ព្រឹត្តិការណ៍ - នយោបាយ ព្រឹត្តិការណ៍

31/07/2023 - 16:46

គណៈប្រជាចលនាមជ្ឈិម ត្រួតពិនិត្យការអនុវត្តបទបញ្ជាលេខ ១៩ របស់គណៈលេខានៅខេត្តត្រាវិញ

លោក ឌោវ៉ាន់ភើយ អនុប្រធានគណៈប្រជាចលនាមជ្ឈិម បានដឹកនាំគណៈប្រជាចលនាមជ្ឈិម អញ្ជើញមកធ្វើការជាមួយនឹងគណៈកម្មាធិការបក្សខេត្តត្រាវិញ អំពីលទ្ធផល៥ឆ្នាំអនុវត្តបទបញ្ជាលេខ ១៩ របស់គណៈលេខា ស្តីពីបង្កើនការងារនៅតំបន់ជនរួមជាតិខ្មែរ ក្នុងស្ថានភាពថ្មី។

ទិដ្ឋភាពក្នុងឱកាសធ្វើការ។

បច្ចុប្បន្ន ខេត្តត្រាវិញមានជនរួមជាតិខ្មែរ ស្រូបអត្រាជាង៣១%នៃចំនួនប្រជាជន ហើយជនរួមជាតិស្ទើរតែទាំងអស់ សុទ្ធសឹងជាអ្នកគោរពព្រះពុទ្ធសាសនា។ ទូទាំងខេត្ត មានវត្តខ្មែរចំនួន ១៤៣ មានព្រះសង្ឃជាង ៣.៣០០ អង្គ។ ក្រោយពី៥ឆ្នាំអនុវត្តបទបញ្ជាលេខ១៩របស់គណៈលេខា ឃើញថាគោលនយោបាយ កម្មវិធី គម្រោងអភិវឌ្ឍសេដ្ឋកិច្ច-សង្គម បានបង្កលក្ខណៈងាយស្រួលដើម្បីជនរួមជាតិអភិវឌ្ឍផលិតកម្ម លើកកម្ពស់ប្រាក់ចំណូល។ ពិសេស ឆ្នាំ២០២១ គណៈកម្មាធិការបក្សខេត្តត្រាវិញ មានសេចក្តីសម្រេចចិត្តជាបន្ត “អំពីបន្តអភិវឌ្ឍគ្រប់ជ្រុងជ្រោយនៅតំបន់ជនរួមជាតិខ្មែរ ដំណាក់កាល ២០២១ - ២០២៥ កំណត់ទិសដល់ឆ្នាំ២០៣០” ទន្ទឹមនឹងនោះ ចង្អុលការដល់គណៈ ផ្នែកគ្រប់លំដាប់ថ្នាក់ ផ្តុំកម្លាំងរៀបចំអនុវត្តនូវកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១ - ២០៣០; យុទ្ធសាស្រ្តការងារជនជាតិ ដំណាក់កាល ២០២១ - ២០៣០ ចក្ខុវិស័យដល់ឆ្នាំ ២០៤៥។ល។ បានសម្រេចលទ្ធផលជាក់ស្តែងជាច្រើន។ រៀងរាល់ឆ្នាំ អត្រាគ្រួសារជាជនជាតិខ្មែរក្រីក្រកាត់បន្ថយពី ៣-៤% និងដល់ឆ្នាំ ២០២៣ គ្រួសារក្រីក្រជាជនជាតិខ្មែរ នៅត្រឹមតែ៣.២៣៩ គ្រួសារ ស្រូបអត្រា ៥៩,៩% បើប្រៀបជាមួយនឹងចំនួនគ្រួសារក្រីក្ររួមក្នុងទូទាំងខេត្ត។

ថ្លែងក្នុងឱកាសធ្វើការ អនុប្រធានគណៈប្រជាចលនាមជ្ឈិម ឌោវ៉ាន់ភើយ បានវាយតម្លៃខ្ពស់ចំពោះការចូលរួមប្រតិបត្តិការរបស់គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ ពិសេសគណៈកម្មាធិការបក្សខេត្តត្រាវិញ មានសេចក្តីសម្រេចជាច្រើនផ្តុំកម្លាំងអភិវឌ្ឍនៅតំបន់ជនរួមជាតិខ្មែរ។ សមមិត្ត ឌោវ៉ាន់ភើយ សង្ឃឹមថា ខេត្តនឹងបន្តពង្រីកតួនាទីរបស់រណសិរ្សមាតុភូមិក្នុងតំបន់ជនរួមជាតិភាគតិច ដើម្បីពង្រីកតួនាទីជនរួមជាតិជាតួអង្គក្នុងការអនុវត្តប្រជាធិបតេយ្យមូលដ្ឋាន៕

យោង៖ VOV-ĐBSCL ប្រែសម្រូល៖ វិមាន

ចែករំលែកអត្ថបទ

ពាក្យគន្លឹះ