ព្រឹត្តិការណ៍ - នយោបាយ ព្រឹត្តិការណ៍

03/03/2025 - 14:50

បាកលីវ ប្រគល់ផ្ទះ៧៧៩ខ្នងជូនគ្រួសារក្រីក្រ ប្រកៀកបន្ទាត់ក្រីក្រជួបលំបាកខាងលំនៅឋាន

យោងតាមប្រធានគណៈកម្មាធិការប្រជាជនខេត្តបាកលីវ ផាមវ៉ាន់ថេវ ឆ្លងតាមរយៈកម្មវិធី “លុបបំបាត់ផ្ទះបណ្តោះអាសន្ន ផ្ទះទ្រុឌទ្រោម” ដែលនាយករដ្ឋមន្ត្រីនៃរដ្ឋាភិបាលបំផុសចលនា ខេត្តបានកំណត់ច្បាស់ គឺជាភារកិច្ចដ៏សំខាន់ដែលទូទាំងប្រព័ន្ធនយោបាយគប្បីផ្តុំកម្លាំងអនុវត្ត សំដៅបង្កើតស្នាដៃអបអរសាទរមហាសន្និបាតបក្សគ្រប់លំដាប់ថ្នាក់។ ក្នុងនោះ ទិសដៅសំខាន់របស់ខេត្ត គឺសាងសង់ ជួសជុលសម្រេចរួចរាល់ផ្ទះ ២.៨៨៣ ខ្នង ជូនអ្នកមានសគុណចំពោះបដិវត្តន៍; ផ្ទះ ១.៧៦០ ខ្នងជូនគ្រួសារក្រីក្រ ប្រកៀកបន្ទាត់ក្រីក្រ និង ១៧៦ ខ្នងជូនជនរួមជាតិភាគតិច។ តាមការគ្រោងទុក ប្រភពកម្លាំងដែលត្រូវកៀរគរគឺ ២៦៣ ពាន់លានដុង។ ចំពោះផែនការឆ្នាំ២០២៤ ខេត្តបានផ្សព្វផ្សាយសាងសង់និងប្រគល់ផ្ទះ ៧៧៩ ខ្នងជូនគ្រួសារក្រីក្រ ប្រកៀកបន្ទាត់ក្រីក្រ សប្បាយរីករាយទទួលអំណរបុណ្យចូលឆ្នាំថ្មី។ តាមការគ្រោងទុកដល់ខែតុលា ឆ្នាំ២០២៥ ខេត្តបាកលីវ នឹងខិតខំសម្រេចទិសដៅ។

អតីតប្រធានរដ្ឋ ត្រឿងតឹងសាង ប្រគល់ផ្លាកនិមិត្តរូបថវិកាសាងសង់លំនៅឋានដល់គ្រួសារ
ក្រីក្រ ប្រកៀកបន្ទាត់ក្រីក្រ ជួបលំបាកខាងលំនៅឋានលើភូមិសាស្ត្រខេត្តបាកលីវ។

កម្មវិធី “លុបបំបាត់ផ្ទះបណ្តោះអាសន្ន ផ្ទះទ្រុឌទ្រោម” ឧបត្ថម្ភគ្រួសារក្រីក្រ ប្រកៀកបន្ទាត់ក្រីក្រកំពុងលំបាកខាងលំនៅឋាន សាងសង់ឱ្យរឹងមាំ ដើម្បីប្រជាជន “មានផ្ទះសម្បែងសមរម្យ ស្ងប់អារម្មណ៍រកស៊ី” ឈានឡើងក្នុងជីវភាព៕

លីធាន- លីសៀ

ចែករំលែកអត្ថបទ

ពាក្យគន្លឹះ