​មា​ជិក​ក្នុង​ក្រុម​របស់​ប្អូន​​ភាគ​ ច្រើន​គឺ​ជា​កម្ម​ករ​ ដូច្នេះការ​ហ្វឹក​ហាត់​បាន​តែ​ពេល​យប់​ប៉ុណ្ណោះ ហើយ​គ្រប់​គ្នា​តែង​​មាន​ចិត្ត​តែ​មួយ គឺ​ស្រ​ឡាញ់​ចម្រៀង​ រ​បាំ ​និង​តន្ត្រី​ខ្មែរ​។

បេក្ខ​ជន​ថាច់​ង៉ុក​ស៊ាន នៅ​ក្រុង​សុក​ត្រាំង​ ឲ្យ​ដឹង​៖ “ ប្អូន​ស្រ​ឡាញ់​ចូលចិត្ត​ចម្រៀង​ រ​បាំ​ តន្ត្រី​ខ្មែរ​​​តាំង​ពី​តូច​ម៉្លេះ កាល​បើ​បាន​ដឹង​ថា ​ខេត្ត​ចាត់​តាំង​ស​មោ​សរ​សិល្បៈ ​ប្អូន​ក៏​សូម​ចូល​​ក្រុម​តូរ្យ​តន្ត្រី​វត្ត​ព្រះ​បួន​ព្រះ​ភ័ក្ត្រ​ដើម្បី​ហ្វឹក​ហាត់​។ បាន​​ចូល​រួម​ប្រ​ឡង​សម្តែង​ខ្ញុំ​សប្បាយ​ចិត្ត​ណាស់​ ព្រោះ​អី​ មាន​ឱ​កាស​បញ្ចេញ​ស​មត្ថ​ភាព​ច្រៀង​រាំ ដើម្បី​គ្រួ​សារ​​ មិត្ត​ភ័ក្ដិ​ និង​មា​មីង​ ខ្មែរ​​ទស្ស​នា​”។ ដោយ​ការ​ស្រ​ឡាញ់​ពេញ​ចិត្ដ​តូរ្យ​តន្ត្រី​នេះ​ហើយ បាន​ជា​កូន​ចៅខ្មែរ​ជា​ច្រើន​បាន​សូម​ចូល​វត្ត​អា​រាម​ដើម្បី​រៀន​ ប្រ​គំ​ភ្លេង​ប្រ​ពៃ​ណី​របស់​ជន​ជាតិ​។ ប្អូន​ម៉ាយ​ទ្រុង​តិន​ សិស្ស​ថ្នាក់​ទី​៩ សា​លា​អ​នុ​វិ​ទ្យា​ល័យ​សង្កាត់​៤ ក្រុង​សុក​ត្រាំង សំ​ណេះ​សំ​ណាល​៖ ៉ ​ប្អូនចូល​ចិត្ត​ស្ដាប់​ភ្លេង​ពិណ​ពាទ្យ​នេះ​ណាស់ ទើប​សូម​ពុក​ម៉ែ​ចូល​វត្ត​ម​ហា​ទប់​រៀន​។ ជាង​៤​ឆ្នាំ​មក​នេះ ប្អូន​អាច​ប្រ​គំ​ភ្លេង​ពិណ​ពាទ្យ​បាន​​ស្ទាត់​ ចូល​រួម​នឹងក្រុមប្រ​គំ​បម្រើ​ក្នុង​​វត្ត និង​ពិ​ធី​បុណ្យ​ទាន​ផ្សេង​ៗ​ជូន​មា​មីង​ខ្មែរ​ទូ​ទាំង​ខេត្ត​សុកត្រាំង​។ ក្រុម​ភ្លេង​របស់​ប្អូន​ក៏​បាន​ចូល​រួម​ប្រ​ឡង​ថ្នាក់​ខេត្ត​ ថ្នាក់​ក្រុង​ដែរ​ តែង​តែ​ជាប់​ចំ​ណាត់​ថ្នាក់​លេខ​១​។ នេះ​ជា​លើក​ដំ​បូង​ ដែល​ពួក​ប្អូន​ចូល​រួម​ប្រ​ឡង​ថ្នាក់​តំ​បន់​ណាម​បូ ​ភ័យ​ផង​អរ​ផង​ ហើយ​ក៏​សង្ឃឹម​ថា​នឹង​ទ​ទួល​បាន​ចំ​ណាប់​ថ្នាក់​ខ្ពស់​”។​

