ព្រឹត្តិការណ៍ - នយោបាយ ព្រឹត្តិការណ៍

16/12/2025 - 20:02

សហការចាត់តាំងពិធីសម្ពោធផ្លូវល្បឿនលឿនកឹងធើ-កាម៉ាវ នាថ្ងៃទី១៩ ខែធ្នូ

លោកង្វៀងវ៉ាំងហ្វា អនុប្រធានគណៈកម្មាធិការប្រជាជនទីក្រុងកឹងធើ រួមជាមួយថ្នាក់ដឹកនាំនៃមន្ទីរ គណៈ ផ្នែកមួយចំនួនដែលជាប់ពាក់ព័ន្ធរបស់ទីក្រុង បានធ្វើការជាមួយគណៈគ្រប់គ្រងគម្រោងមីធ្វឹង អំពីផែនការចាត់តាំងពិធីសម្ពោធគម្រោងសមាសភាពផ្លូវល្បឿនលឿនកំណាត់កឹងធើ-ហូវយ៉ាងនិងកំណាត់ហូវយ៉ាង-កាម៉ាវ (ផ្លូវល្បឿនលឿនកឹងធើ-កាម៉ាវ) ចំណុះគម្រោងផ្លូវល្បឿនលឿនខាងជើង-ខាងត្បូងភាគខាងកើត ដំណាក់កាល ២០២១-២០២៥។

លោកង្វៀងវ៉ាំងហ្វា អនុប្រធានគណៈកម្មាធិការប្រជាជនទីក្រុងកឹងធើ ថ្លែងការណ៍ក្នុងកិច្ចប្រជុំ។

យោងតាមគណៈគ្រប់គ្រងគម្រោងមីធ្វឹង នៅថ្ងៃទី១៩ ខែធ្នូ ទូទាំងប្រទេសនឹងបើកការដ្ឋានសាងសង់និងសម្ពោធគម្រោង និងសំណង់ធំៗដែលមានអត្ថន័យ ដើម្បីអបអរសាទរមហាសន្និបាតតំណាងទូទាំងប្រទេសលើកទី១៤ របស់បក្ស ក្នុងនោះ គម្រោងផ្លូវល្បឿនលឿនកំណាត់កឹងធើ-ហូវយ៉ាងនិងកំណាត់ហូវយ៉ាង-កាម៉ាវ គឺជាទីតាំងតភ្ជាប់មួយដ៏សំខាន់ក្នុងចំណោមទីតាំងទាំង១១ទូទាំងប្រទេស (រួមមានគម្រោងព្រលានយន្តហោះអន្តរជាតិឡុងថាញ់) ទីតាំងតភ្ជាប់មជ្ឈមណ្ឌលគឺគម្រោងព្រលានយន្តហោះអន្តរជាតិឡុងថាញ់។ ទីតាំងចាត់តាំងពិធីសម្ពោធគម្រោងសមាសភាពកំណាត់កឹងធើ-ហូវយ៉ាងនិងកំណាត់ហូវយ៉ាង-កាម៉ាវគឺនៅត្រង់ចំណុចប្រភព្វ IC5។

គណៈគ្រប់គ្រងគម្រោងមីធ្វឹងស្នើទីក្រុងកឹងធើសហការជាមួយគណៈគ្រប់គ្រង ដើម្បីទទួលស្វាគមន៍ថ្នាក់ដឹកនាំមជ្ឈិមនិងភ្ញៀវអញ្ជើញចូលរួមកម្មវិធី ពង្រាយកងកម្លាំងធានាសន្តិសុខសណ្តាប់ធ្នាប់នៅមណ្ឌលចាត់តាំងកម្មវិធី ដើម្បីធានាចរាចរណ៍បានរលូនក្នុងតំបន់ សម្រួលចរាចរណ៍នៅតាមច្រកចេញចូលនៃមណ្ឌលចាត់តាំងកម្មវិធី…។

ថ្លែងការណ៍ក្នុងកិច្ចប្រជុំ លោកង្វៀងវ៉ាំងហ្វា ឱ្យដឹង៖ “រួមជាមួយព្រឹត្តិការណ៍នេះ ទីក្រុងកឹងធើ ក៏បានចាត់តាំងពិធីបើកការដ្ឋានសាងសង់និងសម្ពោធគម្រោងសំខាន់ៗចំនួន៧។ គណៈគ្រប់គ្រងគម្រោងមីធ្វឹង ជាអង្គភាពដឹកនាំចាត់តាំងពិធីសម្ពោធគម្រោងផ្លូវល្បឿនលឿនកំណាត់កឹងធើ-ហូវយ៉ាងនិងកំណាត់ហូវយ៉ាង-កាម៉ាវ ទីក្រុងកឹងធើទទួលខុសត្រូវក្នុងកិច្ចសហការចាត់តាំងធានាសុវត្ថិភាព ប្រសិទ្ធភាពនិងភាពជាក់លាក់។ អនុប្រធានគណៈកម្មាធិការប្រជាជនទីក្រុង ប្រគល់ភារកិច្ចដល់មន្ទីរសំណង់ ជាស្ថាប័នទំនាក់ទំនងសហការនិងផ្តល់ព័ត៌មាន ព្រមទាំងរៀបចំសុន្ទរកថារបស់ថ្នាក់ដឹកនាំទីក្រុងដែលទាក់ទងនឹងគម្រោងនេះ មន្ទីរវប្បធម៌ កីឡានិងទេសចរណ៍ជំនួយការផ្នែកខាងកម្មវិធីសិល្បៈ នគរបាលទីក្រុងសហការជាមួយគណៈមេបញ្ជាការយោធាទីក្រុង ធានាសន្តិសុខសណ្តាប់ធ្នាប់…៕

ប្រភព៖baocantho.com.vn-មុនី

ចែករំលែកអត្ថបទ

ពាក្យគន្លឹះ