ព្រឹត្តិការណ៍ - នយោបាយ ព្រឹត្តិការណ៍

23/12/2024 - 15:01

សម្ពោធសារមន្ទីរដូងខ្ទិះត្រាវិញ

សារមន្ទីរដូងខ្ទិះត្រាវិញ ដោយមានទុនវិនិយោគសរុប ២០ ពាន់លានដុង ទើបតែសម្ពោធជាផ្លូវការ។

ថ្នាក់ដឹកនាំខេត្តត្រាវិញ មកទស្សនាសារមន្ទីរដូងខ្ទិះត្រាវិញ។

សារមន្ទីរដូងខ្ទិះត្រាវិញ មានទីតាំងនៅភូមិ២ ឃុំថាញ់ភូ ស្រុកកូវកែ ខេត្តត្រាវិញ បានចាប់ផ្ដើមកសាងនៅខែមីនា ឆ្នាំ២០២៣ ដោយមានទុនវិនិយោគសរុបជាង ២០ ពាន់លានដុង។ សំណង់មានកម្ពស់ ៣ ជាន់ លើផ្ទៃដីទំហំជិត ១.៥០០ ម៉ែត្រការ៉េ។ នេះជាសារមន្ទីរឯកជនដំបូងគេនៅវៀតណាម មានប្រធានបទអំពីដូងខ្ទិះត្រាវិញ ជាប្រភេទរុក្ខជាតិមានតម្លៃសេដ្ឋកិច្ចនិងវប្បធម៌ពិសេស។

សារមន្ទីរដូងខ្ទិះត្រាវិញ បានបង្កើតឡើងសំដៅអភិរក្សប្រភពធនធានក្នុងស្រុកដ៏កម្រ សំណាយភាយតម្លៃវប្បធម៌ និងកសាងបរិយាកាសសិក្សាស្រាវជ្រាវ ឆ្លងកាត់បទពិសោធន៍ប្លែកៗ ទន្ទឹមនឹងនោះ ក៏ជាទីតាំងទេសចរណ៍ដ៏គួរឱ្យចាប់អារម្មណ៍ ទាក់ទាញភ្ញៀវទេសចរទាំងក្នុងនិងក្រៅប្រទេស។

សារមន្ទីរដូងខ្ទិះត្រាវិញ គឺជាបរិយាកាសវប្បធម៌ដ៏រស់រវើកមួយ ជាការរួមបញ្ចូលគ្នារវាងបុរាណនិងសម័យទំនើប បង្ហាញពីភាពចម្រុះនៃវប្បធម៌ពិសេសរបស់សហគមន៍ជនជាតិកិញ - ខ្មែរ - ចិន។ នេះក៏ជាទីតាំងមួយសម្ដែងនូវការដឹងគុណយ៉ាងពិសេស ចំពោះព្រះតេជព្រះគុណ ថាច់ សោ ដែលបាននាំយកផ្លែដូងខ្ទិះដ៏មានតម្លៃមកប្រទេសវៀតណាម កាលពីជិត ១០០ ឆ្នាំមុន (ឆ្នាំ១៩២៤) រួមចំណែកធ្វើឱ្យកាន់តែសម្បូរបែបនូវតម្លៃវប្បធម៌របស់មាតុភូមិ៕

យោង៖ www.congluan.vn - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