កីឡា - ទេសចរណ៍ កីឡា

11/06/2024 - 09:26

សីដក់ខេត្តសុកត្រាំងអភិវឌ្ឍន៍យ៉ាងខ្លាំង

នៅពានរង្វាន់ជើងឯកក្លិបសីដក់ថ្នាក់ជាតិ ឆ្នាំ២០២៤ ខេត្តសុកត្រាំង ដណ្តើមបានរង្វាន់លេខ ១ទូទាំងក្រុម។ ប្រការនេះបានបញ្ជាក់ថា វិញ្ញាសាកីឡាសីដក់របស់ខេត្តមានការអភិវឌ្ឍយ៉ាងខ្លាំង មានអត្តពលិកពោរពេញដោយសមត្ថភាពជាច្រើន។

 វិញ្ញាសាកីឡាសីដក់ខេត្តសុកត្រាំងអភិវឌ្ឍយ៉ាងខ្លាំងក្លា។

ពានរង្វាន់ជើងឯកក្លិបសីដក់ថ្នាក់ជាតិ ឆ្នាំ២០២៤ បានរៀបចំឡើងនៅខេត្តសុកត្រាំង ដោយមាន១៧អង្គភាពចូលរួមមកពីខេត្ត ក្រុងនិងផ្នែកចំនួន១២ក្នុងទូទាំងប្រទេស។ អត្តពលិកប្រកួតប្រជែងលើខ្លឹមសារចំនួន៧ រួមមាន៖ ប្រកួតក្រុម៤នាក់ (បុរស; នារី) ប្រកួតក្រុម៣នាក់ (បុរស; នារី) ប្រកួតគូ (បុរស; នារី) និងប្រកួតក្រុម៤នាក់ បុរស-នារីរួមគ្នា។ ពានរង្វាន់នេះ បានចាត់ទុកជាសង្វៀនថ្នាក់ជាតិខ្នាតតូច ពីព្រោះប្រមូលផ្តុំអត្តពលិកជាច្រើនមកពីអង្គភាពខ្លាំងៗក្នុងទូទាំងប្រទេសចូលរួម។ ខេត្តសុកត្រាំង មាន២ក្រុម ចូលរួមប្រកួត។ គ្រូបង្វឹក ត្រឹងវ៉ាន់បាវ នៃក្រុមជម្រើសសីដក់សុកត្រាំង ឱ្យដឹង៖ “នៅពានរង្វាន់នេះ គណៈហ្វឹកហ្វឺនបានដាក់ទិសដៅយកមេដាយមាស១គ្រឿង។ លទ្ធផលក្រុមសុកត្រាំងដណ្តើមបានមេដាយមាស២គ្រឿង ឈរលេខ ១ ទូទាំងក្រុម សម្រេចលើសពីភាគកម្រិតដាក់ចេញ។ សមិទ្ធផលនេះ បានពីកីឡាករ - ការិនីជម្រើសខេត្តសុកត្រាំងលេងបានល្អ ជំនាញបច្ចេកទេសប្រកួត និងសហការគ្នាបានល្អ”។

អត្តពលិក ឡេធីហុងលៀង ឱ្យដឹង៖ “នៅពានរង្វាន់ឆ្នាំនេះ ខ្ញុំតែងសហការបានល្អជាមួយមិត្តរួមក្រុម និងប្រកួតអស់ពីសមត្ថភាពតាំងពីវគ្គជម្រុះរហូតដល់វគ្គផ្តាច់ព្រ័ត្រ ប្តេជ្ញាយកឈ្នះ បំផុតគឺនៅវគ្គផ្តាច់ព្រ័ត្រ ពេលជួបក្រុមជម្រើស នគរបាលប្រជាជនជាមួយនឹងឧត្តមភាពលេងនៅទីលានផ្ទះ និងមានការលើកទឹកចិត្តគាំទ្ររបស់ទស្សនិកជន ក៏ដូចជាមានសាមគ្គីភាពខ្ពស់ក្នុងការប្រកួត យើងខ្ញុំដណ្តើមបានមេដាយមាសលើខ្លឹមសារក្រុមនារី៣នាក់។ ក្រោយពីពានរង្វាន់នេះ ខ្ញុំនិងមិត្តរួមក្រុមប្ដេជ្ញាចិត្តហ្វឹកហាត់ឱ្យបានល្អដើម្បីចូលរួមប្រកួតកីឡាសីដក់ ថ្នាក់ជាតិនាពេលខាងមុខ”។ ដោយមានទំនុកចិត្តលើខ្លួន ប្រកួតបានល្អ អត្តពលិកឌោមិញត្វឹង និងមិត្តរួមក្រុមប្រកួតខ្លឹមសារគូបុរសដណ្តើមបានរង្វាន់លេខ១។ អាញត្វឹង ឱ្យដឹង៖ “សាមគ្គី និងការប្តេជ្ញាចិត្តខ្ពស់ជាមួយមិត្តប្រកួត ខ្ញុំលេងបានយ៉ាងល្អ ហើយយកឈ្នះរាល់ដៃគូ ដើម្បីទទួលបានមេដាយមាស ១ គ្រឿង (ខ្លឹមសារគូបុរស) និងមេដាយប្រាក់ ១គ្រឿង (ខ្លឹមសារក្រុមបុរស៤នាក់)។ នេះជាក្តីរីករាយនិងជាកម្លាំងចលករ ជួយឱ្យខ្ញុំកាន់តែមានទំនុកចិត្តក្នុងការហ្វឹកហាត់ ដើម្បីប្រកួតបានល្អជូនក្រុមជម្រើសសីដក់របស់ខេត្ត ពេលចូលរួមប្រកួតថ្នាក់ជាតិនាពេលខាងមុខ”។

លោកឡេថាញ់សើុង ប្រធានវិញ្ញាសាកីឡាសីដក់នៃនាយកដ្ឋានកីឡាអប់រំកាយ អគ្គលេខាធិការសហព័ន្ធសីដក់វៀតណាម ឱ្យដឹង៖ “ពានរង្វាន់ជើងឯកសីដក់ថ្នាក់ជាតិ ឆ្នាំ២០២៤ បង្ហាញឱ្យឃើញពីភាពវិវឌ្ឍន៍នៃកីឡាសីដក់វៀតណាម បច្ចុប្បន្នកំពុងមានការអភិវឌ្ឍយ៉ាងខ្លាំង។ ពិសេស នៅខេត្តសុកត្រាំង ការចលនាកីឡាសីដក់អភិវឌ្ឍយ៉ាងខ្លាំងក្លា មានអត្តពលិកជាច្រើនប្រកួតបានល្អណាស់”៕

លីធាន-វិមាន

ចែករំលែកអត្ថបទ

ពាក្យគន្លឹះ