ព្រឹត្តិការណ៍ - នយោបាយ ព្រឹត្តិការណ៍

26/06/2023 - 14:43

សមមិត្ត ង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុងកឹងធើៈ

សារព័ត៌មានក្រុងកឹងធើ គប្បីអនុវត្តយ៉ាងមុតមាំការផ្លាស់ប្ដូរឌីជីថល ឆាប់បង្ខិតជិតនិន្នាការសារព័ត៌មានទាន់សម័យ

(CT) កាលពីថ្ងៃទ២០ មិថុនា ដោយបានការអនុញ្ញាតរបស់ប្រចាំការនៃគណៈកម្មាធិការបក្សនិងគណៈកម្មាធិការប្រជាជនក្រុងកឹងធើ គណៈប្រតិបត្តិការសមាគមអ្នកកាសែតក្រុងកឹងធើ សហការជាមួយនឹងមន្ទីរព័ត៌មាននិងសារគមនាគមន៍ក្រុង រៀបចំពិធីជួបជុំខួបអនុស្សាវរីយ៍ ៩៨ឆ្នាំ ទិវាសារព័ត៌មានបដិវត្តន៍វៀតណាម (២១/៦/១៩២៥- ២១/៦/២០២៣); បូកសរុបនិងជូនរង្វាន់សារព័ត៌មានផាងង៉ុកហៀងក្រុងកឹងធើ លើកទី XVII ឆ្នាំ២០២២-២០២៣។

សមមិត្ត ង្វៀងវ៉ាន់ហីវ លេខាគណៈកម្មាធិការបក្សក្រុងកឹងធើ ជូនរង្វាន់លេខ ១ និងបណ្ណសរសើររបស់គណៈកម្មាធិការប្រជាជនក្រុងកឹងធើដល់អ្នកនិពន្ធ។

អញ្ជើញចូលរួមក្នុងពិធីនេះ រួមមាន៖ សមមិត្ត ង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុងកឹងធើ; សមមិត្ត ង្វៀងង៉ុកតឹម សមាជិកគណៈអចិន្ត្រៃយ៍ ប្រធានគណៈឃោសនាអប់រំនៃគណៈកម្មាធិការបក្ស ក្រុង; សមមិត្ត ង្វៀងថឹកហៀង អនុប្រធានគណៈកម្មាធិការប្រជាជនក្រុងកឹងធើ ប្រធានគណៈកម្មការរង្វាន់សារព័ត៌មានផាងង៉ុកហៀងក្រុងកឹងធើ; សមមិត្ត ត្រឿងវ៉ាន់ចៀង សមាជិកអចិន្ត្រៃយ៍មជ្ឈិមសមាគមអ្នកកាសែតវៀតណាម ប្រធានសមាគមអ្នកកាសែតក្រុង អគ្គនិពន្ធនាយកកាសែតកឹងធើ; សមមិត្ត ហ្វិញហ្វាងម៉េន នាយកមន្ទីរព័ត៌មាននិងសារគមនាគមន៍ក្រុងកឹងធើ ...។

