សុខភាព - អប់រំ អប់រំ

18/09/2018 - 10:48

វត្តព្រែកអណ្ដើកបរិច្ចាគដីសង់សាលារៀន

វត្តព្រែកអណ្ដើក ឃុំថាញ់ភូ ស្រុកម៉ីស្វៀន ខេត្តសុកត្រាំង បានបរិច្ចាគដីជាង២ហិកតា ដើម្បីសង់សាលារៀននិងមជ្ឈមណ្ឌលអប់រំវិជ្ជាជីវៈ-អប់រំជាប្រចាំស្រុកម៉ីស្វៀន។ ទង្វើប្រកបដោយអត្ថន័យនេះ មិនត្រឹមតែរួមចំណែក ផ្តល់ឱកាសរៀនសូត្រដល់សិស្សានុសិស្សប៉ុណ្ណោះទេ នៅទាំងព្រួតដៃក្នុងបុព្វហេតុបណ្តុះបណ្តាលធនធាន មនុស្សនៅមូលដ្ឋានទៀតផង។

សាលាបឋមសិក្សាថាញ់ភូ៣ ស្រុកម៉ីស្វៀង បានវត្តព្រែកអណ្តើកបរិច្ចាគដីសាងសង់។

ឆ្នាំ២០១២ សាលាមធ្យមសិក្សាមូលដ្ឋានជនជាតិអន្តេវាសិកថាញ់ភូ ស្រុកម៉ីស្វៀនបានកសាងសម្រេចរួចរាល់និងដាក់ឲ្យប្រើប្រាស់។ ឆ្នាំ២០១៦ សាលាបានបង្កើនកម្រិតជាបន្ត ដោយបង្រៀនទាំងពីរកម្រិត គឺកម្រិតមធ្យមសិក្សាមូលដ្ឋាននិងកម្រិតមធ្យមសិក្សាចំណេះទូទៅ ទាក់ទាញសិស្សមកពីស្រុកម៉ីស្វៀនថាញ់ទ្រី និងទីរួមខេត្តង៉ាណាំ ចូលរៀនជាង៣៥០នាក់។ តាមប្រសាសន៍លោកគ្រូលីថាញ់ឌឿក នាយករងសាលាមធ្យមសិក្សាមូលដ្ឋាន-មធ្យមសិក្សាចំណេះទូទៅជនជាតិអន្តេវាសិកថាញ់ភូ ឲ្យដឹង៖ សាលារៀនមានភាពសមរម្យ ដូចសព្វថ្ងៃ ដោយសារការយកចិត្តទុកដាក់របស់បក្សនិងរដ្ឋ ពិសេស គឺវត្តព្រែកអណ្តើកបានបរិច្ចាគដីជិត១២.០០០ម៉ែត្រការ៉េសម្រាប់សាងសង់សាលាវៀន។ ក្រៅពីនោះ វត្តនៅទាំងបរិច្ចាគដីជាង៤.០០០ម៉ែត្រការ៉េ ដើម្បីសង់សាលាបឋមសិក្សាថាញ់ភូ៣ ចម្ងាយពីសាលាអន្តេវាសិកម្ភៃសាមសិបម៉ែត្រ ដោយមានអគារសិក្សាចំនួន១០បន្ទប់ ធានានូវមូលដ្ឋានសម្ភារៈគ្រប់សព្វ ដើម្បីឆ្លើយតបទៅនឹង តម្រូវការរៀនសូត្ររបស់កូនចៅ មាមីងនៅភូមិភាគ ប្រមាណជាង៣០០នាក់។ លោកគ្រូឡេថាញ់ថាយ នាយករងសាលាបឋមសិក្សាថាញ់ភូ៣ ឲ្យដឹង៖ “ការបរិច្ចាគដីរបស់វត្ត មានអត្ថន័យធំធេងចំពោះវិស័យអប់រំនៅភូមិភាគ និងជួយឲ្យកូនចៅមាមីងនៅតំបន់ជនបទ តំបន់ឆ្ងាយដាច់ស្រយាល តំបន់ជនរួមជាតិខ្មែរមានលក្ខណៈសម្បត្តិសម្រាប់រៀនសូត្រលើកកម្ពស់ចំណេះដឹង”។ មិនត្រឹមតែបរិច្ចាគដីសង់សាលារៀនប៉ុណ្ណោះទេ វត្តនៅទាំងបរិច្ចាគដីជាង៥.០០០ម៉ែត្រការ៉េ ដើម្បីសាងសង់មជ្ឈមណ្ឌលអប់រំវិជ្ជាជីវៈ-អប់រំជាប្រចាំ ស្រុកម៉ីស្វៀន។ រៀងរាល់ឆ្នាំ មជ្ឈមណ្ឌលបានបណ្តុះបណ្តាលពលករនៅភូមិភាគរាប់រយនាក់។

ព្រះតេជព្រះគុណឡឹមច័ន្ទសំណាង ព្រះពហុស្សូតវត្តព្រែកអណ្តើក មានថេរដីកា៖ ចំពោះតម្រូវការរៀនសូត្ររបស់សិស្សពីមួយថ្ងៃទៅមួយថ្ងៃកាន់តែខ្ពស់ ព្រះឧបជ្ឈាយ៍យឿងញុើង ព្រះចៅអធិការវត្តព្រែកអណ្តើក បានប្រជុំពិភាក្សាជាមួយព្រះសង្ឃ គណៈកម្មការនិងពុទ្ធបរិស័ទចំណុះជើងវត្ត សម្រេចចិត្តបរិច្ចាគដីសម្រាប់សង់សាលាបឋមសិក្សាសាលាអន្តេវាសិក និងមជ្ឈមណ្ឌលបណ្តុះបណ្តាលវិជ្ជាជីវៈ។ សំដៅជួយឲ្យកូនចៅមាមីងនៅភូមិភាគ មានកន្លែងរៀនសូត្រ ដើម្បីបង្កើនចំណេះដឹង មានការងារធ្វើលំ នឹង។ ក្រៅពីនោះ ជារៀងរាល់ឆ្នាំ វត្តនៅទាំងបើកថ្នាក់ពុទ្ធិកសិក្សាដោយមានសមណសិស្សនិមន្ត មកពីវត្តនានាចូលរៀនចំនួន៣០អង្គ និងបើកថ្នាក់ប្រជាសិក្សានៅរដូវវិស្សមកាលឲ្យកូនចៅមាមីងនៅភូមិភាគចូលរៀនរាប់សិបនាក់។ ជាមួយនឹងទង្វើប្រកបដោយអត្ថន័យនេះ អាចបញ្ជាក់បានថា វត្តព្រែកអណ្តើកបាននិង កំពុងរួមចំណែកព្រួតដៃរួមកម្លាំង ក្នុងបុព្វហេតុបណ្តុះបណ្តាលធនធានមនុស្សនៅភូមិភាគ៕

ត្រឿងផល-មុនី

ចែករំលែកអត្ថបទ

ពាក្យគន្លឹះ