ព្រឹត្តិការណ៍ - នយោបាយ ព្រឹត្តិការណ៍

19/10/2023 - 17:26

សមមិត្ត ង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុងកឹងធើ

រៀបចំសកម្មភាពអំណរខួបអនុស្សាវរីយ៍ ២០ ឆ្នាំបង្កើតក្រុងកឹងធើចំណុះមជ្ឈិម មានចំណុចសំខាន់ ស៊ីជម្រៅ គុណភាពនិងសាយភាយ

(CT) - សមមិត្ត ង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុងកឹងធើ បានដឹកនាំកិច្ចប្រជុំបូកសរុបបណ្ដោះអាសន្នការងារត្រៀមបម្រុង រៀបចំសកម្មភាពអំណរខួបអនុស្សាវរីយ៍ ២០ ឆ្នាំបង្កើតក្រុងកឹងធើចំណុះមជ្ឈិម (១/១/២០០៤-១/១/២០២៤)។

សមមិត្ត ង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុងកឹងធើ ថ្លែងចង្អុលការក្នុងកិច្ចប្រជុំ។

ចង្កោមសកម្មភាពឈានដល់ខួបអនុស្សាវរីយ៍ ២០ ឆ្នាំ បង្កើតក្រុងកឹងធើចំណុះមជ្ឈិម ប្រព្រឹត្តឡើងលើវិស័យជាច្រើន តាមការគ្រោងទុក មានសកម្មភាពសំខាន់ៗចំនួន១៧។ ក្នុងនោះ ចំណុចស្នូលគឺ៖ ពិធីអំណរខួបអនុស្សាវរីយ៍ ២០ ឆ្នាំ បង្កើតក្រុងកឹងធើចំណុះមជ្ឈិម ដង្ហែក្បួនរថយន្តតុបតែងលម្អ ចលនាប្រឡងប្រណាំងបង្កើតស្នាដៃអំណរខួបអនុស្សាវរីយ៍ ២០ ឆ្នាំបង្កើតក្រុងកឹងធើចំណុះមជ្ឈិម ពិធីជួបជុំថ្លែងអំណរគុណចំពោះបុគ្គលនិងសមូហភាពដែលមានស្នាដៃ រួមចំណែកយ៉ាងសកម្មក្នុងការអភិវឌ្ឍក្រុងកឹងធើរយៈពេល ២០ ឆ្នាំកន្លង ។ល។ ទន្ទឹមនឹងនោះ នៅមានសកម្មភាពជាច្រើន មានដូចជាផ្សារណាត់ ការតាំងពិព័រណ៍ “ក្រុងកឹងធើ - ២០ ឆ្នាំសម្រេចសមិទ្ធផលនិងអភិវឌ្ឍន៍” សន្និសីទជំរុញដំណើរការវិនិយោគក្រុងកឹងធើ ពិធីប្រឡង “បវរកញ្ញាតីដូ” ផ្សារណាត់ទេសចរណ៍អន្តរជាតិវៀតណាម - VITM កឹងធើ២០២៣ ធ្វើ បញ្ជីកំណត់ត្រាសង្ខេបក្រុងកឹងធើ ២០ ឆ្នាំ កសាងនិងអភិវឌ្ឍន៍ ផលិតកម្មភាពយន្តឯកសារ ពិធីបុណ្យបាឡុងហោះ កឹងធើរៀបចំពានរង្វាន់កីឡាផ្សេងៗ។

ក្នុងកិច្ចប្រជុំ សមមិត្ត ង្វៀងវ៉ាន់ហីវ ចង្អុលការរៀបចំសកម្មភាពអំណរខួបអនុស្សាវរីយ៍ ២០ ឆ្នាំបង្កើតក្រុងកឹងធើ ចំណុះមជ្ឈិម គប្បីរៀបចំឡើងដោយផ្ដុំលើចំណុចស្នូល ខ្លឹមសារស៊ីជម្រៅ គុណភាពនិងបង្កបានភាពសាយភាយ។ គ្រប់មន្ទីរ ផ្នែកនិងគណៈកម្មាធិការប្រជាជនខ័ណ្ឌ ស្រុក ម្ចាស់ការរវៀសរវៃ ច្នៃប្រតិដ្ឋក្នុងការអនុវត្តភារកិច្ច ការងារ បានប្រគល់; រៀបចំប្លង់ខ្លឹមសារសកម្មភាពត្រូវមានសញ្ញាសម្គាល់។ ជាពិសេស ផ្ដុំកម្លាំងអនុវត្តសម្រេចលក្ខឋានសេដ្ឋកិច្ច - សង្គម ឆ្នាំ២០២៣; អនុវត្តសម្រេចគម្រោងសំណង់សំខាន់ៗ ចាប់អារម្មណ៍ពិសេសដល់ការលើកកម្ពស់គុណភាពជីវភាពរបស់ប្រជាជន; ជំរុញល្បឿនដំណើរការដើម្បីប្រកាសរៀបចំគម្រោងក្រុងកឹងធើ អាណត្តិកាល ២០២១-២០៣០ ចក្ខុវិស័យដល់ឆ្នាំ ២០៥០ ក្នុងឱកាសខួបអនុស្សាវរីយ៍ ២០ ឆ្នាំបង្កើតក្រុងកឹងធើចំណុះមជ្ឈិម៕

អាយឡាម - ថាច់ធី

ចែករំលែកអត្ថបទ

ពាក្យគន្លឹះ