ព្រឹត្តិការណ៍ - នយោបាយ ព្រឹត្តិការណ៍

09/09/2024 - 15:46

កាសែតកឹងធើ "ជំរុញដំណើរប្អូនទៅសាលា" ដល់សិស្សជនជាតិខ្មែរ ៦៨ នាក់ នៅស្រុកទ្រីតូង

(កឹងធើ) - សាខាបក្ស ៥ ចំណុះបក្ខភាគកាសែតកឹងធើ បានសហការជាមួយសមាគមកសិករឃុំអូរឡឹម ស្រុកទ្រីតូង ខេត្តអាងយ៉ាង ទើបរៀបចំកម្មវិធី “ជំរុញដំណើរប្អូនទៅសាលា” ជូនអាហារូបករណ៍ និងសិក្ខូបករណ៍ដល់ប្អូនៗសិស្សានុសិស្ស ឆ្នាំសិក្សា ២០២៤-២០២៥។

តំណាងសាខាបក្ស ៥ បក្ខភាគកាសែតកឹងធើ ជូនសៀវភៅសិក្សាដល់ប្អូនៗ។

តំណាងក្រុមចម្ការផ្កាកេសរកូល AE ជូនអំណោយដល់ប្អូនៗ។

តំណាងសាខាបក្ស ៥ បក្ខភាគកាសែតកឹងធើ ជូនសៀវភៅសិក្សាដល់ប្អូនៗ។

អ្នកតំណាងថតរូបជាមួយសិស្សក្នុងឱកាសទទួលអំណោយ។

ឆ្លងតាមរយៈនោះ សិស្សជនជាតិខ្មែរមានស្ថានភាពលំបាក ៦៨ នាក់ នៅសាលាបឋមសិក្សា “A” អូរឡឹម និងសាលាបឋមសិក្សា “B” អូរឡឹម បានទទួលអំណោយជាសៀវភៅ ប៊ិច និងអាហារូបករណ៍ (៤០០.០០០ដុង/ចំណែក)។ ម្យ៉ាងទៀត ក្នុងនោះ មានសិស្សដែលមានស្ថានភាពលំបាកខ្លាំងចំនួន ១០ នាក់ នៅថ្នាក់ទី៣ ទី៤ និងទី៥ បានទទួលសៀវភៅសិក្សាគោលមួយឈុតថែមទៀត។ អំណោយទាំងនេះ អាស្រ័យសាខាបក្ស ៥ បក្ខភាគកាសែតកឹងធើ ចលនាក្រុមចម្ការផ្កាកេសរកូល AE និងសប្បុរសជនមួយចំនួនដែលស្រឡាញ់សកម្មភាពមនុស្សធម៌ស្ម័គ្រចិត្ត។

កម្មវិធី “ជំរុញដំណើរប្អូនទៅសាលា” អាស្រ័យសាខាបក្ស ៥ ចលនាអនុវត្ត គឺស្ថិតក្នុងចង្កោមសកម្មភាពនៃទម្រង់ “ប្រជាចលនាប៉ិនប្រសប់” អាស្រ័យគណៈកម្មាធិការបក្សកាសែតកឹងធើ បានអនុវត្តច្រើនឆ្នាំកន្លងមក។ ចាប់ពីដើមឆ្នាំមកទល់ពេលនេះ អនុវត្តទម្រង់ “ប្រជាចលនាប៉ិនប្រសប់” ដូចពោលខាងលើ ក្រៅពីឧបត្ថម្ភថវិកាសិក្សាដល់និស្សិតម្នាក់ដោយទឹកប្រាក់ ៦០០.០០០ ដុង/ខែ សាខាបក្ស ៥ បានចលនាសប្បុរសជនរៀបចំកម្មវិធីមនុស្សធម៌ស្ម័គ្រចិត្ត ដូចជា ពិនិត្យព្យាបាលជំងឺជូនអ្នកក្រដោយឥតគិតថ្លៃ; ផ្តល់ជូនកង់និងសិក្ខូបករណ៍ដល់សិស្សដែលមានស្ថានភាពលំបាក ។ល។ គិតជាទឹកប្រាក់សរុបជាង ១៦៥ លានដុង៕

ថាញ់ឡុង-វិមាន

ចែករំលែកអត្ថបទ

ពាក្យគន្លឹះ