សិល្ប​ករ​ឆ្នើម​ ឡឹម​វិញ​ភឿង​ ស​មា​ជិក​នៃ​គណៈ​មេ​ប្រ​យោគ​ ឲ្យ​ដឹង​៖ “ ឆ្លង​តាម​រយៈ​ការ​ប្រ​ឡង​ តាំង​ពី​គុណ​ភាព​ឈុត​សម្តែង​ ឃើញ​ថា បេក្ខ​ជន​គ្រប់​រូប​សុទ្ធ​សឹង​បាន​ត្រៀម​លក្ខណៈ​យ៉ាង​ហ្មត់​ចត់​ តាំង​ពី​សំ​នៀង​ ក្បាច់​រាំ​ និង​សម្លៀក​បំ​ពាក់​ សម​ស្រប​នឹង​សម្រស់​វប្ប​ធម៌​ប្រ​ពៃ​ណី​របស់​ជន​ជាតិ​ខ្មែរ​។ ជា​ពិ​សេស​ បេក្ខ​ជន​ជា​ច្រើន​រូប​ ទោះ​បី​វ័យ​នៅ​ក្មេង​ក៏​ដោយ​ ប៉ុន្តែ​ប្អូន​ៗ​ចេះ​ជ្រើស​បទ​ចម្រៀង​សម​ស្រប​នឹង​សំ​នៀង​​ក្បាច់​រាំ សម​ស្រប​នឹង​​បទ​ភ្លេង​; ប្រ​គំ​ភ្លេង​ពិ​ណពា​ទ្យ​ក៏​ស្ទាត់​ជំ​នាញ​ មាន​ការ​ច្នៃប្រ​​តិដ្ឋ​យ៉ាង​ប៉ិន​ប្រ​សប់​។ នេះ​គឺ​ជា​កម្លាំង​ស្នូល​ រួម​ចំ​ណែក​ទៅ​ក្នុង​​ការ​អភិ​រក្ស​ និង​ពង្រី​ក​វប្ប​ធម៌​ល្អ​ឥត​ខ្ចោះ​របស់​ជន​ជាតិ​ខ្មែរ​”។

តាម​លោក​ង្វៀង​វ៉ាន់​បូង​ ប្រ​ធាន​គណៈ​ចាត់​តាំង​ នា​យក​​ស្ថា​នីយ​វិ​ទ្យុ-ទូរ​ទស្សន៍​សុក​ត្រាំង​ ស​មោ​សរ​ចម្រៀង​ រ​បាំ​ តន្ត្រី​ខ្មែរ​ណាម​បូ​លើក​ទី​១​ ឆ្នាំ២០​១៩ គឺ​ជា​ឱ​កាស​មួយ​សម្រាប់​ក្រុម​សិល្បៈ​ខ្មែរ​ជំ​នាញ​ប្រ​ទះ​ឃើញ​ និង​ជ្រើស​រើស​បាន​បេក្ខ​ជន​ ដែល​មាន​ទេព​កោ​សល្យ​ច្រៀង​ពី​រោះ​ រាំ​ល្អ និង​ចេះ​លេង​ភ្លេង​។ ឆ្លង​តាម​រយៈ​នោះ​ រួម​ចំ​ណែក​អភិ​រក្ស​ ពង្រីក​តម្លៃ​ វប្ប​ធម៌​ប្រ​ពៃ​ណី​ដ៏​ល្អ​របស់​ជន​ជាតិ​ខ្មែរ​; ក៏​ដូច​ជា​បម្រើត​ម្រូវ​ការ​ទ​ទួល​ផល​ វប្ប​ធម៌​របស់​ជន​រួម​ជាតិ​ខ្មែរ​ណាម​បូ​កាន់​តែ​បាន​ល្អ​ប្រ​សើរ​៕​

យ្វី​អាញ់​-លេង​មី 

ចែករំលែកអត្ថបទ