សុខភាព - អប់រំ សុខភាព

07/03/2022 - 14:19

អាការៈដែលគួរបញ្ជូនកុមារទៅមន្ទីរពេទ្យព្យាបាល "ក្រោយពីឆ្លងជំងឺ COVID-១៩ ហើយជាសះស្បើយ"

យោងតាមមន្ទីរពេទ្យកុមារក្រុងកឹងធើ ឪពុកម្ដាយគប្បីតាមដានហ្មត់ចត់សុខភាពរបស់កុមារ សំខាន់គឺកុមារដែលឆ្លងជំងឺ COVID-១៩ ហើយបានជាសះស្បើយ; ផ្ដល់អនុសាសន៍ចំពោះអាការៈមួយចំនួន ដែលគួរបញ្ជូនកុមារទៅមន្ទីរពេទ្យពិនិត្យនិងព្យាបាល។

វេជ្ជបណ្ឌិតឯកទេសកម្រិត II ត្រឿងកឹមទ្រិញ កំពុងពិនិត្យជំងឺឱ្យកុមារនៅ
មន្ទីរពេទ្យកុមារក្រុងកឹងធើ។

វេជ្ជបណ្ឌិត ឯកទេសកម្រិត II ត្រឿងកឹមទ្រិញ ប្រធានផ្នែកពិនិត្យជំងឺនៃមន្ទីរពេទ្យកុមារក្រុងកឹងធើ ឱ្យដឹង មាន ១/៤ ករណី ក្រោយពីឆ្លងជំងឺ COVID-១៩ ហើយជាសះស្បើយអាចប្រឈមនឹងរោគសញ្ញាអូសបន្លាយប្រហែល ៤ សប្ដាហ៍។ មាន ១/១០ ករណី រោគសញ្ញាអាចអូសបន្លាយជាង ១២ សប្ដាហ៍ ហៅថារោគសញ្ញាក្រោយពីឆ្លងជំងឺ COVID-១៩ ហើយបានជាសះស្បើយ។ អ្នកជំងឺទោះជាឋិតក្នុងកម្រិតធ្ងន់ឬស្រាល មានរោគសញ្ញាឬមិនមាន សុទ្ធតែមានហានិភ័យជួបនឹងស្ថានភាពជំងឺ COVID-១៩ អូសបន្លាយ ឬរោគសញ្ញា ក្រោយពីជាសះស្បើយជំងឺ COVID-១៩។ ចំពោះកុមារ ភាគច្រើនករណីឆ្លងជំងឺនៅកម្រិតស្រាល គ្មានរោគសញ្ញា ប៉ុន្តែតែងប្រឈមនឹងរោគសញ្ញាក្រោយពីជាសះស្បើយជំងឺ COVID -១៩។

រោគសញ្ញាដែលច្រើនជួបប្រទះ ដូច៖ កុមារហេវហត់ ងងឹតមុខ ឈឺក្បាល ពិបាកដង្ហើម តឹងទ្រូង រាករុស ទល់លាមក ពិបាកគេង ទឹកមុខស្រពន ធ្លាក់ទឹកចិត្ត ជះឥទ្ធិពលដល់ជីវភាពនិងការរៀនសូត្រ។ កុមារអាយុធំនិងកុមារ ធ្លាប់មានប្រតិកម្ម ច្រើនជួបបញ្ហាសុខភាព ក្រោយពីជាសះស្បើយជំងឺ COVID-១៩ ជាង។ រលាកប្រព័ន្ធពហុមុខងារនៃរាងកាយ គឺករណីធ្ងន់ធ្ងរមួយក្រោយពីជាសះស្បើយជំងឺ COVID -១៩។ រយៈពេលកន្លង មន្ទីរពេទ្យកុមារក្រុងកឹងធើ បានទទួលព្យាបាលកុមារចំនួន ១០ ករណី ដែលរលាកប្រព័ន្ធពហុមុខងារនៃរាងកាយ ទាមទារវេជ្ជបណ្ឌិតខិតខំប្រឹងប្រែងព្យាបាលទើបអាចសង្រ្គោះកុមារផុតពីគ្រោះថ្នាក់។ វេជ្ជបណ្ឌិត ឯកទេសផ្នែកកុមារ ផ្ដល់អនុសាសន៍ កុមារក្រោយពីជាសះស្បើយជំងឺ COVID-១៩ ប៉ុន្តែ នៅមានរោគសញ្ញាមួយចំនួន ដូច៖ គ្រុនក្ដៅ ២៤ ម៉ោងមិនថយចុះ អមជាមួយនឹងការក្អួត ចង្អោរ ឈឺពោះ រាករូស តឹងទ្រូង ឬផ្សំជាមួយសើស្បែក ស្បែកឡើងកន្ទួលក្រហម។ល។ ឪពុកម្ដាយគប្បីនាំកុមារទៅកាន់មន្ទីរពេទ្យពិនិត្យជំងឺ ជៀសវាងករណីសោកស្ដាយកើតមានឡើង។

