ព្រឹត្តិការណ៍ - នយោបាយ ព្រឹត្តិការណ៍

19/01/2026 - 10:28

លើកកម្ពស់ស្មារតីទទួលខុសត្រូវ ពង្រីកកម្លាំងបញ្ញា ផ្តល់មតិលើខ្លឹមសារឯកសារដាក់ជូនមហាសន្និបាតលើកទី១៤ របស់បក្ស

ប្រចាំការនៃគណៈកម្មាធិការបក្សទីក្រុងកឹងធើ បានដឹកនាំកិច្ចប្រជុំគណៈប្រតិភូតំណាងទីក្រុងកឹងធើ អញ្ជើញចូលរួមមហាសន្និបាតតំណាងទូទាំងប្រទេសលើកទី ១៤ របស់បក្ស (មហាសន្និបាតលើកទី ១៤ របស់បក្ស)។

គណៈប្រតិភូតំណាងទីក្រុងកឹងធើដែលអញ្ជើញចូលរួមមហាសន្និបាតលើកទី ១៤ របស់បក្ស បានអញ្ជើញទៅអុជធូបនិងដាក់កម្រងផ្កានៅទីសក្ការបូជាក្សត្រហ៊ុង។

នៅក្នុងកិច្ចប្រជុំ លោកដុងចុាំងថាញ អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ បានផ្សព្វផ្សាយ បញ្ជ្រាបសេចក្តីកំណត់មួយចំនួនអំពីសកម្មភាពរបស់អ្នកតំណាងចូលរួមមហាសន្និបាតលើកទី ១៤ របស់បក្ស; ថ្នាក់ដឹកនាំការិយាល័យនៃគណៈកម្មាធិការបក្សទីក្រុង ក៏បានអនុម័តិសេចក្តីពង្រាងផែនការរបស់គណៈប្រតិភូតំណាងទីក្រុងកឹងធើ ចូលរួមមហាសនិ្នបាតលើកទី ១៤ របស់បក្ស។

គណៈប្រតិភូតំណាងទីក្រុងកឹងធើ ដែលអញ្ជើញចូលរួមមហាសន្និបាតលើកទី ១៤ របស់បក្ស បានអញ្ជើញទៅអុជធូបនិងដាក់កម្រងផ្កានៅស្តូបលោកប្រធានហូជីមិញ (កំពង់ផែនិញកេវ) ។

ថ្លែងចង្អុលការក្នុងកិច្ចប្រជុំ លោកឡេក្វាងទុង លេខាគណៈកម្មាធិការបក្សទីក្រុងកឹងធើ បញ្ជាក់៖ មហាសន្និបាតលើកទី ១៤ របស់បក្ស គឺជាព្រឹត្តិការណ៍នយោបាយដ៏សំខាន់ និងមានអត្ថន័យជាយុទ្ធសាស្ត្រសម្រាប់ការអភិវឌ្ឍប្រទេសជាតិក្នុងដំណាក់កាលខាងមុខ។ ការអញ្ជើញចូលរួមមហាសន្និបាតមិនត្រឹមតែជាកិត្តិយសនិងមោទនភាពប៉ុណ្ណោះទេ ថែមទាំងជាការទទួលខុសត្រូវនយោបាយដ៏ធំធេងរបស់អ្នកតំណាងគ្រប់រូបចំពោះបក្ខភាគ រដ្ឋអំណាចនិងប្រជាជនទីក្រុង។ ហេតុដូច្នេះ អ្នកតំណាងគ្រប់រូបត្រូវលើកកម្ពស់ស្មារតីទទួលខុសត្រូវ ពង្រីកកម្លាំងបញ្ញាចូលរួមផ្តល់មតិលើខ្លឹមសារឯកសារដាក់ជូនមហាសន្និបាត ព្រមទាំងអនុវត្តយ៉ាងម៉ឺងម៉ាត់នូវលក្ខន្តិកៈ បទបញ្ជាផ្ទៃក្នុង កម្មវិធីធ្វើការរបស់មហាសន្និបាត...។

មុននោះ គណៈប្រតិភូតំណាងទីក្រុងកឹងធើ អញ្ជើញទៅចូលរួមមហាសន្និបាតលើកទី ១៤ របស់បក្ស បានអញ្ជើញទៅអុជធូបនិងដាក់កម្រងផ្កានៅទីសក្ការបូជាក្សត្រហ៊ុង ទីបញ្ចុះសពយុទ្ធជនពលី និងស្តូបលោកប្រធានហូជីមិញ (នៅកំពង់ផែនិញកេវ)៕

ក្វឹកថាយ-មុនី

ចែករំលែកអត្ថបទ

ពាក្យគន្លឹះ