ព្រឹត្តិការណ៍ - នយោបាយ ព្រឹត្តិការណ៍

08/01/2024 - 16:58

គណៈកម្មាធិការជនជាតិៈ

ជួបសំណេះសំណាលជាមួយតំណាងអ្នកមានប្រជាប្រិយគំរូក្នុងជនជាតិភាគតិចនៅខេត្តសុកត្រាំង

នៅទីស្នាក់ការនៃគណៈកម្មាធិការជនជាតិ អនុរដ្ឋមន្ត្រី និងជាអនុប្រធានគណៈកម្មាធិការជនជាតិ លោក ណុងក្វឹកត្វឹង បានស្វាគមន៍យ៉ាងកក់ក្តៅចំពោះគណៈប្រតិភូតំណាងអ្នកមានប្រជាប្រិយគំរូក្នុងជនជាតិភាគតិចនៅខេត្តសុកត្រាំង។

អនុរដ្ឋមន្ត្រី អនុប្រធានគណៈកម្មាធិការជនជាតិ - ណុងក្វឹកត្វឹង ថតរូបអនុស្សាវរីយ៍ជាមួយគណៈប្រតិភូតំណាងអ្នកមានប្រជាប្រិយគំរូក្នុងជនជាតិភាគតិចនៅខេត្តសុកត្រាំង។

ក្នុងបរិយាកាសយ៉ាងកក់ក្តៅនៃកិច្ចជំនួបនេះ តំណាងអ្នកមានប្រជាប្រិយទាំងឡាយ បានសម្តែងនូវក្តីរីករាយ និងមោទនភាពនៅពេលបានមកដល់រដ្ឋធានីហាណូយ ហើយបានថ្នាក់ដឹកនាំនៃគណៈកម្មាធិការជនជាតិទទួលស្វាគមន៍ និងជួបសំណេះសំណាលដូច្នេះ។ ស្របឱកាសនេះ តំណាងអ្នកមានប្រជាប្រិយទាំងឡាយ បានមានមតិយោបល់ ចែករំលែក និងបង្ហាញពីបំណងប្រាថ្នារបស់ជនរួមជាតិបណ្តាជនជាតិ ផ្ញើជូនថ្នាក់ដឹកនាំនៃគណៈកម្មាធិការជនជាតិ។ សង្ឃឹមថា បក្ស រដ្ឋាភិបាល និងគណៈកម្មាធិការជនជាតិនឹងបន្តមានគោលនយោបាយជាច្រើនទៀត យកចិត្តទុកដាក់លើការវិនិយោគនៅតំបន់ជនជាតិភាគតិចនៅខេត្តសុកត្រាំង។

កត់សម្គាល់និងវាយតម្លៃខ្ពស់ចំពោះការខិតខំប្រឹងប្រែង និងការរួមចំណែករបស់កងជួរអ្នកមានប្រជាប្រិយក្នុងជនជាតិភាគតិចនៅខេត្តសុកត្រាំង អនុរដ្ឋមន្ត្រី អនុប្រធានគណៈកម្មាធិការជនជាតិ ណុងក្វឹកត្វឹង សង្ឃឹមថា កងជួរអ្នកមានប្រជាប្រិយក្នុងជនជាតិភាគតិចនៅខេត្តសុកត្រាំង ជានិច្ចកាលសហការយ៉ាងជិតស្និទ្ធជាមួយរដ្ឋអំណាចភូមិភាគ តាមដាន ឃ្លាំមើល និងរួមដំណើរក្នុងការផ្សព្វផ្សាយគោលនយោបាយជនជាតិ; បន្តលើកកម្ពស់តួនាទីជាគំរូ រួមចំណែកក្នុងការកសាងភូមិស្រុកពីមួយថ្ងៃទៅមួយថ្ងៃកាន់តែរីកចម្រើន។ បណ្តាសំណើរបស់អ្នកតំណាងទាំងឡាយ គណៈកម្មាធិការជនជាតិនឹងទទួលយកសិក្សាស្រាវជ្រាវ បន្តការធ្វើសេនាធិការជាមួយរដ្ឋាភិបាល ដើម្បីកសាងនិងធ្វើឱ្យសុក្រឹត បណ្តាគោលនយោបាយជនជាតិនាពេលខាងមុខ៕

យោង៖ គណៈកម្មាធិការជនជាតិ

ចែករំលែកអត្ថបទ

ពាក្យគន្លឹះ