ព្រឹត្តិការណ៍ - នយោបាយ ព្រឹត្តិការណ៍

25/01/2019 - 08:37

គណៈប្រតិភូកម្ពុជា ទស្សនកិច្ចនិងប្រសិទ្ធពរបុណ្យចូលឆ្នាំវៀតណាមនៅសុកត្រាំង

គណៈប្រតិភូនាយកដ្ឋានអភិវឌ្ឍន៍នៃក្រសួងការពារជាតិ កងយោធពលខេមរភូមិន្ទ ដឹកនាំដោយឧត្តមសេនីយ៍ទោ យ៉ុងម៉ៅ អនុប្រធាននាយកដ្ឋានអភិវឌ្ឍន៍ ជាប្រធានគណៈប្រតិភូ បាន មកបំពេញទស្សនកិច្ច និងប្រសិទ្ធពរបុណ្យចូលឆ្នាំវៀតណាម នៅខេត្តសុកត្រាំង។

ទិដ្ឋភាពនៃពិធីជួបជុំ។

ក្នុងឱកាសទទួលបដិសណ្ឋារកិច្ច គណៈប្រតិភូ លោកឡឹមវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខានៃគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត បានផ្ដល់ព័ត៌មានពីលទ្ធផលលេចធ្លោមួយចំនួន ស្តីពីស្ថានភាព អភិវឌ្ឍសេដ្ឋកិច្ច-សង្គម ការពារប្រទេស-សន្តិសុខ និងគោលនយោបាយជនជាតិ សាសនារបស់ខេត្តក្នុងឆ្នាំ២០១៨។ ទន្ទឹមនឹងនោះ ថ្លែងអំណរគុណចំពោះគណៈប្រតិភូនាយកដ្ឋានអភិវឌ្ឍន៍ បានចំណាយពេលវេលាអញ្ជើញមកសួរសុខទុក្ខនិងប្រសិទ្ធពរបុណ្យចូលឆ្នាំប្រពៃណីវៀតណាម។

ក្រៅពីប្រសិទ្ធពរដ៏បវរមហាប្រសើរ នាឱកាសបុណ្យចូលឆ្នាំថ្មីវៀតណាម២០១៩ នៅពេលខាងមុខ ជំនួសមុខគណៈប្រតិភូ ឧត្តមសេនីយ៍ទោ យ៉ុងម៉ៅ អនុប្រធាននាយកដ្ឋានអភិវឌ្ឍន៍ ឲ្យដឹង៖ នាយកដ្ឋានអភិវឌ្ឍន៍ សម្តែងនូវការដឹងគុណជានិច្ចចំពោះការយកចិត្តទុកដាក់របស់ថ្នាក់ដឹកនាំក្រសួងការពារជាតិ បញ្ជាការដ្ឋានយោធភូមិភាគ៩ និងបញ្ជាការដ្ឋានយោធាខេត្ត ក្រុងនានារបស់វៀតណាម ពិសេសគឺខេត្តសុកត្រាំង។ ទន្ទឹមនឹងនោះ សង្ឃឹមថា ដំណើរទស្សនាកិច្ចនេះ គឺជាឱកាសដើម្បីពង្រឹង បង្កើនទំនាក់ទំនងមិត្តភាពសហប្រតិបត្តិការ ចំណងសាមគ្គីល្អប្រសើរជាងទៀតរវាងប្រទេសទាំងពីរវៀតណាម-កម្ពុជា៕

យ្វីអាញ់-វិមាន

ចែករំលែកអត្ថបទ

ពាក្យគន្លឹះ