ព្រឹត្តិការណ៍ - នយោបាយ ព្រឹត្តិការណ៍

06/02/2023 - 14:52

នាយករដ្ឋមន្ត្រី ផាមមិញជិញ ជំរុញគម្រោងកសាងផ្លូវល្បឿនលឿននៅវាលរាបទន្លេគឺវឡុង

នាយករដ្ឋមន្ត្រី ផាមមិញជិញ ទើបអញ្ជើញទៅត្រួតពិនិត្យការដ្ឋាន និងធ្វើការជាមួយនឹងក្រសួង ផ្នែក ភូមិភាគ ដើម្បីពិនិត្យវាយតម្លៃ ជំរុញល្បឿនសាងសង់ ដោះស្រាយបញ្ហាលំបាក ជាប់ជំពាក់របស់គម្រោងផ្លូវគោកល្បឿនលឿននានានៅតំបន់វាលរាបទន្លេគឺវឡុង។ នាយករដ្ឋមន្ត្រី បានអញ្ជើញចុះត្រួតពិនិត្យការដ្ឋាន សាងសង់ស្ពានមីធ្វឹង ២ នៅក្បាលស្ពានខាងខេត្តតៀងយ៉ាង; ត្រួតពិនិត្យគម្រោងកឹងធើ-ហូវយ៉ាង ចំណុះគម្រោងផ្លូវល្បឿនលឿនកឹងធើ -កាម៉ាវ នៅស្រុកវីធ្វី ខេត្តហូវយ៉ាង។ល។ នៅតាមទីតាំងដែលអញ្ជើញទៅដល់ នាយករដ្ឋមន្ត្រី បានលើកឡើងយ៉ាងច្បាស់ វាលរាបទន្លេគឺវឡុងបានរៀបចំគម្រោងផ្លូវល្បឿនលឿនអ័ក្សបណ្តោយចំនួន ៣ និងផ្លូវល្បឿនលឿនអ័ក្សទទឹងចំនួន ៣ និងគម្រោងជាច្រើនទៀតកំពុងបានដំណើរការយ៉ាងមមាញឹក ស្វិតស្វាញ និងព្រមៗគ្នា; ភូមិភាគនានាគប្បីម្ចាស់ការកសាងផ្លូវតភ្ជាប់។ នាយករដ្ឋមន្ត្រី សំណូមពរកសាងចំណុចប្រសព្វឱ្យសមស្រប ដើម្បីទាញយកផលបានល្អបំផុតពីមូលនិធិដី និងបរិយាកាសអភិវឌ្ឍន៍ថ្មីដែលផ្លូវល្បឿនលឿនបង្កឡើង។ នាយករដ្ឋមន្ត្រី ក៏បានរំលឹកទៀតថា ការអនុវត្តគម្រោងផ្លូវល្បឿនលឿន គប្បីដើរតាមទិសដៅផ្លូវត្រង់ បំផុតខ្លី បំផុតដែលអាចធ្វើទៅបាន មិនអនុលោមទៅតាមផ្លូវចាស់ ឬមណ្ឌលតាំងទីលំនៅ “ឆ្លងកាត់ប្រឡាយធ្វើស្ពាន កាត់វាលចាក់ដី កាត់ភ្នំទម្លុះភ្នំ”។ ឆ្លងតាមរយៈនោះ កាត់បន្ថយបានផ្នែកឈូសឆាយពង្រាបផ្ទៃដី កាត់បន្ថយផលប៉ះពាល់ដល់ជីវភាពប្រជាជន កាត់បន្ថយការបង់ខាតប្រាក់កាស ពេលវេលានិងបង្កបានបរិយាសអភិវឌ្ឍន៍ថ្មី។

នាយករដ្ឋមន្ត្រី ផាមមិញជិញ សួរសុខទុក្ខនិងលើកទឹកចិត្តវិស្វករ
កម្មករសាងសង់ស្ពានមីធ្វឹង២។

