ព្រឹត្តិការណ៍ - នយោបាយ ព្រឹត្តិការណ៍

13/02/2023 - 16:04

យុវជនក្រុងកឹងធើ ១.៨៥៨ នាក់ ចេញដំណើរទៅបម្រើកងទ័ព

យុវជនក្រុងកឹងធើ ១.៨៥៨ នាក់ ទើបចេញដំណើរទៅបម្រើកងទ័ពនៅតាមអង្គភាពនានាចំណុះក្រសួងការពារជាតិ និងក្រសួងនគរបាល ប្រកបដោយក្តីរំភើបរីករាយ។ ឆ្នាំនេះ ខណ្ឌ ស្រុកមិនរៀបចំពិធីបោះជំរំចូលបម្រើកងទ័ពទេ។ ក្រុមប្រឹក្សា កាតព្វកិច្ចយោធា គ្រប់គ្រងយុវជនត្រៀមជាស្រេចចូលបម្រើកងទ័ពនៅតាមឃុំ សង្កាត់ ទីប្រជុំជន។ កាលពីថ្ងៃទី ៩ ខែកុម្ភៈ ក្រុមប្រឹក្សាកាតព្វកិច្ចយោធាខណ្ឌ ស្រុក បានរៀបចំពិធីប្រគល់និងទទួលយោធិនតាមផែនការ។ ទន្ទឹមនឹងការត្រៀមបម្រុងពិធីប្រគល់និងទទួលយោធិន បញ្ជាការដ្ឋានយោធាក្រុង បានត្រៀមគ្រប់លក្ខណៈមូលដ្ឋានសម្ភារៈជាស្រេច ដើម្បីទទួលនិងហ្វឹកហ្វឺនយុទ្ធជនថ្មីឆ្នាំ ២០២៣ តាមភាគកម្រិតដែលថ្នាក់លើប្រគល់ឱ្យ។

គណៈអធិបតីចូលរួមក្នុងពិធីប្រគល់និងទទួលយោធិន ឆ្នាំ២០២៣ នៅខណ្ឌប៊ិញធ្វី។
រូបថត៖ ផាមទ្រុង

ឧត្តមសេនីយ៍ទោ ឡេក្វឹកហុង អនុរដ្ឋមន្ត្រីក្រសួងនគរបាល និងសមមិត្តឡេក្វាងម៉ាញ់ លេខាគណៈកម្មាធិការបក្សក្រុងកឹងធើ ជូនបាច់ផ្កាលើកទឹកចិត្តដល់យោធិនថ្មីនៅខណ្ឌប៊ិញធ្វី ចេញដំណើរចូលបម្រើកងទ័ពនៅតាមអង្គភាពរបស់ក្រសួងនគរបាល។ រូបថត៖ ផាមទ្រុង

សមមិត្ត ត្រឹងវៀតទ្រឿង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុង ប្រធានក្រុមប្រឹក្សាកាតព្វកិច្ចយោធាក្រុង លើកទឹកចិត្តដល់យោធិនថ្មីនៅខណ្ឌប៊ិញធ្វី ចេញដំណើរចូលបម្រើកងទ័ពនៅតាមអង្គភាពរបស់ក្រសួងការពារជាតិ។ រូបថត៖ ផាមទ្រុង

អ្នកតំណាងថតរូបអនុស្សាវរីយ៍ជាមួយនឹងយោធិនថ្មីនៅខណ្ឌប៊ិញធ្វី។ រូបថត៖ ផាមទ្រុង

យោធិនថ្មីនៅខណ្ឌប៊ិញធ្វី ចេញដំណើរចូលបម្រើកងទ័ព។ រូបថត៖ ផាមទ្រុង

យោងតាមក្រុមប្រឹក្សាកាតព្វកិច្ចយោធាក្រុង ឆ្នាំនេះ ក្រុងកឹងធើ មានយុវជនចេញដំណើរចូលបម្រើកងទ័ព ១.៨៥៨ នាក់។ ក្នុងនោះ មានយុវជន ២៩,៥% បានទទួលបញ្ជាកោះហៅចូលបម្រើកងទ័ពដែលមានសមត្ថភាពជំនាញបច្ចេកទេស។ ក្នុងឱកាសបុណ្យចូលឆ្នាំថ្មីវៀតណាមគ្វីម៉ាវ ភូមិភាគនានាបានរៀបចំទៅសួរសុខទុក្ខ និងជូនអំណោយដល់យុវជនដែលបម្រុងចូលបម្រើកងទ័ព។ អំណោយមួយចំណែកៗ មានតម្លៃ ពី ៣០០.០០០ - ៧០០.០០០ ដុង។ ដើម្បីឱ្យយុវជនស្ងប់អារម្មណ៍ចេញដំណើរ អនុវត្តកាតព្វកិច្ចយោធា ស្រុកកើ-ដ បានរៀបចំទៅសួរសុខទុក្ខ និងជូនអំណោយដល់គ្រួសារដែលមានកូនចៅបម្រុងចេញដំណើរទៅបម្រើកងទ័ព អំណោយមួយចំណែកៗ មានតម្លៃ ៣៥០.០០០ ដុង និងឧបត្ថម្ភយុវជនម្នាក់ៗទឹកប្រាក់ ២ លានដុង។ ឆ្លងតាមរយៈនោះ យុវជន ១០០% នៅស្រុកកើ-ដ បានសរសេរលិខិតស្ម័គ្រចិត្តចូលបម្រើកងទ័ព ក្នុងនោះ មានយុវជនជាជនជាតិខ្មែរ ៩ នាក់៕

ក្រុមអ្នកយកព័ត៌មាន-ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