សុខភាព - អប់រំ សុខភាព

13/05/2024 - 15:52

សមិទ្ធផលរបស់ផ្នែកសុខាភិបាលសុកត្រាំង

ប៉ុន្មានឆ្នាំកន្លង កងជួរគ្រូពេទ្យខេត្តសុកត្រាំង តែងប្រឹងប្រែងរៀនសូត្រមុខជំនាញ លត់ដំក្រមសីលធម៌វិជ្ជាជីវៈ អនុវត្តល្អភារកិច្ចការពារនិងថែទាំសុខភាពប្រជាជន។ មកទល់ពេលនេះ ផ្នែកសុខាភិបាលខេត្ត បានអនុវត្តសម្រេចនិងសម្រេចលើសភាគកម្រិតនៃសេចក្តីសម្រេចចិត្តមហាសន្និបាតបក្ខភាគ ខេត្តបានដាក់ចេញ។

បុគ្គលិកពេទ្យចាក់វ៉ាក់សាំងជូនកុមារ។

ផ្នែកសុខាភិបាលខេត្តសុកត្រាំង សម្រេចបានសមិទ្ធផលលេចធ្លោផ្សេងៗ ដូចជា៖ មូលដ្ឋានសុខាភិបាលបានធ្វើការពិនិត្យជំងឺជូនប្រជាជនជាង២,៥លានលើកនាក់ ក្នុងនោះ អ្នកជំងឺបានព្យាបាលដោយមិនដេកពេទ្យមាន១៧.៦០០នាក់; អ្នកជំងឺដេកពេទ្យព្យាបាល មានចំនួន៩៨.៦០០នាក់; គ្រែអ្នកជំងឺសរុបទូទាំងខេត្តមាន៣.៩៥០គ្រែ អត្រាវេជ្ជបណ្ឌិតលើមួយម៉ឺនប្រជាជនសម្រេច៩,០១វេជ្ជបណ្ឌិត។ ពិសេស មន្ទីរពេទ្យពហុព្យាបាល មន្ទីរពេទ្យឯកទេសសម្ភព - កុមារខេត្ត បានផ្សព្វផ្សាយបច្ចេកទេសថ្មីៗ បច្ចេកទេសខ្ពស់ក្នុងការពិនិត្យ ព្យាបាលជំងឺ; បង្កើនការបង្ការបង្រ្កាបជំងឺឆ្លងរាលដាល និងការងារផ្លាស់ប្តូរឌីជីថល។ល។ រួមចំណែកជាក់ស្តែងទៅក្នុងបុព្វហេតុការពារនិងថែទាំសុខភាពប្រជាជន។

ផ្នែកសុខាភិបាលខេត្ត តែងយកចិត្តទុកដាក់វិនិយោគបំពាក់គ្រឿងបរិក្ខារពេទ្យទំនើបៗ និងអនុវត្តបចេ្ចកទេសខ្ពស់ក្នុងការព្យាបាលជំងឺជូនប្រជាជន។

វេជ្ជបណ្ឌិតឯកទេសកម្រិត II ជុងតឹងឌិញ នាយកមន្ទីរពេទ្យឯកទេសសម្ភព - កុមារសុកត្រាំង ឱ្យដឹង៖ “ទន្ទឹមនឹងការវិនិយោគមូលដ្ឋានសម្ភារៈ បំពាក់គ្រឿងបរិក្ខារពេទ្យទំនើបៗនោះ គឺមន្ទីរពេទ្យក៏បានផ្ទេរបច្ចេកទេសខ្ពស់ក្នុងការព្យាបាលផងដែរ។ ជាពិសេស គឺមន្ទីរពេទ្យមានកងជួរគ្រូពេទ្យ វេជ្ជបណ្ឌិតដែលមានមុខជំនាញរឹងប៉ឹង មានការទទួលខុសត្រូវខ្ពស់ក្នុងការថែទាំសុខភាពអ្នកជំងឺ ម្ល៉ោះហើយទទួលបានការពេញចិត្តយ៉ាងខ្លាំងពីអ្នកជំងឺដែលដេកពេទ្យព្យាបាល អ្នកជំងឺបានព្យាបាលដោយមិនដេកពេទ្យផង។ ឆ្នាំ២០២៤ មន្ទីរពេទ្យជំរុញការងារបណ្តុះបណ្តាល ចង្អុលការដល់មន្ទីរពេទ្យថ្នាក់ក្រោម សហការជាមួយនឹងមន្ទីរពេទ្យជួរមុខនានាថ្នាក់លើក្នុងការអនុវត្តភារកិច្ចមុខជំនាញ ផ្ទេរជូនបច្ចេកទេសថ្មី ទំនើប ដើម្បីលើកកម្ពស់គុណភាព សមត្ថភាពមុខជំនាញ ឆ្លើយតបតម្រូវការពិនិត្យ ព្យាបាលជំងឺជូនប្រជាជន”។

ទន្ទឹមនឹងនោះ ការងារចាក់ថ្នាំបង្ការបើកទូលាយរបស់ខេត្តត្រូវបានរក្សាអនុវត្ត១០០% តាមឃុំ សង្កាត់ ទីប្រជុំជន។ ម្យ៉ាងទៀត ផ្នែកសុខាភិបាលគ្រប់លំដាប់ថ្នាក់ បានវិនិច្ឆ័យដាច់ស្រឡះប្រភពជំងឺ សំបុករោគ អនុវត្តល្អការងារផ្សព្វផ្សាយ អប់រំសុខភាព។ វេជ្ជបណ្ឌិតឯក ទេសកម្រិត II ង្វៀងកុងទ្រឺ នាយកមន្ទីរសុខាភិបាលខេត្តសុកត្រាំង ឱ្យដឹង៖ “ បច្ចុប្បន្ន ដំណាក់សុខាភិបាលឃុំ សង្កាត់ ទីប្រជុំជនតែងសម្រេចលក្ខឋានជាតិស្ដីពីសុខាភិបាល១០០% ម្ល៉ោះហើយការងារចាក់ថ្នាំបង្ការបើកទូលាយតែងសម្រេចតាមផែនការ។ ព្រមជាមួយនោះ រាល់អង្គភាពមុខជំនាញ ថែមទាំងម្ចាស់ការវិនិច្ឆ័យទាន់ពេលសំបុករោគគ្រុនឈាម ជំងឺពង ដៃ - ជើង - មាត់ និងរាល់ប្រភេទជំងឺឆ្លងដែលទើបកើតថ្មី ដោយមិនទុកឱ្យជំងឺផ្ទុះរាលដាលជាដាច់ខាត។ ជាមួយការខិតខំរបស់កងជួរគ្រូពេទ្យ វេជ្ជបណ្ឌិត បុគ្គលិកពេទ្យ ម្ល៉ោះហើយ មកទល់ពេលនេះ ផ្នែកសុខាភិបាលខេត្តបានអនុវត្តសម្រេចនិងសម្រេចលើសភាគកម្រិតនៃសេចក្តីសម្រេចចិត្តមហាសន្និបាតបក្ខភាគខេត្ត បានដាក់ចេញសម្រេចល្អភារកិច្ចការពារនិងថែទាំសុខភាពប្រជាជន”៕

យ្វីអាញ- លីសៀ

ចែករំលែកអត្ថបទ

ពាក្យគន្លឹះ