ថ្លែងក្នុងពិធីជួបជុំ សមមិត្ត ង្វៀងថឹកហៀង អរគុណចំពោះអ្នកកាសែតទាំងអស់ដែលបានខិតខំខ្នះខ្នែងរួមដំណើរក្នុងជំហានអភិវឌ្ឍន៍របស់ក្រុងរយៈពេលកន្លង។ សមមិត្ត រំពឹងថា អ្នកកាសែតគ្រប់រូបនឹងបន្តពង្រីកនូវប្រវេណីសារព័ត៌មានបដិវត្តន៍វៀតណាម។ អ្នកកាសែតគ្រប់ៗរូបនឹងបន្តខិតខំសិក្សាស្រាវជ្រាវហាត់ពត់លត់ដំនិងចូលរួម ដើម្បីរួមចំណែកក្នុងការកសាងខឿនសារព័ត៌មានបដិវត្តន៍វៀតណាម អាជីព-មនុស្សធម៌-ទាន់សម័យ ជាក់ស្ដែងក្លាយជាឧបករណ៍ដ៏មុតស្រួចរួមចំណែកដ៏សំខាន់ក្នុងការការពារមាតុភូមិ ការពាររបប ការពារផលប្រយោជន៍ជាតិជនជាតិ ការពារសិទ្ធិផលប្រយោជន៍ស្របច្បាប់របស់ប្រជាជននិងការអភិវឌ្ឍសេដ្ឋកិច្ច-សង្គម។ ទន្ទឹមជាមួយនឹងអំណះអំណាងក្រុងកឹងធើនឹងបង្កលក្ខណៈសម្បត្តិយ៉ាងល្អប្រសើរសម្រាប់សារព័ត៌មានធ្វើសកម្មភាព អ្នកកាសែតបំពេញកិច្ចការលើភូមិសាស្រ្តក្រុងកឹងធើ។ រួមចំណែកអនុវត្តជោគជ័យសេចក្ដីសម្រេចមហាសន្និបាតបក្ខភាគក្រុងកឹងធើ លើកទី XIV អាណត្តិកាល ២០២០-២០២៥ និងសេចក្ដីសម្រេចលេខ ៥៩-NQ/TW ចុះថ្ងៃទី ៥ ខែសីហា ឆ្នាំ ២០២០ ស្ដីពីការកសាងនិងអភិវឌ្ឍក្រុងកឹងធើ ដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥។

អ្នកកាសែត ត្រឿងវ៉ាន់ចៀង ប្រធានសមាគមអ្នកកាសែតក្រុងកឹងធើ ថ្លែងសុន្ទរកថារលឹកឡើងវិញនូវប្រវេណីសារព័ត៌មានបដិវត្តន៍វៀតណាម និងរបាយការណ៍បូកសរុបរង្វាន់សារព័ត៌មានផាងង៉ុកហៀងក្រុងកឹងធើ លើកទី XVII ឆ្នាំ២០២២-២០២៣។ ឆ្នាំនេះ គណៈកម្មការរៀបចំបានទទួល ២៨៦ អត្ថបទ (ច្រើនជាងឆ្នាំមុន ៩៤ អត្ថបទ) របស់អ្នកនិពន្ធ ៨១ នាក់និងក្រុមអ្នកនិពន្ធ ៨៤ ក្រុម។ គណៈកម្មការរៀបចំបានជូនរង្វាន់លេខ ១ លេខ ២ លេខ ៣ និងរង្វាន់លើកទឹកចិត្តដល់អ្នកនិពន្ធ និងក្រុមអ្នកនិពន្ធ។ មានអត្ថបទចំនួន៥៧ ត្រូវបានគណៈកម្មការរៀបចំស្ងើចសរសើរ និងជូនរង្វាន់ជាទឹកប្រាក់ ១.០០០.០០០ដុង ពីព្រោះបានពិនិត្យជ្រើសរើសក្នុងវគ្គផ្ដាច់ព្រ័ត្រ។

តាមការវាយតម្លៃរបស់គណៈកម្មការវគ្គពិនិត្យបឋមនិងក្រុមប្រឹក្សាមេប្រយោគ ឆ្នាំនេះ អត្ថបទដែលដាក់ចូលរួមប្រឡង កើនទាំងបរិមាណនិងគុណភាព; ខ្លឹមសារភាគច្រើនឆ្លុះបញ្ចាំងលើគ្រប់វិស័យជីវភាពសង្គមរបស់ភូមិភាគក្នុងតំបន់វាលរាបទន្លេគឺវឡុង។ មានអត្ថបទជាច្រើនជាលក្ខណៈព័ត៌មានឆ្លុះបញ្ចាំងបានទាន់ពេលពីវិស័យសេដ្ឋកិច្ច វប្បធម៌សង្គម ការពារប្រទេសសន្តិសុខ។ វិស័យសុខាភិបាល អប់រំ ផ្លាស់ប្ដូរឌីជីថល កសាងជនបទថ្មី ក៏ត្រូវបានលើកឡើងយ៉ាងស៊ីជម្រៅ។ ប្រធានបទស្ដីពីការកសាងបក្សនិងប្រព័ន្ធនយោបាយការការពារអធិបតេយ្យកោះសមុទ្រ បានបង្ហាញយ៉ាងពេញលេញនៅគ្រប់វណ្ណកម្មសារព័ត៌មាន។

