ព្រឹត្តិការណ៍ - នយោបាយ ព្រឹត្តិការណ៍

03/12/2024 - 09:50

ប្រធានរដ្ឋសភា ត្រឹងថាញម៉ឹង បញ្ចប់ដំណើរបំពេញទស្សនកិច្ចជាផ្លូវការនៅកម្ពុជា

ប្រធានរដ្ឋសភា ត្រឹងថាញម៉ឹង និងគណៈប្រតិភូជាន់ខ្ពស់បក្ស រដ្ឋវៀតណាម បានបញ្ចប់ដំណើរបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា ចូលរួមសន្និបាតពេញអង្គលើកទី ១២ នៃកិច្ចប្រជុំអន្តរជាតិ បណ្តាគណៈបក្សនយោបាយនៅអាស៊ី (ICAPP) និងសម័យប្រជុំពេញអង្គលើកទី ១១ នៃសភាអន្តរជាតិ ដើម្បីភាពអត់ឱននិងសន្តិភាព (IPTP)។

ប្រធានរដ្ឋសភា ត្រឹងថាញម៉ឹង បានបញ្ចប់ដំណើរបំពេញទស្សនកិច្ចជាផ្លូវការនៅកម្ពុជា។

ក្នុងដំណើរបំពេញទស្សនកិច្ច ប្រធានរដ្ឋសភា ត្រឹងថាញម៉ឹង បានជួបពិភាក្សាការងារជាមួយប្រធានរដ្ឋសភា សម្តេច ឃួនសុដារី; ចូលរួមពិធីសម្ពោធអគាររដ្ឋបាលរដ្ឋសភាកម្ពុជា - សំណង់ជានិមិត្តរូបនៃចំណងសាមគ្គី មិត្តភាពជាប្រវេណីរវាងប្រទេសទាំងពីរ; ជួបពិភាក្សាការងារជាមួយប្រធានគណបក្សប្រជាជនកម្ពុជា (CPP) ប្រធានព្រឹទ្ធសភា សម្តេចតេជោ ហ៊ុនសែន និងនាយករដ្ឋមន្រ្តី សម្តេច ហ៊ុនម៉ាណែត។ ប្រធានរដ្ឋសភា សម្តេច ឃួនសុដារី បានបំពាក់គ្រឿងឥស្សរិយយសថ្នាក់សហមេត្រីនៃព្រះរាជាណាចក្រកម្ពុជា ជូនប្រធានរដ្ឋសភា ត្រឹងថាញម៉ឹង។ នៅរាជធានីភ្នំពេញ ប្រធានរដ្ឋសភា បានអញ្ជើញចូលគាល់ព្រះមហាក្សត្រ នរោត្តម សីហមុនី; ជួបសំណេះសំណាលឧត្តមក្រុមប្រឹក្សាជាន់ខ្ពស់នៃព្រះរាជាណាចក្រកម្ពុជា ប្រធានសមាគមមិត្តភាពកម្ពុជា-វៀតណាម សម្តេច ម៉ែនសំអន និងជួបសម្ដែងការគួរសមអតីតប្រធានរដ្ឋសភា សម្តេច ហេងសំរិន។

ស្របក្នុងឱកាសនេះ ប្រធានរដ្ឋសភានិងគណៈប្រតិភូជាន់ខ្ពស់បក្ស រដ្ឋវៀតណាម បានសួរសុខទុក្ខកម្មាភិបាល បុគ្គលិកស្ថានទូត និងសំណេះសំណាលជាមួយតំណាងសហគមន៍ជនជាតិវៀតណាមនៅកម្ពុជា។

ដោយមានសកម្មភាពប្រមាណជិត៣០ ដំណើរបំពេញទស្សនកិច្ចបានជោគជ័យល្អប្រសើរ សម្រេចទាំងស្រុងរាល់ទិសដៅនិងសំណូមពរដាក់ចេញ។ ដំណើរបំពេញទស្សនកិច្ចបន្តជំរុញទំនាក់ទំនងវៀតណាម-កម្ពុជា ឆ្ពោះទៅកាន់ដំណាក់កាលអភិវឌ្ឍថ្មីផ្អែកលើមូលដ្ឋានសមភាព នាំមកនូវផលប្រយោជន៍រួម កិច្ចសហប្រតិបត្តិការប្រកបដោយប្រសិទ្ធភាព គោរពផលប្រយោជន៍គ្នាទៅវិញទៅមក; រួមចំណែកពង្រឹងការជឿទុកចិត្តនៃនយោបាយនិងជំរុញឱ្យកាន់តែស៊ីជម្រៅថែមទៀតរវាងប្រទេសទាំងពីរ; ជំរុញទំនាក់ទំនងកិច្ចសហប្រតិបត្តិការសេដ្ឋកិច្ច ពាណិជ្ជកម្ម វិនិយោគ; ជំរុញទំនាក់ទំនងការពារប្រទេស សន្តិសុខកាន់តែជិតស្និទ្ធ រឹងមាំ។ ដំណើរបំពេញទស្សនកិច្ចក៏បានបង្កើនទំនាក់ទំនងកិច្ចសហប្រតិបត្តិការស្អិតល្មួតរវាងរដ្ឋសភាវៀតណាម ជាមួយរដ្ឋសភានិងព្រឹទ្ធសភានៃព្រះរាជាណាចក្រកម្ពុជា៕

យោង៖ quochoi.vn - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