ព្រឹត្តិការណ៍ - នយោបាយ ព្រឹត្តិការណ៍

31/07/2026 - 15:09

លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្ស ប្រធានក្រុមប្រឹក្សាប្រជាជនទីក្រុងកឹងធើ៖

ថ្នាក់ដឹកនាំស្ថាប័ន អង្គភាព ត្រូវតែចង្អុលការដោះស្រាយផ្ទាល់នូវការងារធំៗនិងការងារលំបាកៗ។ បញ្ចប់ស្ថានភាពគ្រាន់តែលើកឡើងពីការលំបាក ប៉ុន្តែមិនស្នើដំណោះស្រាយ

(អ.ឡ) - នៅក្នុងសម័យប្រជុំលើកទី៤ (សម័យប្រជុំប្រធានបទ) នៃក្រុមប្រឹក្សាប្រជាជនទីក្រុងកឹងធើ នីតិកាលទី XI អាណត្តិកាល ២០២៦-២០៣១ លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្ស ប្រធានក្រុមប្រឹក្សាប្រជាជនទីក្រុងកឹងធើ បានថ្លែងចង្អុលការនូវខ្លឹមសារសំខាន់ៗជាច្រើន។

កាសែតនិងវិទ្យុ ទូរទស្សន៍កឹងធើ សូមសង្ខេបស្រង់នូវខ្លឹមសារមួយចំនួននៃសេចក្តីថ្លែងការណ៍របស់លោកដុងវ៉ាំងថាញ។

លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្ស ប្រធានក្រុមប្រឹក្សាប្រជាជនទីក្រុងកឹងធើ ថ្លែងការណ៍បិទសម័យប្រជុំ។

ពង្រីកលំហអភិវឌ្ឍន៍

បណ្តាសេចក្តីសម្រេចចិត្តដែលបានអនុម័តនៅក្នុងសម័យប្រជុំលើកទី៤ នៃក្រុមប្រឹក្សាប្រជាជនទីក្រុង គឺសំដៅបន្តពង្រីកលំហអភិវឌ្ឍន៍ ទាញយកបណ្តាប្រភពធនធានប្រកបដោយប្រសិទ្ធភាព ដើម្បីជំរុញកំណើនសេដ្ឋកិច្ច។ បណ្តាសេចក្តីសម្រេចចិត្តពាក់ព័ន្ធនឹងការវិនិយោគរដ្ឋ គោលការណ៍វិនិយោគលើគម្រោងហេដ្ឋារចនាសម្ព័ន្ធយុទ្ធសាស្ត្រ ការបែងចែកប្រភពធនធាន ការអភិវឌ្ឍមូលនិធិដីធ្លី មិនត្រឹមតែសំដៅឆ្លើយតបតម្រូវការចំពោះមុខប៉ុណ្ណោះទេ ថែមទាំងបង្កើតមូលដ្ឋានគ្រឹះសម្រាប់ការអភិវឌ្ឍរយៈពេលវែងរបស់ទីក្រុងទៀតផង។ ក្នុងលក្ខខណ្ឌដែលប្រភពធនធាននៅមានកម្រិត តម្រូវការដែលបានដាក់ចេញគឺត្រូវវិនិយោគឱ្យចំគោលដៅ ចំពេលវេលា ចំកម្លាំងចលករអភិវឌ្ឍន៍។ ដើមទុនថវិកានីមួយៗត្រូវតែពង្រីកបានប្រសិទ្ធភាពខ្ពស់បំផុត បង្កើតកម្លាំងសាយភាយ ប្រមូលផ្តុំបានប្រភពធនធានសង្គមជាច្រើន បើកចេញនូវលំហអភិវឌ្ឍន៍ថ្មី។ ទន្ទឹមនឹងនោះ ត្រូវរៀបចំលក្ខខណ្ឌជាមូលដ្ឋាន ដើម្បីឱ្យទីក្រុងអភិវឌ្ឍន៍ដោយ វិទ្យាសាស្ត្រ បច្ចេកវិទ្យា និងប្រភពធនធានមនុស្សដែលមានគុណភាពខ្ពស់។ នេះជាជម្រើសដ៏ត្រឹមត្រូវតាមទិសដៅ ដើម្បីម្ចាស់ការបង្កើតនូវកម្លាំងចលករកំណើនថ្មី។