ជំនួសមុខថ្នាក់ដឹកនាំក្រុង សមមិត្ត ង្វៀងវ៉ាន់ហីវ លេខាគណៈកម្មាធិការបក្សក្រុង បានកត់សម្គាល់វាយតម្លៃខ្ពស់និងស្ងើចសរសើរចំពោះការរួមចំណែកយ៉ាងសកម្មរបស់ស្ថាប័នសារព័ត៌មាន កងជួរអ្នកកាសែត អ្នកយកព័ត៌មានការីនិពន្ធ សម្រាប់ការអភិវឌ្ឍរួមរបស់ក្រុងរយៈពេលកន្លង។ ព្រមជាមួយនោះ សូមអបអរសាទរដល់អ្នកនិពន្ធគ្រប់រូបដែលទទួលបានពានរង្វាន់សារព័ត៌មានផាងង៉ុកហៀងក្រុងកឹងធើ។ សមមិត្ត លេខាគណៈកម្មាធិការបក្ស ក្រុង រំពឹងថា អ្នកកាសែតគ្រប់រូបនឹងបន្តស្វែងរកប្រធានបទល្អៗ ច្នៃប្រតិដ្ឋ ប្រកបដោយភាពទម្លុះទម្លាយ ដើម្បីបង្កើតបានអត្ថបទឆ្នើមៗចូលរួមក្នុងពានរង្វាន់សារព័ត៌មានថ្នាក់ជាតិ រួមចំណែកឧទ្ទេសនាមផ្សព្វផ្សាយកាន់តែខ្លាំងថែមទៀតពីរូបភាពទឹកដី និងមនុស្សកឹងធើទៅកាន់ភូមិភាគនានាក្នុងនិងក្រៅប្រទេស។ គ្រប់ស្ថាប័នសារព័ត៌មានទាំងអស់ បន្តពង្រីកប្រវេណីសារព័ត៌មានបដិវត្តន៍វៀតណាម; ផ្ដោតទៅលើកិច្ចការកសាងអង្គការបក្សក្នុងសា្ថប័នសារព័ត៌មានជាក់ស្ដែងស្អាតស្អំ រឹងមាំ; បន្តលើកកម្ពស់គុណភាពផលិតផលសារព័ត៌មាន អនុវត្តយ៉ាងមុតមាំការផ្លាស់ប្ដូរឌីជីថលក្នុងសារព័ត៌មាន ឆាប់បង្ខិតជិតនិន្នាការសារព័ត៌មានទាន់សម័យ; បង្កើនការចងសម្ព័ន្ធជាមួយនឹងស្ថាប័នសារព័ត៌មាន នៅក្រុងហូជីមិញនិងទូទាំងប្រទេសគ្រប់សមត្ថភាពក្នុងការសម្រេចភារកិច្ចឃោសនាផ្សព្វផ្សាយ ដែលគណៈកម្មាធិការបក្ស និងគណៈកម្មាធិការប្រជាជនក្រុងប្រគល់ឱ្យ។

ស្របក្នុងឱកាសនេះ សមាគមអ្នកកាសែតក្រុងបានជូនមេដាយអនុស្សាវរីយ៍ “ដើម្បីបុព្វហេតុសារព័ត៌មានវៀតណាម” និងបណ្ណសរសើរ កាតសមាជិករបស់សារព័ត៌មានវៀតណាមដល់បុគ្គលឯកជន។ សមាគមអ្នកកាសែតក្រុង បំផុសចលនារង្វាន់សារព័ត៌មានផាងង៉ុកហៀងក្រុងកឹងធើ លើក XVIII ឆ្នាំ ២០២៣-២០២៤។ រង្វាន់សារព័ត៌មានផាងង៉ុកហៀងក្រុងកឹងធើ លើក XVIII ឆ្នាំ ២០២៣-២០២៤ ក្រោមបធានបទ“អំណះអំណាងពីសមិទ្ធផលក្រុងកឹងធើ សម្រេចបានក្នុងរយៈពេល ២០ ឆ្នាំកសាង និងអភិវឌ្ឍន៍”៕

ផាមទ្រុង-ពេជ្រសឿន

ចែករំលែកអត្ថបទ

ពាក្យគន្លឹះ