ព្រឹត្តិការណ៍ - នយោបាយ ព្រឹត្តិការណ៍

22/12/2025 - 08:47

ឧបនាយករដ្ឋមន្ត្រីនៃរដ្ឋាភិបាល ត្រឹងហុងហា៖

ត្រៀមបម្រុងហ្មត់ចត់ពិធីបើកចរាចរណ៍បច្ចេកទេស ផ្លូវល្បឿនលឿនកឹងធើ - កាម៉ាវ

ឧបនាយករដ្ឋមន្ត្រី ត្រឹងហុងហា សំណូមពរអង្គភាពនានាចាត់តាំងឱ្យបានហ្មត់ចត់

ពិធីបើកចរាចរណ៍បច្ចេកទេស។

គណៈប្រតិភូ របស់មជ្ឈិម ដឹកនាំដោយឧបនាយករដ្ឋមន្ត្រីនៃរដ្ឋាភិបាល ត្រឹងហុងហា បានចុះ ទៅត្រួតពិនិត្យ គម្រោងផ្លូវល្បឿនលឿនកឹងធើ - កាម៉ាវ មុនថ្ងៃបើកចរាចរណ៍បច្ចេកទេស (ថ្ងៃទី ១៩ ធ្នូ)។ លោក ង្វៀងវុាំងហ្វា អនុប្រធានគណៈកម្មាធិការប្រជាជនទីក្រុងកឹងធើ រួមជាមួយថ្នាក់ដឹកនាំមន្ទីរ ផ្នែកបានចូលរួមជាមួយ គណៈប្រតិភូ។

គម្រោងនេះមានប្រវែងផ្លូវសំខាន់ ១១០,៨៥ គីឡូម៉ែត្រ (ឆ្លងកាត់ទីក្រុងកឹងធើ ៦៤,២៥ គីឡូម៉ែត្រ ខេត្តអាងយ៉ាង១៧ គីឡូម៉ែត្រ និងខេត្តកាម៉ាវ ២៩,៦គីឡូម៉ែត្រ) និងផ្លូវតភ្ជាប់ ២៥,៨៥ គីឡូម៉ែត្រ អាស្រ័យគណៈគ្រប់គ្រងគម្រោងមីធ្វឹង ធ្វើម្ចាស់វិនិយោគ កម្រិតវិនិយោគសរុប ២៧.៥២៣ ពាន់លានដុង រួមមាន៤កញ្ចប់ដេញថ្លៃឈូសឆាយពង្រាបចាប់ផ្តើមបើកការដ្ឋាននៅថ្ងៃទី ១ ខែមករា ឆ្នាំ ២០២៣។ នេះជាកំណាត់ផ្លូវមួយក្នុងចំណោមកំណាត់ផ្លូវល្បឿនលឿនចុង ក្រោយបង្អស់នៃផ្លូវល្បឿនលឿនបាក់-ណាមភាគខាងកើត ក្រោយពីសាងសង់សម្រេចរួចរាល់នឹងតភ្ជាប់ផ្លូវពីឡាងើុងរហូតដល់កាម៉ាវ។

លោក ង្វៀងវុាំងហ្វា អនុប្រធានគណៈកម្មាធិការប្រជាជនទីក្រុងកឹងធើ (ជួរមុខខាងឆ្វេង) រាយការណ៍ជូនឧបនាយករដ្ឋមន្ត្រីត្រឹងហុងហា អំពីការងារត្រៀមបម្រុងសម្រាប់ពិធីបើកចរាចរណ៍បច្ចេកទេស។

គណៈគ្រប់គ្រងគម្រោងមីធ្វឹង (ម្ចាស់វិនិយោគគម្រោង) ឱ្យដឹង ក្រោយពីបើកការដ្ឋានជាងបីឆ្នាំ ផ្លូវល្បឿនលឿនកឹងធើ-កាម៉ាវ បានជួបប្រទះការលំបាកជាច្រើន ពិសេសគឺប្រភពសម្ភារៈសំណង់ខ្វះខាត... ប៉ុន្តែជាមួយនឹងកិច្ចចង្អុលការយ៉ាងដិតដល់របស់នាយករដ្ឋមន្ត្រី ផាមមិញជិញ ឧបនាយករដ្ឋមន្ត្រី ត្រឹងហុងហា និងកិច្ចសហការរបស់ក្រសួង ផ្នែក និងរដ្ឋអំណាចភូមិភាគ ការលំបាក ជំពាក់ជំពិនសន្សឹមៗបានដោះស្រាយ។ ទន្ទឹមនឹងនោះ ដោយសារការខិតខំប្រឹងប្រែងរបស់ម្ចាស់វិនិយោគ និងអ្នកម៉ៅការ គម្រោងត្រូវបានពន្លឿនសាងសង់សម្រេចរួចរាល់ និងបើកចរាចរណ៍បច្ចេកទេសត្រូវតាមកាលកំណត់។ មកទល់ពេលនេះ ផ្លូវសំខាន់ជាសារវន្តបានសម្រេចផ្នែកការងារសំខាន់ៗ ដូចជាក្រាលកៅស៊ូ ដំឡើងផ្លាកសញ្ញាសម្គាល់ គន្លងបែងចែកផ្លូវ គំនូសផ្លូវ និងប្រព័ន្ធសុវត្ថិភាពចរាចរណ៍ជាដើម។

អង្គភាពដំណើរការសាងសង់កៀរគរកម្មករ វិស្វករ និងសម្ភារៈសាងសង់ដើម្បីធានាល្បឿនសំណង់ផ្លូវល្បឿនលឿន។

ឧបនាយករដ្ឋមន្ត្រី ត្រឹងហុងហា បានកត់សម្គាល់ និងវាយតម្លៃខ្ពស់ចំពោះការខិតខំប្រឹងប្រែងរបស់ក្រសួង ផ្នែក រដ្ឋអំណាចភូមិភាគ ម្ចាស់វិនិយោគគម្រោង ពិសេសគឺវិស្វករ កម្មករ ពលករ ដែលបានធ្វើការងារទាំងយប់ទាំងថ្ងៃនៅការដ្ឋាន ដើម្បីនាំគម្រោងសម្រេចតាមកាលកំណត់។ ឧបនាយករដ្ឋមន្ត្រី សំណូមពរម្ចាស់វិនិយោគគម្រោងត្រូវយកចិត្តទុកដាក់ដល់ការងារធានាគុណភាព សុវត្ថិភាព និងពន្លឿនសម្រេចផ្នែកការងារដែលនៅសេសសល់។ ក្រៅពីនោះ ធានាការងារភ័ស្តុភាឱ្យបានល្អ សហការល្អ ស្អិតល្មួតជាមួយនឹងទីតាំងតភ្ជាប់បណ្តាញ ដើម្បីអនុវត្តការផ្សាយផ្ទាល់តាមកញ្ចក់ទូរទស្សន៍។ ទន្ទឹមនឹងនោះ ធានាសន្តិសុខសណ្តាប់ធ្នាប់ សុវត្ថិភាពចរាចរណ៍សម្រាប់ពិធីបើកចរាចរព៍បច្ចេកទេសនៅថ្ងៃទី១៩ ខែធ្នូ៕

ម៉ុងត្វង - វិមាន

ចែករំលែកអត្ថបទ

ពាក្យគន្លឹះ