សុខភាព - អប់រំ អប់រំ

21/01/2019 - 08:36

គុណភាពអប់រំនៅតាមសាលាជនជាតិអន្តេវាសិកបានលើកកម្ពស់

នៅក្រុងអៀនបាយ (ខេត្តអៀនបាយ) ក្រសួងអប់រំនិងបណ្តុះបណ្ដាល ទើបរៀបចំសន្និបាតបូកសរុប១០ឆ្នាំ សាលាជនជាតិអន្តេវាសិកដំណាក់កាល២០០៨-២០១៨។

សាលាវិទ្យាល័យជនជាតិអន្តេវាសិកហ្វិញកឿងខេត្តសុកត្រាំង

តែងលើកកម្ពស់គុណភាពបង្រៀននិងរៀន។

បច្ចុប្បន្ន ទូទាំងប្រទេសមានសាលាជនជាតិអន្តេវាសិកចំនួន៣១៥ នៅតាមខេត្ត ក្រុងចំនួន៤៩ ដោយមានសិស្សអន្តេវាសិក១០៩.២៤៥នាក់។ ក្នុងនោះ មានសាលាចំណេះទូទៅជនជាតិអន្តេវាសិកថ្នាក់ខេត្តចំនួន៥៩ថ្នាក់ ស្រុកចំនួន២៥៦។ មានសាលាចំណេះទូទៅជនជាតិអន្តេវាសិក ក្រោមឱវាទក្រសួងអប់រំ និងបណ្ដុះបណ្តាលចំនួន៣។ សាលាថ្នាក់ខេត្តនីមួយៗមានសិស្សប្រមាណ៦០០នាក់ ថ្នាក់ស្រុកមានសិស្សប្រមាណ២៩០នាក់។ កងជួរគ្រូបង្រៀននៅតាមសាលាចំណេះទូទៅជនជាតិអន្តេវាសិក ត្រូវបានលើកកម្ពស់ទាំងបរិមាណភាពនិងគុណភាពដោយឥតឈប់ឈរ។ មកទល់ពេលនេះ ទូទាំងប្រទេសមានគ្រូបង្រៀន១២.៧៦៥នាក់ បង្រៀននៅតាមសាលាចំណេះទូទៅជនជាតិអន្តេវាសិក។ ក្រៅពីបង្រៀនតាមការកំណត់ កងជួរកម្មាភិបាលគ្រប់គ្រង គ្រូបង្រៀននៅតាមសាលាទាំងនេះ នៅទាំងអនុវត្តនូវខ្លឹមសារអប់រំដោយឡែក ដូចជា៖ គ្រប់គ្រង និងណែនាំសិស្សប្រជុំជីវកិច្ចនៅក្នុងអន្តេវាសិកដ្ឋាន ស្វ័យសិក្សា រៀនភាសាជនជាតិជាដើម។

មូលដ្ឋានសម្ភារៈនៅតាមសាលាចំណេះទូទៅជនជាតិអន្តេវាសិក សុទ្ធសឹងបានវិនិយោគបំពាក់បរិក្ខារបង្រៀននិងរៀនស្ទើរតែទាំងស្រុង។ ឧបករណ៍បង្រៀនរបស់សាលាជនជាតិអន្តេវាសិក បើប្រៀបនឹងសាលាចំណេះទូទៅនៅកម្រិតសិក្សាដូចគ្នានៅភូមិភាគ ជាសារវន្តបានផ្គត់ផ្គង់យ៉ាងគ្រប់គ្រាន់ ដូចជា៖ ឧបករណ៍ធ្វើពិសោធន៍ ឧបត្ថម្ភបង្រៀននិងរៀន (អំពូលភ្លើង កំព្យូទ័រ) សម្ភារបរិក្ខារបង្រៀន។ ប្រព័ន្ធអន្តេវាសិកដ្ឋានភាគច្រើនបានវិនិយោគកសាងរឹងមាំ ធានាសុវត្ថិភាព ងាយស្រួលដល់ការប្រជុំជីវភាព និងរៀនសូត្ររបស់កូនចៅជាជនជាតិភាគតិច។

អញ្ជើញចូលរួមនិងថ្លែងយោបល់ចង្អុលការក្នុងអង្គសន្និបាត រដ្ឋមន្ត្រីក្រសួងអប់រំនិងបណ្តុះបណ្តាល ពុងស្វឹនញ៉ា បានឲ្យតម្លៃខ្ពស់ចំពោះលទ្ធផលដែលសាលាចំណេះទូទៅជនជាតិអន្តេវាសិកក្នុងទូទាំងប្រទេសសម្រេចបាន។ លោករដ្ឋមន្ត្រី អំណះអំណាង៖ ប្រព័ន្ធសាលាចំណេះទូទៅជនជាតិអន្តេវាសិក ពិតជាសួនបណ្តុះចំណេះវិជ្ជាដល់កូនចៅជនរួមជាតិ; ជាកន្លែងបណ្ដុះបណ្តាលធនធានមនុស្សដ៏សំខាន់ សម្រាប់ក្បាលម៉ាស៊ីនគណៈកម្មាធិការបក្ស រដ្ឋអំណាចមូលដ្ឋានគ្រប់លំដាប់ថ្នាក់ រួមចំណែកជំរុញការអភិវឌ្ឍសេដ្ឋកិច្ច-សង្គមតំបន់ឆ្ងាយដាច់ស្រយាល តំបន់លំបាកពិសេសជាដើម។ បក្សនិងរដ្ឋ បាននិងកំពុង ហើយនឹងបន្តយកចិត្តទុកដាក់ចំពោះបុព្វហេតុអប់រំដល់កូនចៅជនរួមជាតិភាគតិច៕

ប្រភពៈ baodantoc.com.vn -វិមាន

ចែករំលែកអត្ថបទ

ពាក្យគន្លឹះ