រួមជាមួយសម្រេចចិត្តអំពីការវិនិយោគ និងកំណើន ក្រុមប្រឹក្សាប្រជាជនទីក្រុងក៏បានយកចិត្តទុកដាក់ជាពិសេសចំពោះបុព្វហេតុអប់រំ សុខុមាលភាពសង្គម គោលនយោបាយជនជាតិ និងមុខសញ្ញាគប្បីបានអាទិភាពជួយឧបត្ថម្ភ។ បញ្ជាក់ពីទស្សនៈអភិវឌ្ឍន៍របស់ទីក្រុង គឺរាល់សមិទ្ធផលនៃកំណើននៅចុងបញ្ចប់ត្រូវតែឆ្ពោះទៅរកការបម្រើមនុស្ស ជួយឱ្យកូនចៅជនជាតិភាគតិចមានលក្ខណៈសិក្សាបានល្អជាងមុន អ្នកទន់ខ្សោយទទួលបានការយកចិត្តទុកដាក់កាន់តែច្រើនជាង។

ក្នុងបណ្តាខែចុងឆ្នាំ គឺជាដំណាក់កាលដែលមានអត្ថន័យកំណត់សម្រេចចំពោះការសម្រេចនូវទិសដៅអភិវឌ្ឍន៍នៃឆ្នាំ ២០២៦ ទាំងមូល។ សម្ពាធលើកំណើនសេដ្ឋកិច្ច ការផ្តល់ផ្ទេរថវិកាវិនិយោគរដ្ឋ ការប្រមូលថវិការដ្ឋ ការកែលម្អបរិស្ថានវិនិយោគ ការលើកកម្ពស់សមត្ថភាពប្រកួតប្រជែង និងការធានាសុខុមាលភាពសង្គម នៅតែមានទំហំធំធេងណាស់។ ភារកិច្ចនីមួយៗប្រសិនបើយឺតយ៉ាវមួយជំហាន នឹងប៉ះពាល់ដល់ដំណើរការរួម កម្មវិធី និងគម្រោងនីមួយៗប្រសិនបើយឺតយ៉ាវក្នុងការអនុវត្ត នឹងកាត់បន្ថយប្រសិទ្ធភាពនៃការប្រើប្រាស់ប្រភពធនធាន។ ឱកាសនីមួយៗប្រសិនបើមិនចាប់យកឱ្យទាន់ពេលវេលាទេ គឺពិតជាពិបាកនឹងស្តារឡើងវិញណាស់។

អ្នកតំណាងទាំងឡាយចូលរួមសម័យប្រជុំ។

ពង្រីកយ៉ាងខ្លាំងក្លានូវស្មារតីផ្លាស់ថ្មី ច្នៃប្រតិដ្ឋ ហ៊ានគិត ហ៊ានធ្វើ

បណ្តាសេចក្តីសម្រេចចិត្តដែលបានក្រុមប្រឹក្សាប្រជាជនទីក្រុងអនុម័តនៅក្នុងសម័យប្រជុំ គ្រាន់តែជាជំហានចាប់ផ្តើមប៉ុណ្ណោះ។ តម្លៃពិតប្រាកដនៃសេចក្តីសម្រេចចិត្តនីមួយៗ ត្រូវតែបានបញ្ជាក់ដោយលទ្ធផលនៃការចាត់តាំងអនុវត្តជាក់ស្តែង ដោយការវិវឌ្ឍន៍យ៉ាងច្បាស់ក្នុងការអភិវឌ្ឍសេដ្ឋកិច្ច - សង្គម ដោយការពេញចិត្តរបស់ប្រជាជន និងអាជីវកម្ម ដោយបណ្តាសំណង់ដែលបានសម្រេចត្រូវតាមផែនការ គោលនយោបាយបានផ្តល់ចំមុខសញ្ញា និងបណ្តាទិសដៅដែលត្រូវបានអនុវត្តជាក់ស្ដែង។ ហេតុដូច្នេះ ខ្ញុំសំណូមពរឱ្យគណៈកម្មាធិការប្រជាជនទីក្រុង និងគ្រប់ថ្នាក់ គ្រប់ផ្នែក ផ្តុំកម្លាំងអនុវត្តឱ្យបានល្អនូវតម្រូវការសំខាន់ៗមួយចំនួន៖