នៅតំបន់វាលរាបទន្លេគឺវឡុង បានរៀបចំគម្រោងផ្លូវល្បឿនលឿនចំនួន ៦ មានប្រវែង សរុបប្រមាណ ១.១៦៦ គីឡូម៉ែត្រ ដោយមានទ្រង់ទ្រាយគន្លងផ្លូវពី ៤-៦ គន្លង។ ក្នុងនោះ ផ្លូវល្បឿនលឿនអ័ក្សបណ្តោយចំនួន ៣ មាន ប្រវែង ៥៧៥ គីឡូម៉ែត្រ រួមមាន៖ ផ្លូវល្បឿនលឿនបាក់-ណាមប៉ែកខាងកើត មានប្រវែង ២៤៥ គីឡូម៉ែត្រ ផ្លូវល្បឿនលឿនបាក់-ណាម ប៉ែកខាងលិច មានប្រវែង ១៨០ គីឡូម៉ែត្រ ផ្លូវល្បឿនលឿនក្រុងហូជីមិញ - តៀងយ៉ាង - បែនត្រែ - ត្រាវិញ - សុកត្រាំង មានប្រវែង ១៥០ គីឡូម៉ែត្រ។ ផ្លូវល្បឿនលឿនអ័ក្សទទឹងចំនួន ៣ មានប្រវែងប្រមាណ ៥៩១ គីឡូម៉ែត្រ រួមមាន៖ ផ្លូវល្បឿនលឿនចូវដុក - កឹងធើ - សុកត្រាំង មានប្រវែង ១៩១ គីឡូម៉ែត្រ ផ្លូវល្បឿនលឿនហាតៀង (គៀងយ៉ាង) - រ៉ាច់យ៉ា - បាកលីវ មានប្រវែង ២១២ គីឡូម៉ែត្រ ផ្លូវល្បឿនលឿនហុងង៉ឺ (ដុងថាប) - ត្រាវិញ មានប្រវែង ១៨៨ គីឡូម៉ែត្រ។ មកទល់ពេលនេះ បានកសាងសម្រេចនិងបើកឱ្យដំណើរការទាញយកផលតាមទ្រង់ទ្រាយដំណាក់កាល ១ (មាន ៤ គន្លងផ្លូវ) ដោយមានប្រវែងសរុប ១៧១ គីឡូម៉ែត្រ រួមមានកំណាត់ផ្លូវបេនឡឹក - ទ្រុងលឿង (៤០គីឡូម៉ែត្រ); ទ្រុងលឿង - មីធ្វឹង ( ៥១ គីឡូម៉ែត្រ); កាវឡាញ់ - ឡោតែ ( ២៩ គីឡូម៉ែត្រ); ឡោតែ - រ៉ាច់សយ ( ៥១ គីឡូម៉ែត្រ) ក្នុងនោះ កំណាត់ផ្លូវកាវឡាញ់ - ឡោតែ បច្ចុប្បន្ន រៀបចំចរាចរណ៍ចម្រុះកំណាត់ផ្លូវឡោតែ - រ៉ាច់សយ ប្រើប្រាស់ផ្ទៃផ្លូវក្រាលកៅស៊ូដើម្បីរង់ចាំការបាក់ស្រុត ដងផ្លូវនេះក្រសួងគមនាគមន៍និងដឹកជញ្ជូន កំពុងបន្តវិនិយោគដើម្បីទាញយកផលតាមទ្រង់ទ្រាយផ្លូវល្បឿនលឿន។

ដល់ឆ្នាំ ២០២៦ តំបន់វាលរាបទន្លេគឺវឡុង នឹងមានផ្លូវល្បឿនលឿនប្រមាណ ៥៥៤ គីឡូម៉ែត្រ ចំណែកផ្លូវល្បឿនលឿនក្រៅពីនោះនឹងបានវិនិយោគក្នុងដំណាក់កាល ២០២៦ - ២០៣០៕

យោង៖ baochinhphu.vn - ប្រែ៖ វិមាន

ចែករំលែកអត្ថបទ

ពាក្យគន្លឹះ