ព្រឹត្តិការណ៍ - នយោបាយ ព្រឹត្តិការណ៍

18/03/2019 - 07:12

ត្រៀមជាស្រេចសម្រាប់ពិធីជួបជុំតំណាងជាជនជាតិខ្មែរឆ្នើមក្នុងឱកាសបុណ្យចូលឆ្នាំថ្មី

នៅទីស្តីការគណៈកម្មាធិការជនជាតិ សមាជិកគណៈប្រតិបត្តិការមជ្ឈិមបក្ស រដ្ឋមន្រ្តី ប្រធានគណៈកម្មាធិការជនជាតិ ដោវ៉ាន់ចៀន ជាអធិបតីភាពនៃកិច្ចប្រជុំអនុម័តិលើផែនការ ពិធីជួបជុំតំណាងជនជាតិខ្មែរឆ្នើមក្នុងឱកាសបុណ្យចូលឆ្នាំថ្មី ២០១៩។

ទិដ្ឋភាពនៃពិធីប្រជុំ។

ថ្លែងយោបល់សរុបសេចក្តីនៃកិច្ចប្រជុំ រដ្ឋមន្រ្តី ប្រធានគណៈកម្មាធិការជនជាតិ ដោវ៉ាន់ចៀន បានឯកភាពអនុម័តិលើគោលការណ៍ ផែនការពិធីជួបជុំតំណាងជនជាតិខ្មែរឆ្នើមក្នុងឱកាសបុណ្យចូលឆ្នាំថ្មី នៅថ្ងៃទី៦ ខែមេសា ឆ្នាំ២០១៩ នៅក្រុងកឹងធើ។ ទន្ទឹមនឹងនោះ រដ្ឋមន្រ្តី ប្រធានគណៈកម្មាធិការជនជាតិ បានស្នើដល់សមមិត្តទាំងឡាយដែលទទួលភារកិច្ច គប្បីប្រកាសជាធរមានឲ្យបានឆាប់នូវផែនការ លិខិតអញ្ជើញ រៀបចំប្រជុំគណៈកម្មការចាត់តាំង ដើម្បីផ្សព្វផ្សាយអនុវត្តពិធីជួបជុំ ធានាប្រកបដោយភាពឱឡារិក អធិកអធម សប្បាយ រីករាយ និងប្រិតសំចៃ។ សំណូមពរដល់នាយកដ្ឋាន អង្គភាពនានា ដែលពាក់ព័ន្ធ សហការរៀបចំពិធីជួបជុំឲ្យបានល្អ ដោយផ្អែកលើមូលដ្ឋានមុខងារ ភារកិច្ចដែលខ្លួនទទួលបន្ទុក។ ម្យ៉ាងទៀត រដ្ឋមន្រ្តី ប្រធានគណៈកម្មាធិការជនជាតិ ក៏បានក្រើនរំលឹកចំពោះការអញ្ជើញតំណាងចូលរួម ដោយធានារចនាសម្ព័ន្ធនិងសមាសភាព។ ប្រារព្ធធ្វើនូវពិធីមួយចំនួនយ៉ាងត្រឹមត្រូវ ប្រកបដោយលក្ខណៈវប្បធម៌របស់ជនជាតិខ្មែរនៅពិធីជួបជុំនេះ។ល។

ពិធីជួបជុំនេះ គោលបំណងដើម្បីថ្នាក់ដឹកនាំបក្ស រដ្ឋ សួរសុខទុក្ខ ប្រសិទ្ធពរបុណ្យចូលឆ្នាំថ្មី ក៏ដូចជាជំរុញទឹកចិត្តជនរួមជាតិ និងព្រះសង្ឃព្រះពុទ្ធសាសនាគណៈមហានិកាយខ្មែរ គ្រប់ព្រះអង្គផងដែរ។ នេះគឺជាឱកាសដែលជួបជុំអ្នកតំណាង យុទ្ធជន អ្នកមុខអ្នកការ អ្នកមានប្រជាប្រិយភាព សិស្ស និស្សិត គ្រួសារគោលនយោបាយ កម្មាភិបាលចូលនិវត្តន៍ និងប្រជាជនគ្រប់ជាន់ថ្នាក់ ផ្សារភ្ជាប់នឹងសកម្មភាពផ្សព្វផ្សាយ រួមជាមួយការអនុវត្តគោលការណ៍ គោលនយោបាយជនជាតិ សាសនារបស់បក្ស រដ្ឋ។ ឆ្លងតាមរយៈនោះ ស្តាប់មតិរបស់ជនរួមជាតិនិងព្រះសង្ឃខ្មែរគ្រប់ព្រះអង្គ ជំរុញទឹកចិត្តប្រជាជនគ្រប់ជាន់ថ្នាក់ កម្មាភិបាល យុទ្ធជននិងអ្នកមុខអ្នកការជាដើម។ ក្រៅពីនេះ ពិធីជួបជុំគឺជាឱកាសដើម្បីសម្តែងការយកចិត្តទុកដាក់របស់បក្ស រដ្ឋគ្រប់ថ្នាក់ គ្រប់ផ្នែក ចំពោះការអភិវឌ្ឍរបស់ជនរួមជាតិខ្មែរនិងព្រះពុទ្ធសាសនាគណៈមហានិកាយខ្មែរ ញុាំងឲ្យបរិយាកាសសប្បាយរីករាយ ដើម្បីទទួលអំណរបុណ្យចូលឆ្នាំថ្មីប្រពៃណីជាតិខ្មែរ៕

យោង៖ http://cema.gov.vn ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