ទីមួយ ប្រញាប់ប្រញាល់ចាត់តាំងអនុវត្តបណ្តាសេចក្តីសម្រេចចិត្តភ្លាមៗបន្ទាប់ពីសម័យប្រជុំ ដោយស្មារតីម្ចាស់ការ ម៉ឺងម៉ាត់ និងមានប្រសិទ្ធភាព។ គណៈកម្មាធិការប្រជាជនទីក្រុង ប្រញាប់ប្រញាល់ធ្វើឱ្យសេចក្តីសម្រេចចិត្តនីមួយៗក្លាយជាកម្មវិធី ផែនការ គម្រោង និងមានដំណើរការអនុវត្តជាក់ស្តែង។ ប្រគល់ភារកិច្ចទទួលខុសត្រូវច្បាស់លាស់ដល់ស្ថាប័ន អង្គភាព និងបុគ្គលម្នាក់ៗ។ កំណត់ច្បាស់នូវពេលវេលាសម្រេច ផលិតផលចុងក្រោយ និងមានយន្តការត្រួតពិនិត្យ ឃ្លាំមើលលើការអនុវត្ត។ បណ្តាមន្ទីរ គណៈ ផ្នែក មិនត្រូវទុកឱ្យកើតមានស្ថានភាពដែលសេចក្តីសម្រេចចិត្តបានប្រកាសឱ្យប្រើប្រាស់ហើយ ប៉ុន្តែយឺតយ៉ាវក្នុងការអនុវត្ត ឬអនុវត្តគ្រាន់តែជារូបភាព ខ្វះភាពព្រមៗគ្នា។ ស្ថាប័ន អង្គភាពនីមួយៗត្រូវតែម្ចាស់ការពិនិត្យឡើងវិញនូវការលំបាក និងបញ្ហាស្មុគស្មាញដែលស្ថិតក្រោមសមត្ថកិច្ច ដើម្បីដោះស្រាយឱ្យទាន់ពេលវេលា។ ចំពោះបញ្ហាដែលហួសសមត្ថកិច្ច ត្រូវរាយការណ៍និងស្នើភ្លាមៗ មិនត្រូវទុកឱ្យប៉ះពាល់ដល់ល្បឿនដំណើរការនៃការអនុវត្តទិសដៅអភិវឌ្ឍន៍របស់ទីក្រុងឡើយ។ ជាពិសេស ត្រូវសហការគ្នាយ៉ាងជិតស្និទ្ធដើម្បីស្រាវជ្រាវ បង្កើត និងចាត់តាំងអនុវត្តបណ្តាគម្រោងវិនិយោគចរាចរណ៍ដែលមានលក្ខណៈតភ្ជាប់តំបន់ តភ្ជាប់កឹងធើជាមួយបណ្តាភូមិភាគជិតខាង ក៏ដូចជាផ្លូវក្រវ៉ាត់ក្រុង ដើម្បីឆ្លើយតបតម្រូវការអភិវឌ្ឍន៍មធ្យោបាយចរាចរណ៍ ដោះស្រាយបញ្ហាកកស្ទះចរាចរណ៍នៅតាមផ្លូវបំបែក និងផ្លូវក្នុងក្រុង ឆ្លើយតបតម្រូវការដឹកជញ្ជូនទំនិញ និងអ្នកដំណើរ ធានាស្របតាមផែនការរៀបគម្រោងប្លង់ ផែនការអភិវឌ្ឍន៍បណ្តាញដឹកជញ្ជូនជាតិ មានលក្ខណៈព្រមៗគ្នា ទំនើប អាចតភ្ជាប់គ្នានិងមានសមត្ថភាពដឹកនាំការអភិវឌ្ឍលំហទីក្រុង - សេដ្ឋកិច្ច។

