ក្រុម​អ្នក​វិទ្យា​សាស្ត្រ​សហរដ្ឋ​អា​មេរិក​ បាន​បញ្ជាក់​៖ ការ​ចាក់​វ៉ាក់​សាំង​បង្ការ​ COVID-១៩ដល់​កុមារ​ មិន​ត្រឹម​តែ​ពន្យឺត​ការ​ឆ្លង​រាល​ដាល​នៃ​ជំងឺ​ SARS-CoV-២ប៉ុណ្ណោះ​ទេ ថែម​ទាំង​ជួយ​ទប់​ស្កាត់​ហានិ​ភ័យ​កើត​មាន​វីរុសបំ​ប្លែង​ខ្លួន​ថ្មី​ទៀត​ផង​។​

ចាក់​វ៉ាក់​សាំង​បង្ការ​ជំងឺ​ COVID-១៩ ដល់​កុមារ​នៅ​សហរដ្ឋ​អា​មេរិក​។​ រូប​៖ AP

តាម​ក្រុម​អ្នក​វិទ្យា​សាស្ត្រ​ជំងឺ​ SARS-CoV-២ អាច​នឹង​បង្កើន​សមត្ថ​ភាព​ ប្រែប្រួល​បន្ទាប់​ពីឆ្លង​ពីមនុស្ស​ម្នាក់​ទៅ​មនុស្ស​ម្នាក់​ទៀត​។​  អា​ស្រ័យ​ហេតុ​នោះ​ ការ​ដែល​មាន​បន្ថែម​មុខ​សញ្ញា​មួយ​ក្រុម​បាន​ការ​ពារ​ក៏​អាច​ជួយ​កាត់​បន្ថយ​នូវ​ហានិ​ភ័យ​ទាំង​នេះ​។​ ការ​ចាក់​វ៉ាក់​សាំង​បង្ការ​ឱ្យ​កុមារ​ ក៏​ជួយ​កាត់​បន្ថយ​ការ​ឆ្លង​រាល​ដាល​“ស្ងាត់​ៗ​”របស់​វីរុស ព្រោះ​ថា​ករណី​ឆ្លង​ COVID-១៩ ចំ​ពោះ​កុមារ​ច្រើន​តែគ្មាន​រោគ​សញ្ញា​ឬ​មាន​រោគ​សញ្ញា​ស្រាល​ប៉ុណ្ណោះ​។​

អ្នក​ឯក​ទេស​ផ្នែក​វីរុសវិទ្យា​នៅ​សាក​លវិទ្យា​ល័យ​ Wisconsin-Madison លោក​ David O’Connor  គូស​បញ្ជាក់​៖ កាន់​តែ​តិច​អ្នក​ផ្ទុក​ជំងឺ​ SARS-CoV-២ កាន់​តែតិច​កើត​មាន​វីរូស​បំ​ប្លែង​ខ្លួន​ថ្មី​ផង​ដែរ​។​ ក្រៅ​ពីនេះ​ ការ​បំ​ប្លែង​ខ្លួន​ថ្មី​អាច​នឹង​មាន​សមត្ថ​ភាព​កើត​មាន​ចំ​ពោះ​អ្នក​ដែល​មាន​ប្រ​ព័ន្ធ​ភាព​សុាំនៃ​រាងកាយ​ខ្សោយ​ និង​ផ្ទុក​វីរុស​ក្នុង​រយៈ​ពេល​យូរ​។​

តាម​ការ​ប៉ាន់​ស្មាន​របស់​មជ្ឈ​មណ្ឌល​គំ​រូ​នៃ​សេ​ណារីយ៉ូ COVID-១៩ ការ​នាំ​កុមារ​ទៅ​ចាក់​វ៉ាក់​សាំង​បង្ការ​ អាច​នឹង​បង្ក​ភាព​ខុស​ប្លែក​យ៉ាង​ច្បាស់​ក្នុង​ពេល​អនា​គត​។​ ឆ្លង​តាម​រយៈ​នោះ​ ចាប់​ពីខែវិច្ឆិកា​ ឆ្នាំ​២០២១ រហូត​ដល់​ថ្ងៃ​ ១២ ខែមីនា​ ឆ្នាំ​ ២០២២ ការ​ដែល​ចាក់​វ៉ាក់​សាំង​ បង្ការ​ដល់​កុមារ​ចាប់​ពីអា​យុ​ ៥-១១ ឆ្នាំ​ អាច​នឹង​ទប់ស្កាត់​បាន​ចំ​នួន​ ៤៣០.០០០ ករណី​ឆ្លង​ជំងឺ​ COVID-១៩ នៅ​សហរដ្ឋ​អា​មេរិក​ ប្រ​សិន​បើ​គ្មាន​ការ​បំ​ប្លែង​ខ្លួន​ថ្មី​កើត​មាន​នោះ​ទេ។​ ក្នុង​ករណី​ការ​បំ​ប្លែង​ខ្លួន​ថ្មី​អាច​នឹង​មាន​សមត្ថ​ភាព​ ឆ្លង​រាល​ដាល​ខ្ពស់​ជាង​ ៥០% បើ​ប្រៀប​នឹង​វីរូស​បំ​ប្លែង​ខ្លួន​ Delta ដែល​កើត​មាន​កាល​ពី​ចុង​សរ​ទរដូវ​ការ​ឆ្លង​ជំងឺ ​COVID-១៩ អាច​នឹង​ទប់​ស្កាត់​បាន​ឡើង​ដល់​ទៅ​ ៨៦០.០០០ ករណី​។​

