ព្រឹត្តិការណ៍ - នយោបាយ ព្រឹត្តិការណ៍

14/01/2019 - 09:40

សម្ពោធ​វិ​ទ្យា​ស្ថាន​ពុទ្ធ​សាស​នា​ខ្មែរ(ដំ​ណាក់​កាល​១)

ក្រុម​ប្រឹក្សា​ភិ​បាល​ស​មា​គម​ពុទ្ធ​សា​ស​នា​វៀត​ណាម និង​គណៈ​កម្ម​ការឧបត្ថម្ភ​ក​សាងវិ​ទ្យា​ស្ថាន​ពុទ្ធ​សាស​នា​គណៈ​ម​ហា​និ​កាយ​ខ្មែរ​ ក្រោម​ឱវាទ​គណៈ​កម្មា​ធិ​ការ​ប្រជា​ជនក្រុង​កឹង​ធើ បាន​រៀប​ចំ​ពិ​ធី​សម្ពោធ​វិ​ទ្យាស្ថាន​ពុទ្ធ​សាស​នា (ដំ​ណាក់​កាល​១​) នៅ​មណ្ឌល​១២​ សង្កាត់​​ចូវ​វ៉ាន់​លីម ខ័ណ្ឌ​អូរ​ម៉ូង ក្រុង​កឹង​ធើ។ ចូល​រួម​ក្នុង​ពិ​ធី​នេះ មាន​សម​មិត្ត​ ផាម​វ៉ាន់ហេវ អ​នុ​លេ​ខា​ប្រ​ចាំ​ការ​នៃ​គណៈ​កម្មា​ធិ​ការ​បក្ស​ក្រុង​ ប្រ​ធាន​ក្រុមប្រឹក្សា​ប្រ​ជា​ជន​ក្រុង​កឹង​ធើ សម​មិត្ត​ត្រឿង​ក្វាង​ហ្វាយ​ណាម អ​នុប្រ​ធាន​គណៈ​កម្មា​ធិ​ការ​ប្រ​ជា​ជនក្រុង​ធឹង​ធើ; គណៈ​មន្ត្រី​សង្ឃ ព្រះ​សង្ឃ អ្នក​មុខ​អ្នក​ការ​សាស​នា និង​តំ​ណាងពុទ្ធ​សា​ស​នា​ប្រ​ទេស​ជា​មិត្ត​លាវ និង​កម្ពុ​ជា មួយ​អន្លើ​​ដោយ​តំ​ណាង​ គណៈ​ ផ្នែក​ អង្គ​ការមហា​ជន​មជ្ឈិម និង​ភូមិ​ភាគ​​បាន​និមន្ត​និង​អញ្ជើញ​ចូល​រួម​។

 ​ សម​មិត្ត​ផាម​វ៉ាន់​ហេវ​ ជូន​កម្រង​ផ្កា​អប​អរ​សាទរ​សម្ពោធ​​វិ​ទ្យា​ស្ថាន​។

វិ​ទ្យា​ស្ថាន​ពុទ្ធ​សាស​នា​គណៈ​ម​ហា​និកាយ​ខ្មែរ​ បាន​​កសាង​លើ​ផ្ទៃ​ដី​ស​រុប​៦៧.៤០៤ម៉ែត្រការ៉េ។ ក្រោយពី​បញ្ចុះ​បឋម​​សិ​​​លា​​ជិ​ត២​ឆ្នាំ និង​ចលនាសប្បុ​រស​ជន​ចូល​រួម​ក​សាង​ ​វិទ្យា​ស្ថាន​ពុទ្ធ​សាសនា​ខ្មែរ​ អា​ស្រ័យ​សម្ព័ន្ធ​ក្រុមហ៊ុន​ Vingroup ធ្វើ​ហិ​រញ្ញ​ប្ប​ទាន បាន​សម្រេច​​រួច​រាល់​។ វិ​ទ្យា​ស្ថានកំ​ពុង​បន្ត​ការក​សាង​សា​លា​ឆាន់​ រោងភត្ត​ និង​ត្រៀម​ក​សាង​ព្រះ​វិ​ហារ​នៅខែ​តុ​លា​ ឆ្នាំ​​២០១៩​ នេះ​។

ទិដ្ឋ​ភាព​នៃ​ពិ​ធី​សម្ពោធ​វិ​ទ្យា​ស្ថាន​។

ថ្លែង​យោ​បល់នៅ​ក្នុង​ពិ​ធី​សម្ពោធ​នេះ សម​មិត្តត្រឿង​ក្វាងហ្វាយ​ណាម សង្កត់​ធ្ងន់​៖ វិ​ទ្យា​ស្ថាន​ពុទ្ធសាសនា​ គណៈ​ម​ហា​និ​កាយ​ខ្មែរ​ គឺជាសា​លាដំ​បូង​បង្អស់ បណ្តុះ​បណ្តាល​ថ្នាក់​ប​រិញ្ញា​ផ្នែក​ពុទ្ធិក​សិក្សា​គណៈ​មហា​និកាយខ្មែរ​។ នេះ​ជា​បុព្វ​បទយ៉ាង​សំ​ខាន់​សម្រាប់​ទិស​ដៅ​លើក​កម្ពស់ប្រ​ជា​បញ្ញា បណ្តុះ​បណ្តាល​ប្រ​ភព​ធន​ធាន​មនុស្ស​ បំ​ពាក់​បំ​ប៉ន​បញ្ញ​វន្ត​ រួម​ចំ​​ណែក​បម្រើ​ប្រ​ទេស​ជាតិ​ និងឆ្លើយ​តប​ទៅ​នឹងគោល​បំ​ណង​របស់ព្រះ​សង្ឃ​ ជន​រួម​ជាតិ​ខ្មែរ​នៅ​តំ​បន់​ណាម​បូ​។ ទន្ទឹម​នឹង​នោះ កាន់​តែ​ធ្វើឲ្យ​ជាក់​ស្តែង​នូវ​គោល​ការណ៍ គោល​ន​យោ​បាយ​របស់​​បក្ស រដ្ឋ ចំ​ពោះជន​រួម​ជាតិ​ខ្មែរ និង​ស​មា​គម​ពុទ្ធ​​សាស​នា​វៀត​ណាម​៕

ហា​ថាញ់​-វិ​មាន

ចែករំលែកអត្ថបទ