ទីពីរ ផ្តុំកម្លាំងខ្ពស់បំផុតសម្រាប់ទិសដៅកំណើនសេដ្ឋកិច្ច ប៉ុន្តែត្រូវធានាការអភិវឌ្ឍលឿនដើរទន្ទឹមគ្នានឹងការអភិវឌ្ឍប្រកបដោយចីរភាព លើកកម្ពស់គុណភាពជីវភាពរបស់ប្រជាជន។ នេះជាតម្រូវការជាប្រចាំ ក្នុងដំណើរការចាត់តាំងអនុវត្តបណ្តាសេចក្តីសម្រេចចិត្តនៃក្រុមប្រឹក្សាប្រជាជនទីក្រុង។ កំណើនសេដ្ឋកិច្ចត្រូវតែបង្កើតចេញពីការទាញយកប្រកបដោយប្រសិទ្ធភាពនូវកម្លាំងចលករថ្មីៗ ពីការជំរុញល្បឿននៃការផ្តល់ផ្ទេរថវិកាវិនិយោគរដ្ឋ ការពង្រីកប្រសិទ្ធភាពសំណង់សំខាន់ៗ ការកែលម្អយ៉ាងខ្លាំងក្លានូវបរិស្ថានវិនិយោគ និងធ្វើអាជីវកម្ម ការជំរុញការអភិវឌ្ឍសេដ្ឋកិច្ចឯកជន ការជំរុញការផ្លាស់ប្តូរឌីជីថល ផ្លាស់ថ្មី ច្នៃប្រតិដ្ឋ ការអនុវត្តវិទ្យាសាស្ត្រ និងបច្ចេកវិទ្យាចូលទៅក្នុងរាល់វិស័យនៃជីវភាពសេដ្ឋកិច្ច - សង្គម។ ទន្ទឹមនឹងនោះ រាល់គោលនយោបាយអភិវឌ្ឍន៍ត្រូវតែឆ្ពោះទៅរកគោលដៅចុងក្រោយគឺការលើកកម្ពស់ជីវភាពសម្ភារៈនិងស្មារតីរបស់ប្រជាជន ធានាសុខុមាលភាពសង្គម អភិវឌ្ឍន៍ការអប់រំ សុខាភិបាល វប្បធម៌ និងគិតគូរបានល្អប្រសើរដល់អ្នកមានសគុណ គ្រួសារក្រីក្រ ជនជាតិភាគតិច និងមុខសញ្ញាទន់ខ្សោយទាំងឡាយ។

ទីបី បន្តផ្លាស់ថ្មីគំនិតក្នុងការគ្រប់គ្រង លើកកម្ពស់ប្រសិទ្ធភាព និងប្រសិទ្ធផលនៃការប្រតិបត្តិការរបស់ប្រព័ន្ធគ្រប់គ្រងរដ្ឋបាល ដោយយកប្រជាជន និងអាជីវកម្មជាស្នូលនៃការបម្រើ។ ជំរុញការកែទម្រង់រដ្ឋបាល ពង្រីកប្រសិទ្ធភាពនៃវិមជ្ឈការ និងវិសហមជ្ឈការអំណាច ផ្សារភ្ជាប់ជាមួយនឹងការត្រួតពិនិត្យ ឃ្លាំមើលនិងគ្រប់គ្រងអំណាច។ លើកកម្ពស់គុណភាពកងជួរកម្មាភិបាល អ្នករដ្ឋការ និងបុគ្គលិក តាមទិសដៅជំនាញ ទទួលខុសត្រូវ រហ័សរហួន និងជិតស្និទ្ធជាមួយប្រជាជន។ កម្មាភិបាល អ្នករដ្ឋការម្នាក់ៗត្រូវតែយល់ច្បាស់ថា ការអភិវឌ្ឍរបស់ទីក្រុងមិនត្រឹមតែអាស្រ័យលើយន្តការ គោលនយោបាយប៉ុណ្ណោះទេ ថែមទាំងអាស្រ័យលើស្មារតីទទួលខុសត្រូវ អាកប្បកិរិយាបម្រើ និងប្រសិទ្ធភាពនៃការអនុវត្តភារកិច្ចរបស់បុគ្គលម្នាក់ៗផងដែរ។ ថ្នាក់ដឹកនាំនៃស្ថាប័ន និងអង្គភាពនីមួយៗត្រូវតែចង្អុលការដោះស្រាយផ្ទាល់នូវការងារធំៗ ការងារលំបាក និងបញ្ហាកកស្ទះអូសបន្លាយ។ បញ្ចប់ស្ថានភាពដែលគ្រាន់តែលើកឡើងពីការលំបាក ប៉ុន្តែមិនស្នើដំណោះស្រាយ ដោយធានាថាការងារស្ថិតក្រោមសមត្ថកិច្ចថ្នាក់ណា ឬផ្នែកណា គឺថ្នាក់នោះ ផ្នែកនោះត្រូវតែម្ចាស់ការដោះស្រាយ ហើយក្នុងករណីហួសសមត្ថកិច្ច ត្រូវរាយការណ៍ឱ្យបានទាន់ពេលវេលាអមដោយជម្រើសដំណោះស្រាយជាក់ស្តែង។

