សុខភាព - អប់រំ អប់រំ

30/06/2025 - 14:38

សម័យប្រឡងសញ្ញាបត្រមធ្យមសិក្សាចំណេះទូទៅដំបូង តាមកម្មវិធីអប់រំចំណេះទូទៅថ្មី

ឆ្នាំ ២០២៥ គឺជាឆ្នាំដំបូងអនុវត្តការប្រឡងសញ្ញាបត្រមធ្យមសិក្សាចំណេះទូទៅ តាមកម្មវិធីអប់រំចំណេះទូទៅឆ្នាំ ២០១៨ ដោយកំណត់ទិសដៅអភិវឌ្ឍន៍លក្ខណសម្បត្តិនិងសមត្ថភាពសិស្ស។ ស្របជាមួយនឹងបរិការណ៍ ខេត្ត ក្រុងនានារួមបញ្ចូលគ្នា ម្ល៉ោះហើយមានចំណុចថ្មីជាច្រើន។ ទោះបីដូច្នោះក្ដី អាស្រ័យដោយការអនុវត្តល្អដំណាក់ការត្រៀមបម្រុងនិងកិច្ចសហការ ទើបការប្រឡងនៅខេត្ត ក្រុង ដែលមានសិស្សជនជាតិភាគតិចកុះករនៅវាលរាបទន្លេគឺវឡុង បានប្រព្រឹត្តឡើងដោយសុវត្ថិភាព ហ្មត់ចត់និងស្របតាមលក្ខន្តិកៈ។

បេក្ខជនធ្វើបែបបទចូលប្រឡងសញ្ញាបត្រមធ្យមសិក្សាចំណេះទូទៅ ឆ្នាំ២០២៥ នៅមណ្ឌលប្រឡងសាលាវិទ្យាល័យអាងខាញ់។ រូប៖ បិចង៉ុក

សម័យប្រឡងសញ្ញាបត្រមធ្យមសិក្សាចំណេះទូទៅ ឆ្នាំ ២០២៥ ប្រព្រឹត្តឡើងក្នុងបរិការណ៍ពិសេស ចំពេលដែលប្រព័ន្ធអង្គការចាត់តាំងរដ្ឋអំណាចភូមិភាគពីរថ្នាក់ផ្ដើមដំណើរការចាប់ពីថ្ងៃទី ១ ខែកក្កដា។ ការរៀបចំសម័យប្រឡងត្រូវបានអនុវត្តដោយរដ្ឋអំណាចភូមិភាគបីថ្នាក់ ប៉ុន្តែការឱ្យពិន្ទុនិងប្រកាសលទ្ធផល ធ្វើឡើងដោយរដ្ឋអំណាចភូមិភាគពីរថ្នាក់។ ព្រមជាមួយនោះ ការប្រឡងត្រូវបានរៀបចំឡើងសម្រាប់សិស្សដែលសិក្សាតាមកម្មវិធីអប់រំចំណេះទូទៅឆ្នាំ ២០១៨ និងសិស្សសិក្សាតាមកម្មវិធីអប់រំចំណេះទូទៅឆ្នាំ ២០០៦ (ជាមួយនឹងវិញ្ញាសាប្រឡង២ខុសគ្នា)។

ឆ្នាំ ២០២៥ សរុបបេក្ខសិស្សចុះឈ្មោះប្រឡងសញ្ញាបត្រមធ្យមសិក្សាចំណេះទូទៅ គឺ ១.១៦៥.២៨៩ នាក់ ក្នុងនោះ បេក្ខសិស្សប្រឡងតាមកម្មវិធីអប់រំចំណេះទូទៅឆ្នាំ ២០១៨ គឺ ១.១៣៨.៥៧៩ នាក់ ស្រូបអត្រា ៩៧,៧១% នៃចំនួនបេក្ខសិស្សចុះឈ្មោះ; ក្រៅពីនោះ គឺបេក្ខសិស្សប្រឡងតាមកម្មវិធីអប់រំចំណេះទូទៅឆ្នាំ ២០០៦។

ចំណុចថ្មីដ៏សំខាន់មួយក្នុងការទទួលស្គាល់បញ្ចប់កម្រិតវិទ្យាល័យឆ្នាំនេះ គឺពិន្ទុប្រឡងស្រូបអត្រាត្រឹមតែ ៥០%; នៅ៥០% ទៀត គឺស្រង់ចេញពីលទ្ធផលសិក្សាកម្រិតវិទ្យាល័យ ៣ ឆ្នាំ (ពិន្ទុសិក្ខាគារិក) ខណៈដែលឆ្នាំកន្លងហើយយកអត្រា៣០%។

យោងតាមក្រសួងអប់រំនិងបណ្ដុះបណ្ដាល ការផ្លាស់ប្ដូរនេះ គឺសមស្របនឹងកម្មវិធីអប់រំចំណេះទូទៅឆ្នាំ ២០១៨ ដោយសង្កត់ធ្ងន់លើការអភិវឌ្ឍ សមត្ថភាពនិងលក្ខណសម្បត្តិរបស់សិស្សពេញមួយដំណាក់ការសិក្សា។ ពិន្ទុមធ្យមភាគនៃសិក្ខាគារិកឆ្នាំសិក្សានីមួយៗ ត្រូវបានគិតគូរតាមសមាមាត្រ។ ពិន្ទុសិក្ខាគារិកឆ្នាំសិក្សាថ្នាក់ទី១០, ១១ ក៏ត្រូវបានប្រើប្រាស់ផងដែរ (ជាមួយនឹងសមាមាត្រទាបជាងសមាមាត្រថ្នាក់ទី ១២) ជំនួសឱ្យការយកត្រឹមតែថ្នាក់ទី ១២ ដូចពីមុននេះសំដៅជំរុញដល់ការបង្រៀននិងរៀន ខណៈពេលសិស្សឈានចូលរៀនកម្រិតវិទ្យាល័យ។

ចាប់ពីឆ្នាំ ២០២៥ បេក្ខសិស្សបរទេសត្រូវបានអនុញ្ញាតឱ្យប្រើវិញ្ញាបនបត្រភាសាវៀតណាម សម្រាប់ការលើកលែងប្រឡងវិញ្ញាសាអក្សរសាស្រ្តក្នុងការទទួលស្គាល់បញ្ចប់ការសិក្សាកម្រិតវិទ្យាល័យ៕

យោង៖ Vietnamnet.vn -ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