ព្រឹត្តិការណ៍ - នយោបាយ ព្រឹត្តិការណ៍

09/09/2024 - 15:02

សុកត្រាំង ជូនអាហារូបករណ៍ ៥៧០ ចំណែកដល់សិស្ស និស្សិតជម្នះការលំបាកសង្វាតរៀនសូត្រ

សមាគមជំរុញការសិក្សាខេត្តសុកត្រាំង ទើបរៀបចំពិធីជូនអាហារូបករណ៍លឿងឌិញកួរ “ការសិក្សាគ្មានទីបញ្ចប់” ដល់ប្អូនៗសិស្សានុសិស្ស ៥៧០ នាក់ ជម្នះការលំបាកសង្វាតរៀនសូត្រ ប្អូនៗសិស្សានុសិស្សដែលសម្រេចបានស្នាដៃខ្ពស់ក្នុងឆ្នាំសិក្សា ២០២៣ - ២០២៤ និងមនុស្សចាស់ដែលមានស្មារតីសិក្សាគំរូក្នុង “ត្រកូលសិក្សារៀនសូត្រ” នៅលើភូមិសាស្រ្តខេត្តសុកត្រាំង។

ជូនអាហារូបករណ៍ដល់សិស្ស និស្សិតសង្វាតរៀនសូត្រ។

អាហារូបករណ៍ អាស្រ័យដោយការឧបត្ថម្ភរបស់ក្រុមហ៊ុនទទួលខុសត្រូវមានកម្រិតសមាជិកមួយឆ្នោតជាតិសុកត្រាំង និងក្រុមហ៊ុនទទួលខុសត្រូវមានកម្រិតសមាជិកមួយឆ្នោតជាតិអាងយ៉ាង។ សិស្សកម្រិតវិទ្យាល័យ (ក្នុងមួយចំណែកមានតម្លៃ ១,៥ លានដុង) និស្សិតអនុមហាវិទ្យាល័យ (ក្នុងមួយចំណែក ២ លានដុង) សិស្សពូកែគ្រប់កម្រិត (ក្នុងមួយចំណែក ៣ លានដុង) សិស្សពូកែថ្នាក់ខេត្ត (រង្វាន់លេខ ១ គឺ ៤ លានដុង/ចំណែក រង្វាន់លេខ ២ គឺ ៣ លានដុង/ចំណែក) និងសិស្សដែលប្រឡងសញ្ញាបត្រមធ្យមសិក្សាទុតិយភូមិ ជាប់ពិន្ទុខ្ពស់បំផុតគឺ ២០ លានដុង/ចំណែក; សមូហភាពសិស្សសម្រេចជ័យលាភីច្នៃប្រតិដ្ឋវិទ្យាសាស្ត្រនិងបច្ចេកទេសថ្នាក់ជាតិឆ្នាំសិក្សា ២០២៣ - ២០២៤ (រង្វាន់លេខ ៣ គឺ ២០ លានដុង; រង្វាន់លេខ ៤ គឺ ១០ លានដុង) និងអាហារូបករណ៍ ១៤ ចំណែក “ការសិក្សាគ្មានទីបញ្ចប់” សម្រាប់មនុស្សចាស់ដែលមានស្មារតីក្នុងការសិក្សារៀនសូត្រគំរូ ក្នុងមួយចំណែក គឺ ២ លានដុង៕

លីធាន-ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