ព្រឹត្តិការណ៍ - នយោបាយ ព្រឹត្តិការណ៍

16/12/2024 - 09:14

បើកការដ្ឋានសាងសង់ស្ពានដាយង៉ាយ ១ ឆ្លងទន្លេហូវ

ក្រសួងគមនាគមន៍និងដឹកជញ្ជូន ទើបសហការជាមួយគណៈកម្មាធិការប្រជាជនខេត្តត្រាវិញ រៀបចំពិធីបើកការដ្ឋានសាងសង់ស្ពានដាយង៉ាយ១ និងផ្លូវតភ្ជាប់ក្បាលស្ពានទាំងសងខាង ចំណុះគម្រោងវិនិយោគសាងសង់ស្ពានដាយង៉ាយឆ្លងទន្លេហូវ តភ្ជាប់ខេត្តទាំងពីរត្រាវិញនិងសុកត្រាំង។

ពិធីបើកការដ្ឋានសាងសង់ស្ពានដាយង៉ាយ១ ឆ្លងទន្លេហូវ។

គម្រោងវិនិយោគសាងសង់ស្ពានដាយង៉ាយ អាស្រ័យដោយគណៈកម្មការគ្រប់គ្រងគម្រោង៨៥- ក្រសួងគមនាគមន៍និងដឹកជញ្ជូន ជាម្ចាស់វិនិយោគ មានប្រវែងសរុបជាង ១៥,១៤ គ.ម ចំណុចខាងដើមប្រសព្វជាមួយនឹងផ្លូវជាតិ ៥៤ ស្ថិតនៅឃុំហ៊ុងហ្វា ស្រុកទីវកឹង ខេត្តត្រាវិញ; ចំណុចខាងចុងប្រសព្វជាមួយនឹងផ្លូវជាតិណាមសុងហូវ ស្ថិតនៅឃុំឡុងឌឹក ស្រុកឡុងភូ ខេត្តសុកត្រាំង។

គម្រោងរួមមាន៖ សំណង់ធំៗចំនួន ២ គឺស្ពានដាយង៉ាយ១ និងដាយង៉ាយ២ ត្រូវបានវិនិយោគសាងសង់ជា ៤ គន្លងផ្លូវ។ នេះជាគម្រោងក្រុម A សំណង់គមនាគមន៍ផ្លូវគោកកម្រិតពិសេស មានដើមទុនវិនិយោគ ៧.៩៦២ ពាន់លានដុងពីថវិការដ្ឋ។ ទូទាំងគម្រោងមានផ្លូវប្រសព្វមុខចំនួន៥ ស្ពាន ៧ខ្សែ ចែកជា ៤ កញ្ចប់វិនិយោគ។ ក្នុងនោះ កញ្ចប់វិនិយោគ ១៥-XL ដំណើរការសាងសង់ស្ពានដាយង៉ាយ១ ផ្លូវតភ្ជាប់ក្បាលស្ពានទាំងសងខាងសរុបថវិកាសាងសង់ គឺ ៣.៩០៧ ពាន់លានដុង។ ស្ពានដាយង៉ាយ១ មានប្រវែងជាង៣គ.ម ផ្នែកស្ពានសំខាន់ប្រវែង២,៥៩ គ.ម ទទឹង២១,៥ម៉ែត្រ ឆ្លងកាត់ខ្សែទឹកឌិញអាងនៃទន្លេហូវ។ ជាប្រភេទស្ពានខ្សែកាបមានបង្គោល២ ជាលក្ខណៈអក្សរ A កម្ពស់១១០ម៉ែត្រ គិតចាប់ពីមុខស្ពាន។ ផ្លូវទាំងសងខាងនៃស្ពានដាយង៉ាយ ត្រូវបានវិនិយោគដំណាក់កាលទី១ ទទឹង១២ម៉ែត្រ មាន ២គន្លងផ្លូវល្បឿន៨០គ.ម/ម៉ោង ដំណាក់កាលទី ២ នឹងសម្រេចជាស្ថាពរមានដល់ទៅ ៤ គន្លងផ្លូវ។

កញ្ចប់វិនិយោគ ១៥-XL ត្រូវបានអនុវត្តដោយសម្ព័ន្ធអាជីវកម្ម អ្នកម៉ៅការក្រុមហ៊ុនភាគហ៊ុនសម្ព័ន្ធក្រុមហ៊ុនឌាវកា; ក្រុមហ៊ុនភាគហ៊ុនសាងសង់និងគ្រឿងចក្រទ្រុងណាម; ក្រុមហ៊ុនភាគហ៊ុនវិនិយោគនិងសាងសង់ថាយអៀង៘ រយៈពេលសាងសង់ ១.២៥០ថ្ងៃ តាមការគ្រោងទុកនឹងសាងសង់សម្រេចជាស្ថាពរនៅខែមិថុនា ឆ្នាំ២០២៨។

នៅពេលសំណង់គម្រោងវិនិយោគសាងសង់ស្ពានដាយង៉ាយបានសម្រេចជាស្ថាពរ ដងផ្លូវជាតិ ៦០ នឹងត្រូវបានតភ្ជាប់កាត់បន្ថយចម្ងាយផ្លូវធ្វើដំណើរប្រមាណ ៨០ គ.ម បើប្រៀបធៀបនឹងការធ្វើដំណើរតាមផ្លូវជាតិ ១ A នៅពេលចេញដំណើរពីខេត្តកាម៉ាវ សុកត្រាំង បាកលីវ ឆ្ពោះទៅក្រុងហូជីមិញ៕

យោង៖ កាសែតប្រជាជន- លីសៀ

ចែករំលែកអត្ថបទ

ពាក្យគន្លឹះ