ករណីមួយចំនួនទៀត ក្រោយពីជាសះស្បើយជំងឺ COVID-១៩ ក៏គួរទៅជួបវេជ្ជបណ្ឌិតឯកទេសផ្នែកកុមារដើម្បីពិនិត្យជំងឺឡើងវិញ មានដូច៖ ហេវហត់ ងងឹតមុខ ឈឺក្បាល ឈឺបំពង់ក តឹងទ្រូង រាករូស ទល់លាមក។ កុមារភ្លឹកភ្លេចស្មារតី ទឹកមុខស្រពោន ធ្លាក់ទឹកចិត្ត ក្រោយពីឆ្លងជំងឺ COVID-១៩ ហើយជាសះស្បើយ មានអាការៈអូសអន្លាយ ៤ សប្ដាហ៍ ឪពុកម្ដាយគប្បីនាំកុមារទៅកាន់មន្ទីរពេទ្យដើម្បីពិនិត្យជំងឺ ធ្វើរោគវិនិច្ឆ័យស្វែងរកជំងឺ។ មន្ទីរពេទ្យកុមារក្រុងកឹងធើមានបុគ្គលិកពេទ្យមានកម្រិតវិជ្ជាឯកទេសខ្ពស់ បទពិសោធន៍ច្រើន និងមានសម្ភារៈពេទ្យគ្រប់សព្វ អាចធានាការស្វែងរកជំងឺនិងធ្វើរោគវិនិច្ឆ័យ ដើម្បីរួមជាមួយអាណាព្យាបាលតាមដាន ថែទាំ ធ្វើការព្យាបាល។ ព្រមជាមួយនោះ អាណាព្យាបាលគ្រប់រូបគប្បីស្រាវជ្រាវនូវចំណេះដឹងបន្ថែមពីស្ថានភាពក្រោយពីជាសះស្បើយជំងឺ COVID-១៩ ក៏ដូចជាវិបត្តិនៃការរលាក ដើម្បីធ្វើការព្យាបាលបានទាន់ពេល។

ប្រសិនបើកុមារចៃដន្យឆ្លងជំងឺ COVID-១៩ ឪពុកម្ដាយគប្បីតាមដានស្ថានភាពស្មារតីរបស់កុមារ; បង្កើនកម្លាំងទប់ទល់ដល់កុមារដូចបំពេញបន្ថែមអាហារូបត្ថម្ភ លំហាត់ប្រាណ ជៀសវាងធាត់លើសទម្ងន់; គ្រប់គ្រងល្អជំងឺរ៉ាំរៃ; ជៀសវាងកុមារត្រូវរងារ; ធានាខ្យល់អាកាសចេញចូលល្អក្នុងបរិស្ថានរស់នៅ រៀនសូត្រ។ ទន្ទឹមនឹងនោះ គប្បីយកចិត្តទុកដាក់អនាម័យបាតដៃឱ្យកុមារ; ពាក់ម៉ាស់ពេលជួបប្រស្រ័យជាមួយអ្នកដទៃ។ ពេលត្រូវការពិគ្រោះយោបល់ ឪពុកម្ដាយគប្បីទំនាក់ទំនងតាមរយៈលេខទូរស័ព្ទរបស់មន្ទីរពេទ្យឯកទេសកុមារ ឬមន្ទីរពេទ្យដែលមានផ្នែកកុមារ ដើម្បីទទួលបានការផ្ដល់ពិគ្រោះសមស្រប៕

ធូសឿង - ថាច់ធី

ចែករំលែកអត្ថបទ

ពាក្យគន្លឹះ