ព្រឹត្តិការណ៍ - នយោបាយ ព្រឹត្តិការណ៍

06/01/2025 - 16:00

អនុវត្តមានប្រសិទ្ធភាពការងារជនជាតិ គោលនយោបាយជនជាតិ

នៅហាណូយ គណៈកម្មាធិការជនជាតិ ទើបរៀបចំកិច្ចប្រជុំតាមប្រព័ន្ធអនឡាញទូទាំងប្រទេស បូកសរុបការងារជនជាតិឆ្នាំ ២០២៤ និងផ្សព្វផ្សាយភារកិច្ចឆ្នាំ២០២៥។

ឧបនាយករដ្ឋមន្ត្រីប្រចាំការនៃរដ្ឋាភិបាល ង្វៀងហ្វាប៊ិញ និងសមមិត្តក្នុងថ្នាក់ដឹកនាំ
នៃគណៈកម្មាធិការជនជាតិ ដឹកនាំកិច្ចប្រជុំ។

របាយការណ៍លទ្ធផលការងារជនជាតិ ឆ្នាំ២០២៤ បានលើកជូនអង្គប្រជុំបញ្ជាក់ឱ្យឃើញថា ក្នុងឆ្នាំកន្លង ការងារជនជាតិ តែងបានបក្ស រដ្ឋ រដ្ឋាភិបាល នាយករដ្ឋមន្ត្រីនៃរដ្ឋាភិបាល និងទូទាំងប្រព័ន្ធនយោបាយ យកចិត្តទុកដាក់ចង្អុលការ សហការផ្សព្វផ្សាយអនុវត្ត; ប្រជាជននិងសហគមន៍សង្គមទូទាំងប្រទេស យកចិត្តទុកដាក់តាមដាន បង្កកម្លាំងចលករដ៏សំខាន់ក្នុងការផ្សព្វផ្សាយអនុវត្តគោលនយោបាយជនជាតិ និងការខិតខំប្រឹងប្រែងឈានឡើងរបស់ជនរួមជាតិភាគតិច។ អាស្រ័យហេតុនោះ ការអនុវត្តការងារជនជាតិ គោលនយោបាយជនជាតិ ឆ្នាំ២០២៤ សម្រេចបាននូវលទ្ធផលសំខាន់ៗជាច្រើន ពិសេសគឺក្នុងការផ្សព្វផ្សាយអនុវត្តកម្មវិធីគោលនយោបាយជនជាតិ ចំណុចសំខាន់នោះគឺកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមនៅតំបន់ជនរួមជាតិភាគតិចនិងតំបន់ភ្នំ បានរួមចំណែកអភិវឌ្ឍន៍សេដ្ឋកិច្ច-សង្គម ធានាការការពារប្រទេស សន្តិសុខនៅតំបន់ជនរួមជាតិភាគតិច និងតំបន់ភ្នំ។

ល្បឿនកំណើនសេដ្ឋកិច្ចរបស់ខេត្តនានានៅតំបន់ជនជាតិភាគតិច និងតំបន់ភ្នំខ្ពស់បង្គួរ ក្នុងនោះ ខេត្តនានានៅតំបន់តីបាក់កើនមធ្យមភាគ ៨,០% ក្នុងមួយឆ្នាំ តំបន់តីង្វៀនកើនមធ្យមភាគ ៧,៥% ក្នុងមួយឆ្នាំ និងតំបន់តីណាមបូកើនមធ្យមភាគ ៧,០% ក្នុងមួយឆ្នាំ។ មកទល់ពេលនេះ ឃុំនៅតំបន់ជនជាតិភាគតិចនិងតំបន់ភ្នំ៩៨,៤% មានផ្លូវរថយន្តអាចបើកបរចូលដល់មជ្ឈមណ្ឌលឃុំ; គ្រួសារជនជាតិភាគតិចមានបណ្តាញអគ្គិសនីជាតិប្រើប្រាស់ ៩៦,៧%; ឃុំទាំង ១០០% មានសាលាមត្តេយ្យ សាលាបឋមសិក្សា និងអនុវិទ្យាល័យ; ឃុំចំនួន ៩៩,៣% មានដំណាក់សុខាភិបាល; ឃុំជាង ៩០% បានគ្របដណ្តប់រលកវិទ្យុនិងទូរទស្សន៍; ឃុំទាំង១០០% មានហេដ្ឋារចនាសម្ព័ន្ធទូរគមនាគមន៍និងសេវាទូរស័ព្ទចល័ត ឆ្លើយតបនឹងតម្រូវការព័ត៌មានទំនាក់ទំនងរបស់ប្រជាជន; ខេត្តជាច្រើនមានអត្រាកាត់បន្ថយភាពក្រីក្រប្រចាំឆ្នាំមធ្យមភាគជាង៣% លើសផែនការបានដាក់ចេញក្នុងកម្មវិធីសកម្មភាព អនុវត្តន៍យុទ្ធសាស្ត្រការងារជនជាតិដល់ឆ្នាំ ២០៣០ កំណត់ទិសដៅដល់ឆ្នាំ ២០៤៥...។

អញ្ជើញចូលរួម និងថ្លែងចង្អុលការក្នុងអង្គប្រជុំ ឧបនាយករដ្ឋមន្ត្រី ង្វៀងហ្វាប៊ិញ គូសបញ្ជាក់៖ “ភារកិច្ចការងារជនជាតិឆ្នាំ ២០២៥ មានសារៈសំខាន់ខ្លាំងណាស់ ជាមូលដ្ឋានគ្រឹះក្នុងការកំណត់ទិសដៅសម្រាប់ដំណាក់កាល ២០២៦-២០៣០ ។ ពិសេស ក្នុងបរិការណ៍ទូទាំងប្រព័ន្ធនយោបាយកំពុងអនុវត្តសេចក្តីសម្រេចចិត្តលេខ ១៨-NQ/TW របស់គណៈប្រតិបត្តិមជ្ឈិមបក្ស អំពីបញ្ហាមួយចំនួនស្តីពីបន្តការផ្លាស់ថ្មី រៀបចំអង្គការចាត់តាំងនៃប្រព័ន្ធនយោបាយសម្រិតសម្រាំង សកម្មភាពមានសុពលភាព ប្រសិទ្ធភាព ហើយក៏ជាការលំបាកមួយចំនួនផងដែរ”។ ឧបនាយករដ្ឋមន្ត្រី ជឿជាក់ថា ជាមួយនឹងការកំណត់ច្បាស់នូវការទទួលខុសត្រូវគ្រប់សព្វចំពោះជនរួមជាតិភាគតិច ជាមួយនឹងការប្តេជ្ញាចិត្តខ្ពស់ ការស្រុះស្រួលគ្នា សាមគ្គីភាព ទោះជាភារកិច្ចលំបាកយ៉ាងណាក៏ដោយ គង់នឹងបានសម្រេចជាមិនខាន៕

យោង៖ ubdt.gov.vn - វិមាន

ចែករំលែកអត្ថបទ

ពាក្យគន្លឹះ