ព្រឹត្តិការណ៍ - នយោបាយ ព្រឹត្តិការណ៍

25/03/2019 - 09:34

សុកត្រាំង៖

យោធភូមិភាគ៩ បើកវគ្គបណ្តុះបណ្តាលអក្សរខ្មែរ

បញ្ជាការដ្ឋានយោធភូមិភាគ៩ បានសហការជាមួយមជ្ឈមណ្ឌលភាសាបរទេស-ព័ត៌មានវិទ្យា Victory (សាកលវិទ្យាល័យត្រាវិញ) រៀបចំបើកថ្នាក់បង្រៀនអក្សរខ្មែរ៤ថ្នាក់ នៅតាមអង្គភាពលើភូមិសាស្រ្តខេត្តអាងយ៉ាង តៀនយ៉ាង សុកត្រាំង និងក្រុងកឹងធើ។

ទិដ្ឋភាពនៃពិធីបើកវគ្គបណ្តុះបណ្តាល។

ក្នុងអំឡុងមួយឆ្នាំ កម្មាភិបាលកំពុងបម្រើការក្នុងកងកម្លាំងប្រដាប់អាវុធយោធភូមិភាគ ៩ចំនួន១៦០រូប នឹងបានបំប៉ននូវចំណេះដឹងមូលដ្ឋាន រួមមាន៖ វាក្យស័ព្ទ វេយ្យាករណ៍ ជីវភាពវប្បធម៌ និងទំនៀមទម្លាប់របស់ជនរួមជាតិខ្មែរ។ល។ តាមរយៈការស្តាប់ និយាយ និងអំណាន ផ្តោតសំខាន់ខាងបំណិនប្រាស្រ័យទាក់ទង។ ឧត្តមសេនីយ៍ត្រី ង្វៀនវ៉ាន់ហ្គូវ ស្នងការនយោបាយយោធភូមិភាគ៩ បានសំណូមពរដល់សិក្ខាកាមទាំងអស់ គប្បីខ្នះខ្នែងរៀនសូត្រ លត់ដំ ខិតខំធ្វើយ៉ាងណាសម្រេចលទ្ធផល១០០% ដើម្បីគ្រប់លក្ខណៈទទួលវិញ្ញាបនប័ត្រ ក្នុងនោះ មានសិក្ខាកាម៧៥% សម្រេចនិទ្ទេសពូកែ។ នេះគឺជាឱកាសដើម្បីកងជួរកម្មាភិបាលបង្កើនសមត្ថភាព បំណិនក្នុងការងារប្រជាចលនានៅតំបន់ជនរួមជាតិខ្មែរ រួមចំណែកកសាងខឿនការពារប្រទេសទូទាំងប្រជាជនរឹងមាំ៕

គៀងយ៉ាង-លីសៀ

ចែករំលែកអត្ថបទ

ពាក្យគន្លឹះ