ព្រឹត្តិការណ៍ - នយោបាយ ព្រឹត្តិការណ៍

14/01/2019 - 09:40

ពិធីជួបជុំអនុស្សាវរីយ៍១៥ឆ្នាំ ក្រុងកឹងធើចំណុះមជ្ឈិម

ព្រឹកថ្ងៃ២ ខែមករាកន្លងហើយ គណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមក្រុងកឹងធើ បានរៀបចំយ៉ាងមហោឡារិកពិធីជួបជុំអនុស្សាវរីយ៍១៥ឆ្នាំ ក្រុងកឹងធើចំណុះមជ្ឈិម (១/១/២០០៤-១/១/២០១៩)។

ទិដ្ឋភាពនៃពិធីជួបជុំ។

ឆ្លងកាត់រយៈពេល១៥ឆ្នាំកសាងនិងអភិវឌ្ឍន៍ បក្ខភាគ រដ្ឋអំណាចនិងប្រជាជនក្រុង បានខិតខំប្រឹងប្រែង អនុវត្តសម្រេចនូវសមិទ្ធផលសំខាន់ៗជាច្រើនលើវិស័យសេដ្ឋកិច្ច វប្បធម៌-សង្គម ការពារប្រទេស-សន្តិសុខ។ល។ ថ្វីបើដូច្នោះក្តី ទន្ទឹមនឹងសមិទ្ធផលដែលសម្រេចបាន ក្រុងកឹងធើនៅមានភាពអន់ថយមួយចំនួន៖ សេដ្ឋកិច្ចមានកំណើនខ្ពស់ ប៉ុន្តែមិនទាន់ចីរភាពប្រាកដនៅឡើយ។ ឧស្សាហកម្មរីកចម្រើនរហ័ស ប៉ុន្តែនៅមានទ្រង់ទ្រាយតូច គុណភាពនិងសមត្ថភាពប្រជែងនៅទាប។ បរិស្ថាន យន្តការគោលនយោបាយមិនទាន់គ្រប់គ្រាន់ដើម្បីទាក់ទាញការវិនិយោគ។ ហេដ្ឋារចនាសម្ព័ន្ធសេដ្ឋកិច្ច-សង្គមនៅខ្វះខាត មិនទាន់ព្រមៗគ្នា។ គុណភាពប្រភពធនធានមនុស្សក្នុងស្ថាប័ន អង្គភាពមួយចំនួនមិនទាន់ឆ្លើយតបនឹងតម្រូវការនៃការអភិវឌ្ឍ។ល។

ដើម្បីកសាងក្រុងកឹងធើជាទីក្រុងស៊ីវិល័យ សក្តិសមនឹងតួនាទីជាមជ្ឈមណ្ឌលជំរុញការអភិវឌ្ឍតំបន់វាលរាបទន្លេគឺវឡុង សមមិត្តវ៉ថាញ់ថុង ប្រធានគណៈកម្មាធិការប្រជាជនក្រុង រំពឹងថា បក្ខភាគ រដ្ឋអំណាច កងទ័ពនិងប្រជាជនក្រុងកឹងធើ បន្តអនុវត្តល្អនូវគោលការណ៍ផ្លាស់ថ្មីទម្រង់កំណើននិងបង្វែររចនាសម្ព័ន្ធខឿនសេដ្ឋកិច្ច។ល។ អនុវត្តប្រកបដោយប្រសិទ្ធភាពគម្រោងបង្វែររចនាសម្ព័ន្ធខឿនកសិកម្ម។ ពង្រីកទម្រង់សេដ្ឋកិច្ចសហការ សហករណ៍បែបថ្មី ទម្រង់ផលិតកសិកម្មស្អាត។ ជំរុញការកសាងជនបទថ្មី។ លើកទឹកចិត្តវិនិយោគ ពង្រីកផលិតកម្ម អាជីវកម្ម សំដៅបង្កើនប្រាក់ចំណូលនិងលើកស្ទួយជីវភាពជូនប្រជាជននៅជនបទ។ ខ្នះខ្នែងកសាងខឿនសេដ្ឋកិច្ចឈ្លាសវៃ, សំដៅជំរុញបដិវត្តន៍ឧស្សាហកម្មលើកទី៤ ដែលរដ្ឋាភិបាលបំផុសចលនា។ល។

ស្របក្នុងឱកាសខួបអនុស្សាវរីយ៍១៥ឆ្នាំ ក្រុងកឹងធើចំណុះមជ្ឈិម នាយករដ្ឋមន្រ្តី ង្វៀនស្វឹនភុក ផ្ញើសារអបអរសាទរ ដោយបញ្ជាក់ច្បាស់ ក្រោយរយៈពេល១៥ឆ្នាំចំណុះមជ្ឈិម ក្រុងកឹងធើមានជំហានរីកចម្រើនយ៉ាងខ្លាំងក្លាលើគ្រប់វិស័យ៕

អាញ់យ៉ុង - ធី

ចែករំលែកអត្ថបទ

ពាក្យគន្លឹះ