ព្រឹត្តិការណ៍ - នយោបាយ ព្រឹត្តិការណ៍

05/09/2023 - 16:40

ពិធីជួបជុំខួបអនុស្សាវរីយ៍៧៨ឆ្នាំ ទិវាបដិវត្តន៍ខែសីហាសម្រេចជោគជ័យ និងបុណ្យជាតិ២ កញ្ញា

គណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមក្រុងកឹងធើ ទើបរៀងចំពិធីជួបជុំខួបអនុស្សាវរីយ៍៧៨ឆ្នាំ ទិវាបដិវត្តន៍ខែសីហាសម្រេចជោគជ័យ (១៩/៨/១៩៤៥-១៩/៨/២០២៣) និងបុណ្យជាតិសាធារណរដ្ឋសង្គមនិយមវៀតណាម (២/៩/១៩៤៥-២/៩/២០២៣)។

សមមិត្ត ត្រឹងវៀតទ្រឿង អនុលេខានៃគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងកឹងធើ ថ្លែងក្នុងពិធីជួបជុំ។

ថ្លែងក្នុងឱកាសជួបជុំនេះ សមមិត្ត ត្រឹងវៀតទ្រឿង អនុលេខានៃគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងកឹងធើ ឱ្យដឹង៖ ពង្រីកស្មារតីបដិវត្តន៍ខែសីហា រយៈពេលកន្លង បក្ខភាគ រដ្ឋអំណាចនិងប្រជាជនក្រុងកឹងធើ តែងប្តេជ្ញាចិត្តសាមគ្គី ខិតខំប្រឹងប្រែង ឆ្លងកាត់រាល់ការលំបាក សាកល្បង កសាងនិងអភិវឌ្ឍក្រុងប្រកបដោយចីរភាព។ល។ ទន្ទឹមនឹងនោះ ក៏សម្តែងនូវការគោរពស្មោះស្ម័គ្ររំឭកដល់លោកប្រធានហូជីមិញ; កំណត់ត្រាទុកនូវគុណបំណាច់ដ៏ធំធេងរបស់អ៊ំ និងវីរយុទ្ធជនពលី យុទ្ធជនពិការ យុទ្ធជនជំងឺ វីរមាតាវៀតណាម និងគ្រួសារគោលនយោបាយ។ល។ ដែលបានពលីកម្ម រួមចំណែកកម្លាំងកាយចិត្តចំពោះឯករាជ្យ សេរីភាព របស់ប្រជាជាតិ បំពេញកាតព្វកិច្ចអន្តរជាតិដ៏ឧត្តុង្គឧត្តម កសាងនិងការពារមាតុភូមិ។

សមមិត្ត ង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុងកឹងធើ ជូនសញ្ញាលក្ខណ៍អាយុបក្ស៥៥ឆ្នាំ ៥០ឆ្នាំ និង៤៥ឆ្នាំដល់បក្ខជន៣រូប។

បក្ខភាគ រដ្ឋអំណាច ប្រជាជននិងកងទ័ពក្រុងកឹងធើ នឹងបន្តអនុវត្តព្រមៗគ្នានូវភារកិច្ចអភិវឌ្ឍសេដ្ឋកិច្ច-សង្គម ការការពារជាតិ-សន្តិសុខ កសាងបក្ស កសាងប្រព័ន្ធនយោបាយតាមស្មារតីនៃសេចក្តីសម្រេចចិត្តលេខ៥៩-NQ/TW របស់ការិយាល័យនយោបាយ ស្តីពីកសាងនិងអភិវឌ្ឍក្រុងកឹងធើដល់ឆ្នាំ២០៣០ ចក្ខុវិស័យដល់ឆ្នាំ២០៤៥។ ក្នុងនោះ ផ្តុំកម្លាំងទៅលើភារកិច្ចសំខាន់ៗ ដូចជា៖ អនុវត្តព្រមៗគ្នានូវផ្នែកទម្លុះទម្លាយយុទ្ធសាស្រ្ត៣យ៉ាង ភារកិច្ចសំខាន់ៗ៦យ៉ាង តាមសេចក្តីសម្រេចចិត្តមហាសន្និបាតលើកទី១៣របស់បក្ស; ផ្សព្វផ្សាយនិងអនុវត្តមានប្រសិទ្ធភាពនូវចលនាប្រឡងប្រណាំងស្នេហាជាតិ ផ្សារភ្ជាប់នឹងខ្លឹមសារសំខាន់ៗ គឺអនុវត្ត ជ័យជម្នះសេចក្តីសម្រេចចិត្តមហាសន្និបាតបក្ខភាគក្រុង លើកទី១៤; កៀរគររាល់ប្រភពកម្លាំងអភិវឌ្ឍហេដ្ឋារចនាសម្ព័ន្ធសេដ្ឋកិច្ច-សង្គម; ជំរុញការឃោសនា អប់រំអំពីប្រវត្តិកកើត និងសមិទ្ធផលលេចធ្លោរបស់ក្រុងនាពេលកន្លង; បង្កើនការងារកសាងបក្ស កសាងប្រព័ន្ធនយោបាយស្អាតស្អំ រឹងមាំ។ល។ ទន្ទឹមនឹងនោះ ផ្តុំកម្លាំងដឹកនាំ ចង្អុលការរៀបចំនូវសកម្មភាពអបអរសាទរ២០ឆ្នាំ ក្រុងកឹងធើក្រោមឱវាទមជ្ឈិម៕

ផាមទ្រុង- វិមាន

ចែករំលែកអត្ថបទ

ពាក្យគន្លឹះ