ចាក់​វ៉ាក់​សាំង​បង្ការ​ជំងឺ​ COVID-១៩ ដល់​សិស្ស​ថ្នាក់​ទី ៨ សាលា​អនុវិទ្យា​ល័យ​លឿង​ថេ​វិញ​ ក្រុង​កឹង​ធើ។​ រូប​ថត​៖ Lan Phuong

បច្ចុប្បន្ន​ សហរដ្ឋ​អា​មេរិក​កំ​ពុង​ជំរុញ​យុទ្ធ​នាការ​ចាក់​វ៉ាក់​សាំង​បង្ការ​ជំងឺ​ COVID-១៩ ដល់​កុមារ​អា​យុ​ចាប់​ពី ៥-១១ ឆ្នាំ​ ប្រ​មាណ​ ២៨ លាន​នាក់​។​  តាម​ទិន្ន​ន័យ​ពីសេត​វិមាន​ ចាប់​តាំង​ពីពេល​ដែល​ស្ថាប័ន​សមត្ថ​កិច្ច​អា​មេរិក​ នៅ​ដើម​ខែវិច្ឆិកា​កន្លង​នេះ​បាន​ផ្តល់​សច្ចា​ប័ន​ចាក់​វ៉ាក់​សាំង​របស់​ក្រុម​ហ៊ុន​ Pfizer/BioNTech ដល់​កុមារ​មាន​អា​យុ​ពី ៥-១១ឆ្នាំ​ មក​ទល់​ពេល​នេះ​មាន​ប្រ​មាណ​១០%ចំ​នួន​កុមារ​កម្រិត​អា​យុ​នេះ​ នៅ​អា​មេរិក​បាន​ចាក់​វ៉ាក់​សាំង​ដូស​ទីមួយ​។​ ឆ្លង​តាម​រយៈ​នោះ​ ល្បឿន​នៃ​ការ​ចាក់​វ៉ាក់​សាំង​បង្ការ​ជំងឺ​ COVID-១៩ ឱ្យ​កុមារ​នៅ​អា​មេរិក​ លឿន​ជាង​ ៣ដង បើ​ប្រៀប​នឹង​ល្បឿន​ចាក់​ដល់​មនុស្ស​ពេញវ័យ​ឡើង​ទៅ​ ចាប់​ពីពេល​ផ្សព្វ​ផ្សា​យយុទ្ធ​នាការ​ចាក់​វ៉ាក់​សាំង​រហូត​មក​។​

ក្រោយ​រយៈ​ពេល​ ២ ខែសាក​ល្បង​ព្យា​បាល​ ឃើញ​ថា​ស្ថាប័ន​ផលិត​ឱសថ​អឺរ៉ុប​(EMA) បាន​ផ្តល់​អនុ​សាសន៍​អំ​ពី​ការ​ចាក់​វ៉ាក់​សាំង​បង្ការ​ COVID-១៩ របស់​ក្រុម​ហ៊ុន​ Pfizer/BioNTech ដល់​កុមារ​មាន​អា​យុ​ចាប់​ពី ៥ ដល់​ ១១ ឆ្នាំ​។​ ឆ្លង​តាម​រយៈ​នោះ​ ផលិត​ផលបាន​បង្ក​ប្រតិ​កម្ម​នៃ​ប្រ​ព័ន្ធ​ភាព​សុាំដល់​ក្រុម​កុមារ​មាន​អា​យុ​ចាប់​ពី ៥ ដល់​ ១១ ឆ្នាំ​ ដែល​មុន​នោះ​អនុញ្ញាត​ឱ្យ​ប្រើ​ប្រាស់​សម្រាប់​តែក្រុម​មាន​អា​យុ​ចាប់​ពី ១២ ឆ្នាំ​ឡើង​ទៅ​៕​  

    យោង​៖ កាសែត​កឹង​ធើ - លីសៀ