ទីបួន ពង្រីកកម្លាំងមហាសាមគ្គី បំផុសគោលបំណងប្រាថ្នាអភិវឌ្ឍន៍ និងស្មារតីទទួលខុសត្រូវនៃប្រព័ន្ធនយោបាយទាំងមូល។ ការអនុវត្តប្រកបដោយជោគជ័យនូវបណ្តាទិសដៅអភិវឌ្ឍន៍របស់ទីក្រុង មិនមែនជាការទទួលខុសត្រូវដាច់ដោយឡែករបស់ថ្នាក់ណាមួយ ផ្នែកណាមួយ ឬស្ថាប័នណាមួយឡើយ គឺជាការទទួលខុសត្រូវរួមនៃប្រព័ន្ធនយោបាយទាំងមូល សហគមន៍អាជីវកម្ម និងប្រជាជន។ សំណូមពរគ្រប់ថ្នាក់ គ្រប់ផ្នែកបន្តពង្រឹងកិច្ចសហការ ពង្រីកប្រជាធិបតេយ្យ ស្តាប់មតិរបស់ប្រជាជន និងរួមដំណើរជាមួយអាជីវកម្ម។ ត្រូវដោះស្រាយឱ្យបានទាន់ពេលវេលានូវបណ្តាការលំបាក និងបញ្ហាស្មុគស្មាញក្នុងដំណើរការចាត់តាំងអនុវត្តភារកិច្ចអភិវឌ្ឍន៍។ ពង្រីកយ៉ាងខ្លាំងក្លានូវស្មារតីផ្លាស់ថ្មី ច្នៃប្រតិដ្ឋ ហ៊ានគិត ហ៊ានធ្វើ ហ៊ានទទួលខុសត្រូវដើម្បីផលប្រយោជន៍រួម។ ធ្វើឱ្យបំណងប្រាថ្នាអភិវឌ្ឍន៍ឱ្យទៅជាសកម្មភាពជាក់ស្តែងនៅក្នុងស្ថាប័ននីមួយៗ ភូមិភាគនីមួយៗនិងវិស័យការងារនីមួយៗ។

ទីប្រាំ លើកកម្ពស់ការទទួលខុសត្រូវក្នុងការឃ្លាំមើល និងរួមដំណើរ ដើម្បីឱ្យបណ្តាសេចក្តីសម្រេចចិត្តនៃក្រុមប្រឹក្សាប្រជាជនទីក្រុងបានចូលទៅក្នុងជីវភាពរស់នៅជាក់ស្តែង។ ដាច់ខាតត្រូវជម្នះស្ថានភាពគោលការណ៍ត្រឹមត្រូវ ប៉ុន្តែគណៈកម្មាធិការប្រជាជនទីក្រុងនិងបណ្តាស្ថាប័នជំនាញធ្វើឱ្យជាក់ស្តែងយឺតយ៉ាវ ចាត់តាំងអនុវត្តមិនម៉ឺងម៉ាត់និងមានប្រសិទ្ធភាពមិនខ្ពស់...

ធ្វីខេ - សុផន

ចែករំលែកអត្ថបទ

ពាក្យគន្លឹះ